Admin, 24 November 2025
ព្រឹត្តការណ៏ដ៏អស្ចារ្យប្រចាំឆ្នាំ2025 បានមកដល់ទៀតហើយគឺកម្មវិធីការដាក់តាំងបង្ហាញរថយន្ត ប្រចាំឆ្នាំលើកទី4 (The 4th Road Show 2025) ដែលរៀបចំដោយផ្សារទំទើបអ៊ីអនម៉ល សែនសុខ ស៊ីធី។កម្មវិធីនេះនិងធ្វើឡើងក្នុងរយៈពេល3 ថ្ងៃ គឺចាប់ពីថ្ងៃទី 28-30 ខែវិច្ឆការ ឆ្នាំ2025នៅទីតាំងផ្សារទំនើបអ៊ីអនម៉លសែនសុខ ស៊ីធី ចំណតរថយន្ត ជាន់ផ្ទាល់ដី។កម្មវិធីនេះនឹងមានការតាំងបង្ហាញរថយន្តជាច្រើនដែលមកពីបណ្តាក្រុមហ៊ុនផ្សេងៗគ្នា ហើយក៏ជាជម្រើសមួយដែលលោកអ្នកចង់ជ្រើសរើសរថយន្តម៉ូដែលថ្មីសំរាប់លក្ខណ:គ្រួសារលក្ខណ:ការងារ និងការប្រកបអជីវកម្មផ្សេងៗ។ ក្នុងព្រឹត្តការណ៏នោះក៏មានការប្រគំតន្ត្រីដែលចូលរួមដោយតារាចម្រៀងល្បី ម្ចាស់បទទឹកភ្នែកលើម៉ាស្ការាគឺលោកខាយ និងមកបំពេញអារម្មណ៍ប្រិយមិត្តនិងមិនធ្វើអោយហ្វេនៗខកបំណងឡើយ។
កម្មវិធីតាំងបង្ហាញរថយន្តប្រចាំឆ្នាំ2025 លើកទី4
មិនត្រឹមតែប៉ុណ្ណោះក្នុងព្រឹត្តការណ៏នេះក៏មានការអញ្ចើញចូលរួមសំដែងសិល្បៈកំសាន្តបែបវប្បធម៌ប្រពៃណី និងល្បែងកំសាន្តជាច្រើនទៀតផងដែរ។អ្វីដែលមិនធ្វើអោយលោកអ្នកខកបំណងក្រៅពីកម្មវិធីការតាំងបង្ហាញរថយន្តប្រចាំ ឆ្នាំ2025ក៏មានការលក់បញ្ចុះតំលៃរាល់ទំនិញក្នុងផ្សារអ៊ីអនម៉ល សែនសុខ ស៊ីធី និងមានការចាប់ឆ្នោតផ្សងសំណាងដល់អតិថិជនដែលបានចូលរួមទស្សនានិងមានឱកាសឈ្នះរង្វាន់យ៉ាងសន្ធឹកសន្ធាប់។ព្រឹត្តការណ៏នេះរៀបចំដោយផ្សារទំនើបអ៊ីអនម៉លសែនសុខចូលរួមឧបត្ថម្ភដោយ ក្រុមហ៊ុនម៉ូតូPeugeot ចូលរួមពិពរណ៍ដោយ រថយន្ត MG, Hyundia, Zeeker, GWM, Nissan, Toyota, Leapmotor, GAC, JMC និងដៃគូរសហការជាច្រើនទៀត។ព្រឹត្តការណ៏នេះចូលទស្សនាដោយសេរីដើម្បីទទួលយកបទពិសោធន៏ថ្មីជាមួយរថយន្តក្នុងក្តីស្រមៃរបស់អ្នក៕
ប្រភព៖ Arena Cambodia Auto
ប្រែសំរួល៖ AC Motors
