​​           ប្រសិនបើអ្នកមានអារម្មណ៍ធុញទ្រាន់ក្នុងពេលរង់ចាំនៅក្នុងរថយន្ត ហើយព្យាយាមមិនចង់​ប្រើប្រាស់ទូរស័ព្ទច្រើនពេក អ្នកប្រហែលជាចង់មើលវីដេអូអ្វីមួយ។​សម្រាប់អ្នកដែលប្រើប្រាស់ iPhone និងមានរថយន្តដែលគាំទ្រមុខងារ CarPlay នឹងអាចធ្វើបែបនេះបានក្នុងពេលឆាប់ៗ​ខាងមុខ ប្រហែលជាមានវត្តមាននៅពេលដែលប្រព័ន្ធប្រតិបត្តិការ iOS កំណែអាប់ដេតបន្ទាប់​ចេញ​ផ្សាយ។ វានឹងធ្វើឱ្យការរង់ចាំសាកថ្មរថយន្តអគ្គិសនីនៅទីសាធារណៈ ឬការរង់ចាំទទួល​កូននៅសាលារៀន កាន់តែមានភាពងាយស្រួល។

ត្រៀមបង្ហាញខ្លួននៅលើអេក្រង់ប៉ះរបស់អ្នក

នៅពេលដែល Apple បានប្រកាសចេញ iOS 26 ក្នុងខែមិថុនា ឆ្នាំ 2025 ក្រុមហ៊ុនបាន ប្រាប់ អ្នកបង្កើតកម្មវិធី (Developers) ថា ប្រព័ន្ធប្រតិបត្តិការថ្មីសម្រាប់ iPhone នេះនឹងមានការ Suppor​t ​ដល់ការមើលវីដេអូ។ មុខងារនេះពីមុនមិនមានវត្តមានដែលត្រូវបានបង្ហាញជាលើក​ដំបូង ឬការអាប់ដេតបន្តបន្ទាប់ទៀតនោះទេ ។​ ប៉ុ​ន្តែបច្ចុប្បន្នវាត្រូវបានដាក់ឱ្យប្រើប្រាស់​សម្រាប់​​អ្នក​បង្កើតកម្មវិធី​នៅក្នុង​កំណែ iOS 26.4 beta ហើយ។​ វាក៏មានការលើកឡើងយ៉ាង​ខ្លីអំពីមុខងារនេះនៅលើទំព័រ​អ្នក​បង្កើតកម្មវិធី CarPlay ផងដែរ។

អ្នកអភិវឌ្ឍន៍ Software ម្នាក់ឈ្មោះ Thomas Dye បានបង្ហាញការសាកល្បងដោយ ប្រើកម្មវិធី ត្រាប់តាម CarPlay (CarPlay simulator) ជាទម្រង់វីដេអូ។ គាត់បានបង្ហាញថា កម្មវិធី Apple TV នឹងលេចឡើងនៅលើអេក្រង់ដើមរបស់ CarPlay ហើយដំណើរការដូចទៅនឹង កម្មវិធី នៅលើ iPhone, iPad និងទូរទស្សន៍ពិតៗផងដែរ។ អ្នកអាចឆែកមើលបញ្ជីរឿងដែលអ្នក ចូលចិត្តមើល និងអាចស្វែងរកក្នុង​កម្មវិធី​ទូរទស្សន៍ ឬខ្សែភាពយន្ត ។​​ ​អ្នកអាចបង្កើត កម្មវិធីផ្សេងៗ​ក៏នឹងអាច​បើក​ដំណើរការ​​មុខងារ AirPlay ពីទូរស័ព្ទទៅកាន់រថយន្ត ដែលវា Support ប្រភពវីដេអូ សម្រាប់កម្មវិធី​ណាដែលមិនទាន់មានការដំឡើងជាមួយ CarPlay ជាផ្លូវការ។

ចំណុចសំខាន់ពីរដែលត្រូវដឹង

ទោះជាយ៉ាងណាក៏ដោយ វាមានរឿងពីរដែលត្រូវតែកើតឡើង មុនពេលអ្នកអាចមើលវីដេអូ​នៅលើអេក្រង់រថយន្តបាន៖

1. ក្រុមហ៊ុនផលិតរថយន្ត៖ ទំនងជាត្រូវបើកដំណើរការមុខងារនេះតាមរយៈការកំណត់ Software របស់ពួកគេដែលទាក់ទងជាមួយ CarPlay (ក្រុមហ៊ុនមួយចំនួនអាចនឹងរើសយក ការមិនបើកមុខងារនេះ ដោយសារហេតុផលសុវត្ថិភាព និងការទទួលខុសត្រូវផ្លូវច្បាប់)។ នេះនឹងទាមទារឱ្យមានការអាប់ដេត Software តាមរយៈ (OTA) ឬការអាប់ដេតផ្សេងៗ។  ​

2. ស្ថានភាពរថយន្ត៖ មុខងារនេះនឹងត្រូវចាក់សោមិនឱ្យប្រើប្រាស់ឡើយ លើកលែងតែ រថយន្តត្រូវបានចត (Parked)។ សុវត្ថិភាពត្រូវតែមកមុនគេ។​ ចំពោះមុខងារ Android Auto វិញ វាមិនទាន់មានការគាំទ្រការមើលវីដេអូជាផ្លូវការនៅឡើយទេ។​ ចំណែកប្រព័ន្ធកម្សាន្តដែល​ប្រើមូលដ្ឋាន Google (Google-based infotainment) គឺគាំទ្រការមើលវីដេអូរួចជាស្រេច រួមទាំងតាមរយៈ YouTube ផងដែរ។

មិនមានការធានាថា មុខងារដែលមានក្នុង iOS beta នឹងត្រូវបានដាក់បញ្ចូលក្នុងកំណែទំរង់​បន្ទាប់នោះទេ ជួនកាលពួកគេអាចដកវាចេញវិញដើម្បីអភិវឌ្ឍ និងសាកល្បងបន្ថែម។ ទោះជាយ៉ាងណាក៏ដោយ មុខងារនេះមើលទៅហាក់ដូចជាសាមញ្ញ ដូច្នេះយើងសង្ឃឹមថា​នឹងបានឃើញវាឆាប់ៗ។ ជាទូទៅ ការកំណែ​Software iOS ប្រើពេលត្រឹមតែប៉ុន្មានសប្តាហ៍ តែប៉ុណ្ណោះ ពីដំណាក់កាល beta បញ្ចេញទៅអោយការប្រើប្រាស់ជាសាធារណៈ៕