ក្រុមហ៊ុន KTM ទីបំផុតកំពុងឆ្ពោះទៅរកអនាគតថ្មី បន្ទាប់ពីក្រុមហ៊ុន Bajaj Auto បានប្រើប្រាស់កិច្ចព្រមព្រៀងទិញយក (call option agreement) ផ្នែកជាកម្មសិទ្ធរបស់ខ្លួន ដើម្បីកាន់កាប់ម៉ាកយីហោប្រទេសអូទ្រីសមួយនេះ។

កាលពីជាងមួយឆ្នាំមុន ក្រុមហ៊ុនKTM មានបញ្ហាហិរញ្ញវត្ថុហើយក្រុមហ៊ុន KTM ត្រូវបានលាតត្រដាង ហើយចាប់តាំងពីពេលនោះមក ទីផ្សារ​របស់ក្រុមហ៊ុន​មានភាពឡើងចុះ ប៉ុន្តែភាគច្រើនគឺចុះ។

ឥឡូវនេះ ក្រុមហ៊ុន KTM ទីបំផុតបានរកម្ចាស់ថ្មីឃើញហើយ បន្ទាប់ពីក្រុមហ៊ុន Pierer Mobility AG បានបញ្ជាក់ពីការទិញយករបស់ក្រុមហ៊ុន Bajaj តាមរយ:ការចេញ​ផ្សាយព័ត៌មាន។ អ្វីដែលទាំងអស់នេះមានន័យយ៉ាងច្បាស់លាស់ហើយ គឺក្រុមហ៊ុន Bajaj Auto International Holdings B.V. (BAIH) បានទទួលភាគហ៊ុនត្រួតត្រានៅក្នុងក្រុមហ៊ុន Pierer Mobility AG ហើយរួមទាំងក្រុមហ៊ុន Husqvarna និង GasGas ផងដែរ។

ការវិវឌ្ឍន៍នេះក៏បានបង្ហាញថា ក្រុមហ៊ុន Bajaj ចូលកាន់កាប់ភាគហ៊ុនទាំងអស់ចំនួន 50,100​ shares ដែលពីមុនកាន់កាប់ដោយក្រុមហ៊ុន Pierer Industrie AG តែឥឡូវតាមរយៈក្រុមហ៊ុន Pierer Bajaj AG។ ដើម្បីធ្វើឱ្យអ្វីៗទាំងអស់នេះកាន់តែច្បាស់លាស់ កិច្ចព្រមព្រៀងនេះ​ បណ្តាល​ឱ្យមានការផ្លាស់ប្តូរឈ្មោះសំខាន់ៗចំនួនពីរ​ដែល ក្រុមហ៊ុន Pierer Bajaj AG នឹងត្រូវប្តូរឈ្មោះទៅជា Bajaj Auto International Holdings AG ឆាប់ៗនេះ ខណៈដែលក្រុមហ៊ុន Pierer Mobility AG ប្តូរទៅជាឈ្មោះ Bajaj Mobility AG បន្ទាប់ពីក្រុមហ៊ុនឥណ្ឌាមួយនេះបានទិញភាគហ៊ុនចំនួន 74.9% នៅក្នុងក្រុមហ៊ុន Pierer Mobility AG។

ប្រតិបត្តិការនេះត្រូវបានអនុម័តដោយច្បាប់និយតករ ដែលកើតឡើងបន្ទាប់ពីក្រុមហ៊ុន Bajaj បានដាក់បញ្ចូលទឹកប្រាក់ចំនួន 800 លានអឺរ៉ូ(លើសពី 700លានផោនបន្តិច)ស្មើរនិង​​ 921​លានដុល្លាសហរដ្ឋអាមេរិក កាលពីខែឧសភាកន្លងទៅ​នេះ ដើម្បីរក្សា KTM ឱ្យនៅ​ដំណើរការ។

​នេះបើតាមសេចក្តីប្រកាសព័ត៌មានរបស់ក្រុមហ៊ុន Pierer Mobility AG បាននិយាយអំពីរឿង​ការកាន់កាប់របស់ក្រុមហ៊ុន Bajaj យ៉ាងដូច្នេះថា៖

"ក្រុមហ៊ុន Bajaj Auto International Holdings B.V. បានប្រើប្រាស់ជម្រើសទិញ (Call Option)។ ថ្ងៃនេះ ភាគហ៊ុនដែលកាន់កាប់ដោយ Pierer Industrie AG នៅក្នុងម្ចាស់ភាគហ៊ុន ភាគច្រើនគឺ Pierer Bajaj AG ត្រូវបានផ្ទេរទៅឱ្យ Bajaj Auto International Holdings B.V.។ ក្រុមហ៊ុន Bajaj Auto International Holdings B.V. ឥឡូវនេះជាម្ចាស់ ភាគហ៊ុន តែមួយគត់របស់ Pierer Bajaj AG ហើយមាន​ភាគហ៊ុនកាន់កាប់ប្រហែល 74.9% នៅក្នុង PIERER Mobility AG គឺក៏ជាម្ចាស់ភាគហ៊ុនច្រើនជាងគេដែលកាន់កាប់ ត្រួតត្រាលើ​ក្រុមហ៊ុនPIERER Mobility AG ផងដែរ៕