ក្រុមហ៊ុន Beijing Off-road ដែល​ជាម៉ាក​យីហោបន្ទាប់​របស់ BAIC ដែលបាន​ដាក់សម្ពោធ​ជា​ផ្លូវការ​នូវ​រថយន្ត BJ40 Extended-Range Yuanjing Zhixing Edition នៅ​ថ្ងៃនេះ ដែល​មាន​តម្លៃ 28,700 ដុល្លារ​អាមេរិក។ ម៉ូដែល​ថ្មី​នេះ​ផ្តោត​សំខាន់​លើ​ការ​អាប់ដេត​ប្រព័ន្ធ​ជំនួយ​ការ​បើកបរ​កម្រិត​ខ្ពស់ (ADAS) ដែលបាន​ណែនាំ​មុខងារ​ដូចជា high-speed NOA (Navigate on Autopilot) ដើម្បី​បង្កើន​ភាព​ងាយស្រួល​សម្រាប់​ការ​បើកបរ​ក្នុង​ទីក្រុង។

រថយន្ត​ថ្មី​នេះ​រក្សា​ការ​រចនា “រាង​ប្រអប់​បួនជ្រុង” នៃ​ម៉ូដែលរថយន្ត​បច្ចុប្បន្ន​ភាគច្រើនគេនិយមចូលចិត្ត។ បន្ទះប៉ាណាខាង​មុខមានរបាំង​ប្រាំ​បន្លោះរបស់​យីហោនេះ ដោយ​បំពាក់មកជាមួយភ្លើង​មុខ​(headlights) និង​ភ្លើង​រត់​ពេល​ថ្ងៃ(daytime running light)។ រូបរាង​ខាងក្រៅ​ត្រូវ​បានបន្ថែម​​មកជាមួយកង់​សាគួរ​ខាងក្រោយ និង​ទ្វារ​ក្រោយ​អាចបើក​ចែកជាពីរផ្នែក (split-opening tailgate) ព្រមទាំង​ភ្លើងស្តុបខាងក្រោយរាងជាអក្សរ “F”។

នៅ​ផ្ទៃខាងក្នុង មាន​បំពាក់​​អេក្រង់​ពីរ​នៅចំកុងសូល​កណ្តាល(Center Console) និងនៅមុខកន្លែងកៅអី​អ្នករួមដំណើរ​ខាងមុខ។ ចំណែកលក្ខណៈ​ស្តង់ដារពិសេស ​របស់​ម៉ូដែល​នេះទាំងអស់​រួម​មាន ផ្ទាំង​អេក្រង់ LCDទំហំ 10.25 អ៊ីញ, អេក្រង់​បញ្ជា​កណ្តាលទំហំ​​ 12.8 អ៊ីញ, អេក្រង់​អ្នកដំណើរ​ខាងមុខទំហំ 12.8អ៊ីញ, និង​កញ្ចក់​មើលក្រោយ​ស្ទ្រីមមីង (Streaming rearview mirror)ទំហំ 9 អ៊ីញ។ ប្រព័ន្ធ​អេក្រង់​កម្សាន្ត​ដំណើរការ​ដោយ​ឈីប Qualcomm Snapdragon 8155 ដែល​អនុញ្ញាត​ឲ្យ​មាន​ការ​សន្ទនា​ ​ដែល​ដំណើរការ​ដោយ​សំឡេង AI (AI voice-activated situational dialogues)យ៉ាងរលូន​  ម៉ូដែលនេះបំពាក់មកជាមួយប្រព័ន្ធ​សម្លេង​(Audio Speaker) ចំនួន​ 10 គ្រាប់និងបន្ថែមជាមួយ​អំព្លី (independent amplifier)មួយផងដែរ ។

ស្ថាបត្យកម្ម​បច្ចេកវិទ្យា “Yuanjing Intelligent” បានបញ្ចូល​ប្រព័ន្ធចាប់សញ្ញា​ភាព​ជាក់លាក់​កម្រិតខ្ពស់ចំនួន 26 សិនសឺ​(26 high-precision sensors)។ ប្រព័ន្ធចាប់សញ្ញា​ទាំងនេះ​អនុញ្ញាត​ឲ្យ​មាន​មុខងារជាមួយ ADAS រួមទាំង​មាន high-speed NOA, ជំនួយការ​ចត​ឆ្លាតវៃ, និងជំនួយ​ការ​ចត​មាន​អង្គចងចាំ (memory parking)។

ទាក់ទង​នឹង​ថាមពល BJ40 Extended-Range Yuanjing Zhixing Edition ​ប្រព័ន្ធ​បញ្ជូន​ថាមពល​អគ្គិសនី​ (EREV) ដែល​មាន​ម៉ាស៊ីន 1.5T និង​ម៉ូទ័រ​ម៉ាញេទិក​ស៊ីងក្រូណូសចំនួន​ពីរ(1.5T engine and dual permanent magnet synchronous motors)។ ម៉ាស៊ីន​ផ្តល់​ថាមពល​អតិបរមា 188 សេះ ខណៈ​ម៉ូទ័រ​អគ្គិសនី​ផ្តល់​ថាមពល​សរុប 548 សេះ និង​កម្លាំង​បង្វិល​កំពូល 655 ញូតុន​ម៉ែត្រ (Nm)។ វា​ត្រូវ​បាន​បំពាក់​ដោយ​អាគុយ 40.3 kWh ដែល​ផ្តល់​ចម្ងាយ​អគ្គិសនី​សុទ្ធ CLTCក្នុងការបើកបរចម្ងាយ 152 គីឡូម៉ែត្រ។ លើស​ពី​នេះ ម៉ូដែល​ថ្មី​នេះ​បានបំពាក់​បន្ទះដែក​ការពារ​ការរំកិល​ដែល​បាន​បង្កប់​នៅ​ខាងក្នុង (embedded metal roll cage)។

រថយន្តមួយ​នេះ​គឺ​ជាកំណែរ​ ​Version ​នៃ​ម៉ូដែល BJ40 ប្រើ​សាំង ហើយ​ម៉ូដែល Yuanjing Zhixing Edition នេះ​គឺ​ជា​ម៉ូដែល NEV ជាមួយ ADAS ដែល​បាន​អាប់ដេត។ Beijing Off-road គឺជាប្រភេទរថយន្ត Off Road របស់ BAIC ហើយ​ម៉ាកយីហោ​មួយនេះ​គឺត្រូវ​បាន​ដាក់​ឈ្មោះ​តាម​រាជធានី​របស់​ប្រទេស​ចិន គឺ​ទីក្រុង​ប៉េកាំង៕