ក្រុមហ៊ុន BYD បាន​សម្ពោធ​រថយន្ត MPV ម៉ូដែល M9 2026 ដែល​ត្រូវ​បាន​គេ​ស្គាល់​នៅក្នុង​ប្រទេស​ចិន​ថា​ជា BYD Xia ដែល​មាន​តម្លៃ​ចន្លោះ​ពី 29,000- 37,800 ដុល្លារ​អាមេរិក។ ជាមួយ​គ្នានោះដែរក្រុមហ៊ុន BYD នឹង​មានការ​លើកទឹកចិត្តដល់អតិថិជន​របស់ខ្លួនធ្វើការ​ប្តូរ​រថយន្ត​ចាស់​យករថយន្ត​ថ្មី​ក្នុង​រយៈពេល​មានកំណត់ ដែលមានតម្លៃ ប្រហែល ​​ចាប់​ពី  27,500 ដុល្លារ​អាមេរិក។ ម៉ូដែល​ថ្មី​នេះបំពាក់​អាគុយ​​មាន​ទំហំ​ធំ​ជាងមុន, ការ​សន្សំសំចៃ​ប្រេង​កាន់តែ​ប្រសើរ, និង​ប្រព័ន្ធ​ជំនួយ​អ្នកបើកបរកាន់​តែ​ប្រសើរ​ឡើង។

រថយន្ត  M9​ 2026 នៅតែ​ជា MPV ទំហំ​មធ្យម​ទៅប្រភេទធន់​ធំមាន 7 កៅអី ដែល​ដំណើរការ​ដោយ​ប្រព័ន្ធ​កូនកាត់​ដែល​អាច​ សាក​ថ្ម DM ជំនាន់​ទី 5 របស់ BYD។ សេរីម៉ូដែល​ឥឡូវ​នេះ​រួម​មានតែ 4 ម៉ូដែល ដែល​បាន​កាត់បន្ថយ​ពីមុនមានរហូតដល់ 5 ម៉ូដែល​។ ពីរ​ម៉ូដែល​អាចបើកបរកម្លាំង​អគ្គិសនី​សុទ្ធ CLTC​ បានចម្ងាយ 100 គីឡូម៉ែត្រ ខណៈ​ម៉ូដែល Long-range មានការកើនឡើង​ពីចម្ងាយ 180 គីឡូម៉ែត្រ ដល់ 218 គីឡូម៉ែត្រ។ អាគុយ “Blade” ដែល​មាន​ទំហំ​ធំ​ជាង​នេះ​ក៏​កាត់បន្ថយ​ការ​ប្រើប្រាស់​ប្រេង​ក្នុង​ការបើកបររហូត​ដល់ 4.9–5.0 លីត្រ/100 គីឡូម៉ែត្រ ដែល​ជា​ការ​ថយ​ចុះ 0.4 លីត្រ បើ​ធៀប​នឹងពីសេរីមុនៗ។ ចម្ងាយ​បើកបរ​រួម​បញ្ចូល​គ្នា​រវាងប្រេងឥន្ធន: និង​អគ្គិសនី​ឈាន​​រហូត​ដល់ 1,163 គីឡូម៉ែត្រ។

ម៉ូដែល​នេះ​រក្សា​រកាង​មុខរាង​ធំ​  dragon-scale និង​ through-type headlight bar ដោយ​មាន​ការ​តុបតែង​ស្រោបពណ៌ក្រូមេ។ ម៉ូដែល​មានបំពាក់បន្ថែម​​ Lidar ដែល​បាន​ដំឡើង​លើ​ដំបូល។ លក្ខណៈ​ពិសេស​ចំហៀង​រួម​មាន​ទ្វារ​រអិលដំណើរការដោយប្រព័ន្ធ​អគ្គិសនី​ទ្វេដង, ឧបករណ៍​ចាប់សញ្ញា​ព្យាករណ៍(Projection Sensors)​, Bluetooth និង NFC Key, និង​កញ្ចក់​ឯកជនភាព​សម្រាប់​ខាងក្រោយ។ ម៉ូដែលនេះវាមានប្រវែង 5,145mm ទទឹង​​ 1,970mm  និងកម្ពស់ 1,805mm ជាមួយ​នឹង​គម្លាត​កង់ 3,045mm ។ ផ្នែក​ខាងក្រោយ​បន្ត​ការប្រើ​ការ​រចនា​ភ្លើង​កន្ទុយ “ knot” របស់ BYD ជាមួយ​នឹង​ភ្លើង​បំភ្លឺ​ពេញកាត់​ទទឹងរថយន្ត។ មិនត្រឹមតែប៉ុណ្ណោះ​ BYD ដាក់អោយមានជម្រើសពណ៌ថ្មី​ផ្ទៃផ្នែកខាងក្រៅ​រួម​មានពណ៌ Ink Bamboo Green, Glazed Purple-Gold, និង Moon Shadow Black-Gold ក្រៅពី​ជម្រើស 4 ពណ៌​ដែល​មាន​ពីមុន។

នៅ​ផ្នែកខាងក្នុងម៉ូដែល  M9​ 2026 បានផ្តល់​ផ្ទៃខាងក្នុងជាមួយពណ៌ Sandalwood Brown–Beige និង Far Mountain Grey ជាមួយ​នឹង​ភ្លើង​ផ្ទៃខាងក្នុងចំនួន​128ពណ៌, ប្រព័ន្ធ​ទឹក​អប់, និង​ប្រព័ន្ធ​ច្រោះ​ខ្យល់ PM2.5 (Optional)។ អេក្រង់​កណ្តាលទំហំ 15.6 អ៊ីញ ដំណើរការ​ដោយ​ប្រព័ន្ធ DiLink 150 ដែល​អាច​​បញ្ជា​សំឡេងបានជាមួយ Di pSeek AI, “Sentinel mode​, អាចច្រៀង​Karaoke ដោយ​គ្មាន​មីក្រូហ្វូន, និង​អាច Conect ​ទូរស័ព្ទ​គ្រប់ម៉ូដែល។ អេក្រង់​កុងទ័រទំហំ 12.3 អ៊ីញ, W-HUDទំហំ 26 អ៊ីញ (ម៉ូដែល​ខ្ពស់), និង​អេក្រង់​កម្សាន្តសំរាប់​អ្នកដំណើរទំហំ 12.3 អ៊ីញ ក៏​មាន​ផង​ដែរ។ Physical control ​​មាន​នៅ​ខាងក្រោម​អេក្រង់​ថាច់ស្គ្រីន ហើយ​បន្ទះ​សាក​ថ្ម​ឥតខ្សែទំហំ 50W ​ស្តង់ដារ។ ប្រព័ន្ធសម្លេង​ “Speaker” ប្រភេទ DiSound Dolby Atmos​​ ចំនួន 12 ឬ 24 speakers  ​ត្រូវ​បាន​រួមបញ្ចូល អាស្រ័យ​លើ​ម៉ូដែល ជាមួយ​នឹង​ជម្រើស 28 speakers និង​ឧបករណ៍​បំពង​សំឡេង​ចល័តខាងក្រៅ​។

ម៉ូដែល​ខ្ពស់​មាន​ប្រព័ន្ធ God’s Eye B របស់ BYD ដែល​រួមបញ្ចូល lidar ព្រមទាំង​ជំនួយ​ការ​រុករកទិសតំបន់( Navigation assist)​ក្នុង​ទីក្រុង និង​សមត្ថភាព​ចត​រថយន្ត​ដោយ​ស្វយ័ត​ដែល​​ធ្វើបានល្អជាមុន។ ម៉ូដែល​កណ្តាល​រក្សា God’s Eye C ដែល​អាច​ជំនួយ​ការ​បើកបរ​លើ​ផ្លូវហាយវ៉េ។ កន្លែង​អ្នកដំណើរ​អាច​ផ្ទុកបានចំណុះ 2+2+3។ កៅអី​មុខ​ទាំងពីរ​មាន​មុខងារ​កម្ដៅ, ខ្យល់​ចេញចូល, អង្គចងចាំ, និង​ម៉ាស្សា។ កៅអី Captain Seats ជួរ​ទីពីរ​មាន​កន្លែង​ដាក់​ជើង, តុ​បត់, ខ្យល់​ចេញចូល, និង​ integrated audio in headrest។ ជួរ​ទីបី​អាច​ត្រូវ​បាន​បត់​ដោយ​ ប្រព័ន្ធអគ្គិសនី និង​អាចបត់បានក្នុងមុំមួយក្នុងការតំរេត​ខ្នង​ផ្សេងៗ។ ទំហំ​ផ្ទុក​ទំនិញ​បានចំណុះ 470 លីត្រ ដែល​អាច​បន្ថែម​បានរហូត​ដល់ 2,036 លីត្រ។

ម៉ូដែល​ខ្ពស់​ជាង​គេបានបំពាក់មកជាមូយ​ទូរទឹកកក​ដែល​អាចគ្រប់គ្រង​សីតុណ្ហភាព, ដំបូល​ព្រះអាទិត្យ ​Panoramic មាន​ពីរ​ផ្នែក, អេក្រង់​កម្សាន្ត​ខាងក្រោយទំហំ 15.6 អ៊ីញ, និង​ប្រព័ន្ធម៉ាស៊ីនត្រជាក់មានច្រើនកន្លែង។

ប្រភេទម៉ាស៊ីនកូនកាត់​ 1.5T plug-in hybrid ផ្តល់​កម្លាំងថាមពល 115 គីឡូវ៉ាត់​ពី និង 200 គីឡូវ៉ាត់​ពី​ម៉ូទ័រ​អគ្គិសនី ជាមួយ​នឹង​ពេល​វេលា​បង្កើន​ល្បឿន 0-100 គីឡូម៉ែត្រ​ក្នុង​មួយ​ម៉ោង​ប្រើរយ:ពេល​ពី 8.1 ទៅ 8.5 វិនាទី។ ម៉ូដែល​នេះ​ប្រើប្រាស់​ប្រព័ន្ធ​ជើងក្រោម​នឹង​ដងទប់​រំញ័រ​ឆ្លាតវៃ DiSus-C របស់ BYD ដែល​បញ្ចូល​ការ​ស្កេន​ព្យាករណ៍លើដងផ្លូវ ដើម្បី​កាត់បន្ថយ​ចលនា​តួរលាក់ និង​បង្កើន​ស្ថិរភាព។ ប្រព័ន្ធ​នេះ​រួមបញ្ចូល​ក្បួន​ដោះស្រាយ “ប្រឆាំង​នឹង​ការ​ពុល​ឡាន”។ គ្រប់​ម៉ូដែល​ទាំងអស់បំពាក់​មក​ជាមួយ​នឹង​ប្រព័ន្ធការ​គ្រប់គ្រង​ផ្ទុះ​កង់ TBC និង​សមត្ថភាព​បញ្ចេញ​ថាមពល​ខាងក្រៅ VTOL។

នៅក្នុងប្រទេសចិន MPV​ plug-in​ មានតម្លៃចាប់ពី 28,000 ទៅ 42,000 ដុល្លារ​អាមេរិក BYD M9 ប្រកួតប្រជែង​ជាមួយ Buick GL8 Land Business Edition PHEV ដែលមានតម្លៃចាប់ពី​35,000 ទៅ 40,600 ដុល្លារ​អាមេរិក និង Maxus MIFA 9 PHEV តម្លៃចន្លោះពី 36,000 ទៅ 49,300 ដុល្លារ​អាមេរិក។ បើ​ធៀប​នឹង​ម៉ូដែល​ទាំងពីរនេះ M9 ផ្តល់​ចម្ងាយ​បើកបរដោយ​ថាមពលអគ្គិសនី​ឆ្ងាយ​ជាង, ការ​ប្រើប្រាស់​​ hybrid fuel ទាប​ជាង, និង​ជម្រើស​ជំនួយ​ការបើកបរ​កម្រិត​ខ្ពស់​ជាង។ ក្នុង​ខែ​កញ្ញា BYD ​លក់បានចំនួន 1,467គ្រឿង​នៃរថយន្ត M9 ដោយ​ជាប់​ចំណាត់ថ្នាក់​លេខរៀងទី 15 ក្នុង​ចំណោមប្រភេទរថយន្ត MPV ធំៗ​នៅក្នុង​ប្រទេស​ចិន៕ សម្រាប់តម្លៃទីផ្សារកម្ពុជាលោកអ្នកអាចសាកសួរតាមតំណាងចែកចាយ​ BYD​ក្នុងស្រុកបាន