រថយន្ត Cadillac Escalade IQ ដោះស្រាយបញ្ហា EV តាមវិធីសាស្ត្របែបអាមេរិកាំងបុរាណ

Admin, 21 hours ago

តើអ្នកធ្លាប់ចាប់អារម្មណ៍ទេថា បញ្ហាវិស្វកម្មដ៏ស្មុគស្មាញប៉ុន្មានដែលជនជាតិអាមេរិកបានដោះស្រាយដោយគ្រាន់តែបន្ថែមបរិមាណកាន់តែច្រើន? នៅឆ្នាំ 1964 ក្រុមហ៊ុន Pontiac ចង់ឲ្យរថយន្ត LeMans coupe របស់ខ្លួនលឿនជាងមុន ដូច្នេះវាបានច្របាច់បញ្ចូលម៉ាស៊ីន V-8 ដ៏ធំមួយ ហើយបង្កើត GTO។ ក្នុងទសវត្សរ៍ដូចគ្នា NASA ត្រូវការកម្លាំង និងប្រេងឥន្ធនៈកាន់តែច្រើនដើម្បីនាំមនុស្សទៅឋានព្រះច័ន្ទ ដូច្នេះវាបានបង្កើត Saturn V ដើម្បីបំពេញការងារ។ ក្រុមហ៊ុន Boeing ក៏បានធ្វើដូចគ្នានៅសម័យរុងរឿងរបស់ខ្លួនជាមួយប៊ូអ៊ីង 747 ដែលជាយន្តហោះអាចដឺក មនុស្ស និងទំនិញកាន់តែច្រើនលឿនជាងយន្តហោះផ្សេងទៀតក្នុងលំហរមេឃ។

ដូច្នេះ វាកាន់ច្បាស់សម្រាប់យើងដែរថា រថយន្ត Cadillac Escalade IQ ថ្មីត្រូវបានបង្កើតឡើងដោយក្រុមដែលបានមើលទៅអតីតកាលដើម្បីដោះស្រាយបញ្ហាសំខាន់ៗមួយចំនួន ដោយបង្កើតបានជាយានយន្តដ៏ប្រណីតអស្ចារ្យបំផុតមួយនៃយុគសម័យរថយន្តអគ្គិសនី។

ទំហំ អាគុយ និងការសាកថ្ម

រថយន្ត Escalade IQ មានទំហំធំ ហើយវាធំជាងអ្វីដែលអ្នកបានគិតទៅទៀត។ វាវែងជាង Escalade ប្រើសាំងប្រហែល 1 ហ្វីត = 304mm ខណៈ IQL ដែលបានពង្រីករក្សាគម្លាតទំហំដូចគ្នាលើ ESV។ (ចៃដន្យ Escalade IQ មានប្រវែងប្រហែលនឹង Cadillac Sedan de Ville ទសវត្សរ៍ 60)។

វាចាំបាច់ត្រូវតែធំដោយសារតែ អ្វីដែលស្ថិតនៅក្រោមតួរបស់វា៖ ម៉ូទ័រពីរដែលមានកម្លាំង 750សេះ និងអាគុយដ៏ធំកម្លាំង 205 kWh – ដែលធំបំផុតពេលបច្ចុប្បន្នដែលបំពាក់ក្នុងយានយន្តអ្នកដំណើរ ដោយផ្តល់ឲ្យ Escalade បើកបរក្នុងចម្ងាយ 667km នៅល្បឿន 112 km ក្នុងមួយម៉ោងក្នុងការធ្វើតេស្តរបើកបរ។ អាគុយនេះ – ដែលជាមូលដ្ឋានអាគុយ Cadillac Lyriq ពីរត្រូវបានតភ្ជាប់ស្របគ្នា – ក្នុងនោះវាក៏មានចំនុចអ្វីមួយដែលយើងនឹកស្មានមិនដល់ (trick up its sleeve) ក្រៅពីទំហំ និងចម្ងាយបើកបរ៖

ប្រព័ន្ធសាកថ្មកម្លាំង 800 វ៉ុល:ដែលអាប់ដែតនៅលើហេដ្ឋារចនាសម្ព័ន្ធសាកថ្មចាស់ ដូចជា Tesla’s V3 Superchargers ដែលពីមុនវាសាកថ្មបានពេញដោយកម្លាំង 400 វ៉ុល ឥឡូវវាបានផ្លាស់ប្តូរថ្មី លើសពាក់កណ្តាល" ហើយសាកបានលឿនជាងមុន វាមានសមត្ថភាពសាកថ្មបានរហូត352 kW ក្នុងការធ្វើតេស្ត និងរក្សាល្បឿនសាក 254 kW ក្នុងការសាកចន្លោះពី 5% –80% ភាគរយរយៈក្នុងពេល 42 នាទី ហើយអាចបើកបរបានចម្ងាយជាង 539km ក្នុងពេលនោះ។

បទពិសោធន៍បើកបរ និងការរចនា

Escalade IQ គឺលើសពីអាគុយធំ។ ប្រព័ន្ធបញ្ជូនថាមពលបើកបរដោយកង់ទាំងអស់(AWD)ម៉ូទ័រពីររបស់វាបង្កើនល្បឿនដូច V-8 big-block ជាមួយនឹងកម្លាំងបង្វិលគ្មានទីបញ្ចប់ (ទោះបីជាអ្នកភ្ញាក់ផ្អើលពេលរកឃើញ torque steer នៅពេលចុចសាំងពេញក៏ដោយ) ប្រព័ន្ធ air springß ស្តង់ដារ និងឧបករណ៍ MagneRide ជួយវាឲ្យបើកបរបានល្អ និងបត់បានល្អ ហើយចង្កូតរបស់វាឆ្លើយតប ដែលភាគច្រើនដោយសារប្រព័ន្ធចង្កូតកង់បួន (four-wheel steering) ដែលជួយឲ្យ Escalade IQ បើកបរមានអារម្មណ៍តូចជាងទំហំពិតប្រាកដរបស់វា។ សម្រាប់ការបើកបររយៈពេលឆ្ងាយលើផ្លូវហាយវ៉េSuper Cruise គឺជាស្តង់ដារ ហើយវាបានបំពាក់ hand- free driving នៅជាច្រើនកន្លែងហើយច្រើនជាងមុន។

ទំហំធំនោះអនុញ្ញាតឲ្យអ្នករចនា Cadillac បង្ហាញស្នាដៃដ៏ល្អបំផុតមួយចំនួនដែលយើងបានឃើញលើរថយន្តផលិតរបស់ខ្លួនក្នុងសតវត្សរ៍នេះ។ តួរបស់ Escalade IQ ដាក់វាយ៉ាងច្បាស់ថាជាម៉ូដែលកំពូលក្នុងម៉ូដែល Cadillac ជាមួយនឹងអំពូលភ្លើងប្រភេទ LED ទំនើប, អំពូលភ្លើងក្រោយរាងជា evoking , និងដំបូល Sweeping roofline។

កន្លែងអ្នកដំណើរ និងបញ្ហាវិស្វកម្ម

ជាមួយសម្ភារៈខាងក្នុងកាប៊ីនថ្នេរដេរយ៉ាងស្រស់ស្អាត, ការតុបតែងបិទប្រភេទឈើ និង LED, និងអេក្រង់ពេញស្អាតដែលបានបញ្ចូលយ៉ាងគិតគូរល្អិតល្អន់បំផុត, កន្លែងអ្នកដំណើរប្រហែលជាមានភាពប្រណីតបំផុតដែលយើងបានឃើញក្នុង Cadillac។ អ្នកនឹងចូលចិត្តសម្ភារៈមួយចំនួនជាពិសេសនៅចំចំនុចកណ្តាលអ្នកបើកបរ និងកន្លែង អ្នករួមដំណើរអាចប្រើទូរស័ព្ទរបស់ពួកគេអោយទៅជាឧបករណ៍បញ្ជាពីចម្ងាយ(Remote control) ជាមួយកូដ QR ដ៏សាមញ្ញ និងការតភ្ជាប់ Wi-Fi។

ចំនុចខ្វះខាតមួយចំនួនមានតែពីរគត់គឺនៅផ្នែកខាងក្នុង៖

ប្រព័ន្ធ Apple CarPlay និង Android Auto: ដោយគ្មានការជំនួសដោយប៊ូតុងដែលបានរៀបចំយ៉ាងបានល្អនោះទេ នៅពេលដែលអ្នកបើកបរនៅតែលើកទូរស័ព្ទរបស់ពួកគេដោយដៃដដែល។
កៅអីបត់ដោយដៃជួរទីពីរ: វាមានសភាព រអិលនិងមិនសូវល្អ (clunky and inelegant) ដោយវាទេចុះទៅមុខនៅពេលអ្នកចុចដំណើរការវា។

ទោះជាយ៉ាងណា វាច្បាស់ណាស់ថាដំណោះស្រាយដែលបានសាកល្បង និងពិតប្រាកដដែលក្រុម Cadillac បានប្រើដើម្បីដោះស្រាយបញ្ហាសម្រាប់សតវត្សរ៍ទី ២១ បានបង្កើតយានយន្តប្រណីតដ៏គួរឲ្យចាប់អារម្មណ៍បំផុតមួយក្នុងរយៈពេលប៉ុន្មានឆ្នាំចុងក្រោយនេះ៕

ប្រភព៖ United State News.

ប្រែសំរួល៖ Chea SokNang (AC Auto)