រថយន្តភីកអាប់ Cannon 2026 របស់ GWM និងបង្ហាញនៅពិព័រណ៍រថយន្ត Guangzhou ជាមួយបច្ចេកវិទ្យាអាប់ដេតចុងក្រោយ
Admin, 20 November 2025
ក្រុមហ៊ុន GWM កំពុងត្រៀមខ្លួនដើម្បីដាក់បង្ហាញម៉ូដែលរថយន្តភីកអាប់ Cannon 2026 នៅពិព័រណ៍រថយន្ត Guangzhou នៅថ្ងៃទី 21 ខែវិច្ឆិកា ឆ្នាំ 2025នេះ។ ម៉ូដែលថ្មីនេះរួមមាន Cannon សម្រាប់អ្នកដំណើរ Cannon សម្រាប់បើកបរOff-road (off-road Cannon) និង Cannon សម្រាប់ការងារពាណិជ្ជកម្ម (commercial Cannon) ហើយម៉ូដែលនីមួយៗទទួលបានការអាប់ដេតជាគោលដៅចម្បងលើផ្នែកខាងក្រៅ (Exterior) ផ្នែកខាងក្នុង(Interior) និងប្រព័ន្ធបញ្ជូនថាមពល(Powertrain System) នេះបើយោងតាម D-Auto។
- ម៉ូដែល Cannon 2026 សម្រាប់អ្នកដំណើរ នឹងបំពាក់ប្រព័ន្ធព័ត៌មានកម្សាន្ត Coffee OS 3 ដែលបានអាប់ដេត ដែលបង្ហាញពី tecnology និង connectivity សម្រាប់កន្លែងអ្នកដំណើរ។
- Off-road Cannon នឹងប្រើប្រាស់ប្រព័ន្ធបើកបរកង់បួនឆ្លាតវៃ BorgWarner 4A+ MLock ដែលបំពាក់ដោយឌីផេរ៉ង់ស្យែលចាក់សោចំនួនបី (three differential locks) ដើម្បីបង្កើនសមត្ថភាពបើកបរ Off-road។
- Cannon សម្រាប់ការងារពាណិជ្ជកម្ម ទទួលបានការផ្លាស់ប្តូរផ្នែកខាងមុខ រួមមានភ្លើងមុខ ប្រភេទLED ភ្នែកពីរ (dual-lens LED headlights) និងភ្លើងកាត់អ័ព្ទបន្ថែម។ ផ្នែកចំហៀង កង់ទំហំ ១៨ អ៊ីញ។ ជម្រើសប្រព័ន្ធបញ្ជូនថាមពលនៅតែជាម៉ាស៊ីនម៉ាស៊ូតទួរប៊ីន 2.4លីត្រ (2.4 litres turbo-diesel egine) ដែលផលិតកម្លាំងបាន 135 kW និងកម្លាំងបង្វិល 480 N·m ភ្ជាប់ជាមួយប្រអប់លេខអូតូ ៩ ល្បឿន។ យានយន្តនេះក៏មានប្រព័ន្ធរក្សាលំនឹងជំនាន់ថ្មី ដោយរួមបញ្ចូលមុខងារប្រឆាំងនឹងការរអិល និងប្រព័ន្ធគ្រប់គ្រងពេលចុះចំណោត។
ផ្អែកលើម៉ូដែល Cannon ឆ្នាំ 2024 ម៉ូដែល off-road រក្សារបាំងមុខរាង 6ជ្រុងជាមួយនឹងរន្ធផ្តេកធំទូលាយ និងបន្ទះសំណាញ់ប៉ាណារចនាប័ទ “Scale”។ ឧបករណ៍ដូចជា T-Max front winches, បំពង់ខ្យល់ (snorkels), សំបកកង់គ្រប់ស្ថានភាពផ្លូវ 18 អ៊ីញ, ឧបករណ៍ K-Man nitrogen shock absorbers , គ្រឿងការពារតួរថយន្តកម្រាស់ 3mm (3 mm chassis armour), ឈ្នាន់ជើងចំហៀង off-road, និងកាងដែកខាងក្រោម ។
Off-road Cannon ត្រូវបានចាត់ថ្នាក់ជារថយន្តភីកអាប់ទំហំមធ្យម (mid-size pickup) ដែលមានប្រវែង 5,444.mm, ទទឹង 1,958.mm កម្ពស់ 1,893.mm និងគម្លាតកង់ 3,230.mm។ ម៉ូដែល mountain edition មានគម្លាតពីដី (ground clearance) 228.mm ព្រមទាំងមុំចូល (approach angle) 30°ដឺក្រេ និងមុំចេញ (departure angle) 26°ដឺក្រេ តាមលំដាប់លំដោយ។ ប្រព័ន្ធជើងក្រោមប្រភេទ Steel leaf ឬប្រព័ន្ធ five-link suspension ក៏មានដាក់បញ្ចូលប្រើប្រាស់ផងដែរ។
លក្ខណៈពិសេសផ្នែកខាងក្នុង ដោយយោងទៅលើម៉ូដែល off-road ឆ្នាំ 2024 រួមមាន ផ្ទាំងឧបករណ៍ LCD ទំហំ7អ៊ីញ, អេក្រង់កណ្តាលថាច់ស្គ្រីនទំហំ 12.3 អ៊ីញ, ប៊ូតុង physical នៅលើកុងសូលកណ្តាល(Console Center) និងការសាកថ្មឥតខ្សែ (Wireless charging)។ លក្ខណៈពិសេសបន្ថែមរួមមាន រន្ធ USB និងព្រីរន្ធដោតអគ្គិសនីទំហំ 12 វ៉ុល(12V outlets), ប្រព័ន្ធជំនួយការអ្នកបើកបរកម្រិត 2, ការជ្រើសរើសរបៀបបើកបរ(Driving mode), ឌីផេរ៉ង់ស្យែលចាក់សោមុខ និងក្រោយ (F/R differential locks), មុខងារ tank turn functionality, និងរបៀបការបើកបរឆ្លងកាត់ផ្លូវលំបាកខ្លាំង (crawl mode)។
ម៉ាស៊ីនសាំង 2.0 លីត្រ ផលិតកម្លាំង 140 kW និងកម្លាំងបង្វិល 360 N·m ភ្ជាប់ជាមួយប្រអប់លេខអូតូ 8 ល្បឿន ខណៈម៉ាស៊ីនម៉ាស៊ូត 2.4លីត្រ ផ្តល់កម្លាំង 137 kW និង 480 N·m បំពាក់ជាមួយប្រអប់លេខអូតូ 9 ល្បឿន។ Cannon 2026 នឹងត្រូវបានប្រកួតប្រជែងជាមួយគូប្រជែងរថយន្តភីកអាប់ទំហំមធ្យមដូចគ្នានេះគឺជារថយន្ត Nissan Frontier Pro។
ក្នុងឆ្នាំ 2025 រថយន្តភីកអាប់របស់ GWM បានរកឃើញកំណើនការលក់យ៉ាងសំខាន់ក្នុងទីផ្សារអន្តរជាតិ។ ក្នុងអំឡុងពេលពាក់កណ្តាលឆ្នាំដំបូង ក្រុមហ៊ុនបាននាំចេញរថយន្តភីកអាប់ប្រហែល 158,000 គ្រឿង ដែលតំណាងឲ្យការកើនឡើង 30.2% បើធៀបនឹងរយៈពេលដូចគ្នាក្នុងឆ្នាំ 2024។ ការលក់នៅក្រៅប្រទេសមានជិត 35% នៃការលក់យានយន្តសរុប។ ការលក់ទៅក្រៅប្រទេសនៃរថយន្តភីកអាប់ GWM រួមទាំង Cannon បានឈានដល់ជាង 96,000 គ្រឿង ត្រឹមពាក់កណ្តាលឆ្នាំ 2025 ដោយមានជាង 30,000 គ្រឿង ត្រូវបាននាំចេញ ដែលឆ្លុះបញ្ចាំងពីតម្រូវការកើនឡើងនៅក្រៅប្រទេស។ ក្រុមហ៊ុនដំណើរការភ្នាក់ងារចែកចាយជាង 1,400ភ្នាក់ងារ និងទីតាំង 170 ប្រទេស សម្រាប់Cannon 2026 និងម៉ូដែលភីកអាប់ផ្សេងទៀតសម្រាប់ធ្វើការពង្រីកទីផ្សារអន្តរជាតិបន្ថែមទៀត។
ក្រុមហ៊ុន GWM មិនទាន់បានចេញផ្សាយតម្លៃផ្លូវការសម្រាប់ម៉ូដែល 2026 ទេ ប៉ុន្តែតម្លៃ Cannon off-road បច្ចុប្បន្នមានចាប់ពី 25,800 -28,600 ដុល្លារអាមេរិក។ ព័ត៌មានលម្អិតបន្ថែមនឹងត្រូវបានបង្ហាញក្នុងអំឡុងពេលពិព័រណ៍រថយន្ត Guangzhou Auto Show៕
ប្រភព៖ China News
ប្រែសំរួល៖ Chea SokNang (AC Auto)