2026 Deepal L06

ក្រុមហ៊ុន Deepal ដែល​ជា​ប្រភេទយានយន្ត​ប្រើប្រាស់​ថាមពល​ថ្មី (NEV) របស់ Changan Automobile ដែលបានដាក់​សម្ពោធ​រថយន្ត​សេដាន់របស់ខ្លួនម៉ូដែល L06 ដែល​មាន​ប្រព័ន្ធ​ជើងក្រោម​ល្អ​ជាង​រថយន្ត​សេដាន់​ធម្មតា​ក្នុង​តម្លៃ​សមរម្យ។

រថយន្ត Deepal L06 ត្រូវ​បាន​សម្ពោធ​ជា​ផ្លូវការ​ក្នុង​ព្រឹត្តិការណ៍​កាលពី​យប់​ថ្ងៃទី 18 ខែ​វិច្ឆកា​​ ឆ្នាំ 2025 ក្នុងប្រទេសចិន ជាមួយ​នឹង​តម្លៃ​ចាប់ផ្តើម​ 18,700 ដុល្លារ​អាមេរិក ដែល​តម្លៃមាន​ការ​កាត់បន្ថយ 5% ពី​តម្លៃ​លក់​មុន​គឺ​ចាប់ផ្តើម 19,680 ដុល្លារអាមេរិក។

បច្ចុប្បន្ន ម៉ូដែល​នេះ​មានតែ​សម្រាប់​​រថយន្ត​អគ្គិសនី​សុទ្ធ (BEV) ប៉ុណ្ណោះ ទោះបីជា​មាន​ជម្រើស​រថយន្ត​អគ្គិសនី​ (EREV) នៅ​ពេល​ដែលដាក់​សម្ពោធ​កាលពី​ថ្ងៃទី 8 ខែ​កញ្ញា​ក៏ដោយ។ Deepal ផ្តល់​ជម្រើស L06 មានចំនួន​​ 4 ​ម៉ូដែល​ជាមួយ​នឹង​តម្លៃ​ចាប់ផ្តើម​ជាផ្លូវការ $18,978, $ 20,385, $20,666 និង $22,073។

ការ​បញ្ចុះ​តម្លៃ $280 ​សម្រាប់​រយៈពេលមានពេល​កំណត់​​ ​គ្រប់​ម៉ូដែល​ទាំងអស់ ដែល​នាំ​ឲ្យ​តម្លៃ​ចាប់ផ្តើម​ពិតប្រាកដ​ធ្លាក់​ចុះ​ដល់ $18,700។ រថយន្ត L06 នឹង​មានការប្រកួតប្រជែង​យ៉ាងសំខាន់​ក្នុង​ទីផ្សារ​ប្រទេសចិន​ជាមួយ​នឹង​ម៉ូដែល​រួម​មាន Xpeng Mona M03, BYD Seal 06, និង BYD Qin L។

រថយន្ត​សេដាន់ប្រភេទ​បើកបរដោយកង់​ក្រោយ (rear-wheel-drive) មាន 5 កៅអី​​រថយន្តនេះ​មាន​ប្រវែង 4,830 mm  ទទឹង​ 1,905 mm និងកម្ពស់ 1,480 mm ជាមួយ​នឹង​គម្លាត​កង់​(Wheelbase) 2,900mm។

2026 Deepal Exterior

2026 Deepal Interior

ចំណុច​សំខាន់​មួយ​នៃ L06 គឺ​ប្រព័ន្ធជើងក្រោមសកម្ម magnetorheological MagneRide ជំនាន់​ទីបួន។ Deepal បាន​និយាយ​ថា​ការ​រៀបចំ​ នេះ​ជាទូទៅ​មាន​នៅតែក្នុង​រថយន្ត Supercar ​នៃ​ប្រព័ន្ធជើងក្រោម​មានភាពរឹងមាំសម្រប​តាម​គ្រប់​ស្ថានភាព​ពេញលេញ (full-scenario adaptive suspension firmness adjustment)។

ប្រព័ន្ធជើងក្រោម​ magnetorheological ប្រើប្រាស់​សារធាតុ​រាវ​ម៉ាញេទិក​ដែល​ប្រែ​ទៅ​ជា​សភាព​ពាក់កណ្តាល​រឹង​ក្រោម​ដែន​ម៉ាញេទិក ដែលគ្រប់គ្រង​ដោយ​សៀគ្វី​អេឡិចត្រូនិច វា​អនុញ្ញាត​ឲ្យ​ប្រព័ន្ធ​ដំណើរការ​តាម​លក្ខណៈ​សម្រប​ខ្លួន។ ម៉ូទ័រ​ខាងក្រោយ​ផ្តល់​កម្លាំង​កំពូល 200 គីឡូវ៉ាត់ (268 ph) និង​កម្លាំង​បង្វិល​កំពូល 290 ញូតុន​ម៉ែត្រ (Nm) ដែល​អនុញ្ញាត​ឲ្យ​បង្កើន​ល្បឿន​ពី 0 ដល់ 100 គីឡូម៉ែត្រ/ម៉ោង​ក្នុង​រយៈពេលត្រឹមតែ 5.9 ឬ 6.2 វិនាទីតែប៉ុណ្ណោះ។

រថយន្ត L06 ប្រើប្រាស់​អាគុយ​លីចូម​ដែក-ផូស្វាត (LFP) ពី CATL ដោយ​ផ្តល់​ជម្រើសកម្លាំងថាមពល  56.12 kWh និង 68.82 kWh រត់បានរយ:​ចម្ងាយ CLTC 560 គីឡូម៉ែត្រ ឬ 670 គីឡូម៉ែត្រ។ ម៉ូដែល​នេះ​អាច​​សាក​ថ្មបាន​លឿន ដោយ​អាច​សាក​ពី 30% ដល់ 80% ត្រឹម​រយៈពេល 15 នាទី។

វា​ភ្ជាប់​មក​ជាមួយប្រព័ន្ធ LiDAR ជា​ស្តង់ដារ ដោយ​គាំទ្រ​មុខងារ Urban NOA (Navigation on Autopilot)។ យានយន្ត​នេះ​ក៏​មាន​ឈីប Dimensity S1 Ultra របស់ MediaTek ដែល​ត្រូវ​បាន​បង្កើត​ឡើង​លើ​ដំណើរការ 3nm ដើម្បី​ផ្តល់​ថាមពល​ដល់​មុខងារ​ផ្ទៃខាងក្នុង​កន្លែង​អ្នកដំណើរ។

Deepal គឺ​ជា​យីហោ NEV របស់ Changan ដែល​បាន​​បង្ហាញខ្លួន​នៅ​ឆ្នាំ 2022។ ម៉ូដែល​ដំបូង​របស់​ខ្លួន​គឺ SL03 ត្រូវ​បាន​ដាក់​លក់​នៅ​ថ្ងៃទី 25 ខែ​កក្កដា ឆ្នាំ 2022 ដោយ​កំណត់​ជា​គូប្រជែង​ជាមួយ និងម៉ូដែលTesla Model 3។ សេរីម៉ូដែល​បច្ចុប្បន្ន​របស់​ខ្លួន​ក៏​រួមបញ្ចូលជា​រថយន្ត​សេដាន់ L07, SUV S05, SUV G318, SUV S07, និង SUV S09 ផង​ដែរ៕​ សម្រាប់តម្លៃទីផ្សារក្នុងប្រទេសកម្ពុជាលោកអ្នកអាចសាកសួរតំណាងចែកចាយក្នុងប្រទេសបាន