​​​ម៉ូតូ Ducati Monster ជំនាន់ទីប្រាំត្រូវបានចេញផ្សាយជាផ្លូវការហើយ ដោយម៉ូដែល​ផលិតកម្មដំបូងនេះកំពុងចេញខ្សែចង្វាក់ផលិតកម្មនៅក្នុងទីក្រុង Borgo Panigale ប្រទេសអ៊ីតាលី។

វាមានរយៈពេលជាងមួយខែបន្តិចចាប់តាំងពីក្រុមហ៊ុន Ducati បានប្រកាសអំពីម៉ូតូ Monster ថ្មីនេះ ដោយបានបំពាក់ម៉ូតូនេះជាមួយនឹងម៉ាស៊ីន V-Twin ចុងក្រោយបំផុតទំហំ 890cc របស់ខ្លួន។ ជាមួយនឹងប្រព័ន្ធ កំណត់ពេលវេលាអថេរ (variable timing system) ទម្ងន់ស្រាលគួរឱ្យចាប់អារម្មណ៍ (Ducati អះអាងថាមានទម្ងន់ 175kg ដោយគ្មានប្រេងឥន្ធនៈ ដែលធ្វើឱ្យវាក្លាយជាម៉ូតូ Monster ស្រាលបំផុត) និងតួរបស់វាជាប្រភេទ Monocoque Frame ម៉ូតូ Monster ថ្មីបំផុតនេះមើលទៅជាគូប្រកួតប្រជែងកំពូលនៅក្នុងផ្នែកម៉ូតូ Naked កម្លាំងមធ្យម។ (​Naked គឺជាប្រភេទម៉ូតូដែលត្រូវបានរចនាឡើងដោយ ដកចេញនូវគម្របការពារ (Fairings) និងតួបិទបាំង (Bodywork) ដែលមាននៅលើម៉ូតូស្ព័រ (Sport Bikes)។ ការរចនានេះមានទស្សនវិជ្ជាសាមញ្ញដូចដែល Ducati បានលើកឡើងក្នុងអត្ថបទ៖ "Everything you need, nothing more" (អ្វីគ្រប់យ៉ាងដែលអ្នកត្រូវការ គ្មានអ្វីលើសពីនេះទេ)។

2026 Ducati Monster V2 Red

ម៉ូតូ Ducati Monster ឆ្នាំ 2026 ថ្មីនេះគួរតែមកដល់ហាងលក់នៅសហរដ្ឋអាមេរិកនៅខែមីនា ឆ្នាំ 2026 ជាមួយនឹងតម្លៃចាប់ផ្តើម $13,995 សម្រាប់ពណ៌ Ducati Red និង $14,195  ដុល្លារ សម្រាប់ពណ៌ Iceberg White។

ចង្វាក់ផលិតកម្មបានចាប់ផ្តើមនៅរោងចក្រ Borgo Panigale សម្រាប់ម៉ូតូ Monster ថ្មី ដែលជាជំនាន់ទី 5 នៃរូបតំណាងម៉ូតូពិតប្រាកដមួយ។ សេរីម៉ូតូមួយនេះគឺកើតនៅឆ្នាំ 1992 ដែលមានរូបរាងដ៏សាមញ្ញបំផុត៖ "អ្វីគ្រប់យ៉ាងដែលអ្នកត្រូវការ គ្មានអ្វីលើសពីនេះទេ"។ គំនិតមួយដែលបានធ្វើអោយអ្នកជិះទូទាំងពិភពលោកក្លាយទៅជាគ្រួសារថ្មី គឺក្រុម Monsteristi ដែលមានរយៈពេលជាង 30ឆ្នាំកន្លង​មកនេះ ហើយវាបានបន្តនូវស្មារតី និងអត្តសញ្ញាណរបស់ Monster។

ម៉ូតូ Monster ថ្មី ដែលត្រូវបានរចនាឡើងវិញទាំងស្រុង រួមបញ្ចូលគ្នានូវ ភាពស្រាល និងបច្ចេកវិទ្យា ជាមួយនឹងសោភ័ណភាពដែលមិនអាចបំភ្លេចបាន។ ការរចនារបស់វាបាន​កែច្នៃ ឡើងវិញនូវស្ទីលរបស់ Monster ជំនាន់ដំបូងក្នុងរូបរាងបែបទំនើប ដោយនាំ​យកមកវិញនូវ​ធាតុផ្សំដែលតែងតែជាសញ្ញាសម្គាល់វា៖ ក្បាលចង្កៀងភ្លើង ដែលព័ទ្ធជុំវិញ​ដោយ "shoulders" ធុងសាំងរចនាបែប​ (bison-back tank) កៅអីមានតែមួយ​និងផ្នែក​កន្ទុយក្រោយខ្លីជាង។

ម៉ាស៊ីន V-twin ដ៏ប្លែករបស់វា ម៉ូតូ Monster ថ្មីនេះមានលក្ខណៈ រាងស្តើង, បែបស្ព័រ និងត្រូវបានកំណត់លក្ខណៈដោយមាន ការចំណាយប្រតិបត្តិការទាបបំផុត។ ម៉ាស៊ីន V2 ថ្មីមានទម្ងន់ស្រាល និងមានសមត្ថភាពខ្ពស់ ចំពោះប្រព័ន្ធចែកចាយ IVT (Intake Variable Timing) ដែលរួមបញ្ចូលគ្នានូវភាពរលូននៅល្បឿនវិលទាប (low revs) កម្លាំងបុកនៅល្បឿនវិលមធ្យម (mid-range) និងថាមពលនៅល្បឿនវិលខ្ពស់ (high revs)​រហូតដល់ 80% នៃកម្លាំងបង្វិលអតិបរមាគឺអាចប្រើបានចាប់ពី 4,000rpm ដល់ 10,000rpm​។

ម៉ាស៊ីន ម៉ូតូ Monster​ បំពាក់មកជាមួយការរចនាថ្មី( Structural element) និង​តួ Monocoque frame ជាមួយនឹង Swingarm ដៃពីរ ដែលត្រូវបានបំផុសគំនិតដោយ Panigale V4 និង Subframe ខាងក្រោយ ធ្វើពី Technopolymer និង Trellis។ ប្លង់បច្ចេកទេសនេះ ធ្វើអោយវា មានភាពស្រាលរបស់ម៉ាស៊ីន Ducati V2 កាត់បន្ថយទម្ងន់បាន 4kg (ទម្ងន់175kg ដែលស្រាលបំផុតក្នុងចំណោមម៉ូដែលបួនវ៉ាល់-4 Valve) ធ្វើឱ្យភាពរហ័សរហួន និងភាពងាយស្រួលនៃការគ្រប់គ្រងមានភាពប្រសើរឡើង។ ប្រព័ន្ធជើងក្រោមបំពាក់ផលិតដោយក្រុមហ៊ុន Showa ត្រូវបានកែសម្រួលដើម្បីធានានូវ​ផាសុកភាព​ជិះប្រចាំថ្ងៃ និងសមត្ថភាពបែបស្ព័រនៅលើផ្លូវកោង ដែលបញ្ជាក់ពីលក្ខណៈពី​រ របស់ម៉ូតូ Naked របស់ Ducati។ លទ្ធផលនេះធ្វើអោយម៉ូតូតែងតែមាន ស្ថិរភាព សុវត្ថិភាព និងរីករាយក្នុងការធ្វើដំណើរ។

ម៉ូតូ Monster ឆ្នាំ 2026 មានកំពស់ទាបជាងមុនបើធៀបទៅនឹងម៉ូដែលមុនគឺ​ពី 815mm ឥឡូវ ចុះដល់ 775mm ជាមួយនឹងកៅអីទាប និងឧបករណ៍បន្ថយកម្ពស់) និងដៃចង្កូតខ្ពស់ជាង និងទៅមុខជាង ដែលការធ្វើដំណើរមានផាសុកភាពប្រសើរឡើងជាងមុន។

របៀបជិះចំនួនបួនមុខងារ (Sport, Road, Urban, Wet) និងប្រព័ន្ធអេឡិចត្រូនិក​សុវត្ថិភាពចកម្រិតខ្ពស់​ដែលមាន DTC, DWC, EBC និង Cornering ABS ធ្វើឱ្យវាងាយស្រួលប្រើ និងអាចបត់បែនបាន។^​ ការគ្រប់គ្រងដៃចង្កូតដែលងាយស្រួលប្រើ ជួយសម្រួលដល់ការគ្រប់គ្រងមុខងារអេឡិចត្រូនិចនៅលើអេក្រង់ TFT ដែមានទំហំ 5 អ៊ីញ​ដែលត្រៀមរួចជាស្រេចសម្រាប់ប្រព័ន្ធ Ducati Multimedia System និង Turn-by-turn navigation ជាមួយនឹងភ្លើង Dual Day/night mode និងមុខងចាប់សញ្ញាតាមដងផ្លូវ Road និង Road Pro Info Modes ដែលបង្កើនប្រសិទ្ធភាពនៃការមើលឃើញក្នុងគ្រប់​លក្ខខណ្ឌទាំ​ង​អស់។

ដើម្បីបំផុសគំនិតអ្នកដែលចង់ធ្វើឱ្យម៉ូតូ Monster ក្លាយជារបស់ខ្លួនពិតប្រាកដ ក្រុមហ៊ុន Ducati Performance ផ្តល់ជូននូវគ្រឿងបន្លាស់ក៏ដូចជាគ្រឿកែច្នែជាច្រើនដើម្បីបង្កើន សោភ័ណភាពរបស់វា ដូចជា Carbon fiber ឬផ្នែក Machined Aluminum ក៏ដូចជា កៅអីស្ព័រជាមួយនឹងគម្រប Alcantara ។ អ្នកចូលចិត្តម៉ូដស្ព័រក៏នឹងពេញចិត្តចំពោះ Silencers (បំពង់ស៊ីមាំងស្ងាត់) ដែលមានដងដៃ ប្រភេទTitanium និងផ្នែកខាងចុង Carbon ដែលត្រូវបានបង្កើតឡើងដោយសហការជាមួយ Termignoni ដែលកាត់បន្ថយទម្ងន់ 0.2kg និងបង្កើនចរិតលក្ខណៈពិសេសរបស់ Monster យ៉ាងច្បាស់។

2026 Ducati Monster V2 Iceberg white

ម៉ូតូ Monster នឹងមានលក់នៅក្នុងហាងចាប់ផ្តើមពីខែកុម្ភៈ ឆ្នាំ 2026ខាងមុខនេះតទៅ​និង មានលក់នៅប្រទេសផ្សេងទៀតនឹងជាបន្តបន្ទាប់គ្នា ជាមួយនឹងរូបរាងពីរគឺ Ducati Red និង Iceberg White ទាំងក្នុងកំណែ Monster និង Monster plus ដែលបំពាក់ដោយកញ្ចក់ ការពារខ្យល់ និងគម្របកៅអីអ្នកដំណើរ។​សម្រាប់ម៉ូដែលទាំងពីរក៏មានជម្រើសសម្រាប់កម្លាំង​35kW​​សម្រាប់អ្នកបើកបរមានអញ្ញាប័ណ្ណបើកបរផងដែរ​ (​A2 license)៕​