​​             ក្រុមហ៊ុនឯកទេសផ្នែកសម្ភារៈរបស់ស្វីស Bcomp បានសហការជាមួយក្រុមហ៊ុនម៉ូតូអគ្គិសនី ឥណ្ឌា Ather Energy ដើម្បីផលិតម៉ូតូគំរូថ្មីមួយ ដែលមានគោលបំណងស្វែងយល់ថា តើ សម្ភារៈដែលមាននិរន្តរភាពអាចកំណត់រូបរាងម៉ូតូអគ្គិសនី និងស្កូតឺនាពេលអនាគត យ៉ាង ដូចម្តេច។

ម៉ូតូគំរូនេះមានឈ្មោះថា Redux ដែលស្ថិតនៅចន្លោះកណ្តាលរវាងស្កូតឺ និងម៉ូតូធំ ដោយក្រុមហ៊ុន Ather បានហៅវាថាជា "Motor-scooter"។វាមិនមែនត្រូវបានបង្កើតឡើង សម្រាប់ដាក់លក់លើទីផ្សារនោះទេ ប៉ុន្តែវាគឺជា "មន្ទីរពិសោធន៍ចល័ត" សម្រាប់សាកល្បង គំនិតថ្មីៗជុំវិញសម្ភារៈ ការវេចខ្ចប់ និងការរចនា — ជាពិសេសគឺការប្រើប្រាស់សរសៃ flax-fibre មកធ្វើជាសម្ភារៈផ្សំជំនួសឱ្យផ្លាស្ទិក ធម្មតា។

The Ather Redux concept

ចំណុចស្នូលនៃគម្រោងនេះគឺ ampliTex ដែលជាសម្ភារៈផ្សំត្បាញចេញពីសរសៃ  flax-fiber របស់ក្រុមហ៊ុន Bcomp។ បន្ទះសម្ភារៈទាំងនេះត្រូវបានបំពាក់លើគ្រោង ឆ្អឹងអាលុយមីញ៉ូម ទម្ងន់ស្រាល ហើយត្រូវបានរចនាឡើងដើម្បីឱ្យមើលឃើញរូបរាងពិតពីខាងក្រៅ ជាជាងការលាក់ទុកនៅក្រោមថ្នាំលាប ឬសំបកផ្លាស្ទិក។ យោងតាម Bcomp សម្ភារៈនេះផ្តល់នូវកម្រិតកាបូនទាបជាងផ្លាស្ទិក ABS ឬសរសៃកាបូន (carbon fibre) ដោយពួកគេអះអាងថាវាអាចកាត់បន្ថយឧស្ម័ន CO-2 បានរហូតដល់ 85% បើធៀបនឹង សរសៃកាបូន។ ការជំរុញឆ្ពោះទៅរកសម្ភារនេះ ឆ្លុះបញ្ចាំងពីអ្វីដែលយើងកំពុងចាប់ ផ្តើមឃើញនៅក្នុងឧស្សាហកម្មម៉ូតូ។ ឧទាហរណ៍ ក្រុមហ៊ុន Honda បាននិងកំពុងពង្រីក ការប្រើប្រាស់ Durabio (ផ្លាស្ទិកវិស្វកម្មដែលផលិតចេញពីរុក្ខជាតិ) ព្រមទាំងផ្លាស្ទិកកែច្នៃ លើម៉ូតូស៊េរីថ្មីៗរបស់ខ្លួន។ គោលដៅមិនមែនត្រឹមតែជាការធ្វើទីផ្សារបែប "បៃតង" នោះទេ ប៉ុន្តែគឺដើម្បីកាត់បន្ថយការបំភាយឧស្ម័នក្នុងវដ្តជីវិតផលិតផល ខណៈពេលដែលនៅតែរក្សា បាននូវភាពធន់ និងសម្រស់។ Redux យកគំនិតស្រដៀងគ្នានេះ ប៉ុន្តែរុញវាឱ្យកាន់តែឆ្ងាយ ដោយធ្វើឱ្យសម្ភារៈនោះក្លាយជាផ្នែកសំខាន់នៃអត្តសញ្ញាណរូបរាងរបស់ម៉ូតូ។

ក្រុមហ៊ុន​ Ather និយាយថា សម្ភារៈផ្សំពី flax-fiber ផ្តល់អត្ថប្រយោជន៍លើសពីនិរន្តរភាព រួមមានការ កាត់បន្ថយរំញ័រ និងភាពរឹងមាំល្អ។ការរចនាដែលបង្ហាញឱ្យឃើញ​សរសៃ​ត្បាញពីខាងក្រៅ ក៏ស៊ីគ្នាជាមួយទស្សនវិជ្ជារចនា "Inside-out" របស់ក្រុមហ៊ុន ដែលចង់​ឱ្យគ្រឿងបង្គុំនីមួយៗ មើលទៅមានលក្ខណៈបច្ចេកទេស ជាជាងការលាក់បាំងវាទុក។

វាត្រូវបានបង្កើតឡើងក្នុងឆ្នាំ 2013 នៅក្នុងទីក្រុង Bengaluru ក្រុមហ៊ុន Ather គឺជាក្រុមហ៊ុន​ស្ដាតអាប់ (startup) ម៉ូតូអគ្គិសនីដំបូងគេបង្អស់របស់ឥណ្ឌា និងលក់បានច្រើនជាង 5,000 គ្រឿងមកទល់ពេលនេះ។ Redux ត្រូវបានពិពណ៌នាថាជា "មន្ទីរពិសោធន៍ដែលមានជីវិត" ដែលនឹងផ្តល់ទិន្នន័យ និងបទពិសោធន៍សម្រាប់ការអភិវឌ្ឍម៉ូតូនាពេលអនាគត។

លោក Bikash Jyoti Biswas ប្រធានផ្នែករចនានៅ Ather Energy បាននិយាយថា គម្រោង នេះគឺអំពីតុល្យភាពរវាងការទទួលខុសត្រូវលើបរិស្ថាន ជាមួយនឹងការប្រើប្រាស់ប្រចាំថ្ងៃ ភាពរឹងមាំ និងភាពធន់ — ដែលជាផ្នែកដែលសម្ភារៈអេកូឡូស៊ី (eco-materials) តែងតែជួប ការលំបាកពីមុនមក។

ទោះបីជា Redux នឹងមិនឈានជើងចូលបន្ទប់តាំងបង្ហាញក្នុងពេលឆាប់ៗនេះក៏ដោយ ប៉ុន្តែវាបានបញ្ជាក់យ៉ាងច្បាស់ពីការផ្លាស់ប្តូរដ៏ធំមួយ៖ នៅពេលដែលម៉ូតូអគ្គិសនី កាន់ តែមានភាពចាស់ទុំ ការផ្តោតអារម្មណ៍លែងមានត្រឹមតែលើអាគុយ និងម៉ូទ័រទៀតហើយ ប៉ុន្តែវារួមបញ្ចូលទាំងរបៀបដែលម៉ូតូត្រូវបានផលិត និងសម្ភារៈដែលយកមកផលិតវាផង ដែរ៕