​​​​​​          ក្រុមហ៊ុន Honda បានធ្វើរឿងសំខាន់ពីរយ៉ាងក្នុងរឿងជាច្រើនសម្រាប់ឆ្នាំ 2026 ដែលរួមមានការផ្តល់បច្ចេកវិទ្យាថ្មី E-Clutch លើម៉ូដែលផ្សេងៗ និងការផ្តល់នូវពណ៌ថ្មី​ៗ​ទាក់ទាញជាច្រើនដល់ម៉ូដែលទាំងនោះផងដែរ។

ម៉ូតូ CB750 Hornet ឆ្នាំ 2026 ក៏មិនខុសគ្នាដែរ វាទទួលបាននូវការបំពាក់ប្រព័ន្ធថ្មី E-Clutch ដូចគ្នា ទៅហ្និងម៉ូដែល CB500 Hornet ផងដែរ។ ម៉ូដែលផ្សេងទៀតក៏ទទួលបានប្រព័ន្ធបច្ចេកវិទ្យានេះផងដែល ដែលជាផ្នែកមួយនៃការចេញ​ផ្សាយម៉ូដែលថ្មី និងអាប់ដេតរបស់ Honda នៅក្នុងព្រឹត្តការណ៏ពិព័រណ៍ EICMA រួមមាន XL750 Transalp, CB500R និង NX500។

ក្រុមហ៊ុនជប៉ុននេះបាននិយាយថា ប្រសិនបើអតិថិជនជ្រើសរើសម៉ូដែល E-Clutch ពួកគេនឹងទទួលបានប្រព័ន្ធដ៏ល្អមួយដែល "ផ្តល់នូវភាពរីករាយក្នុងការជិះមួយកម្រិតបន្ទាប់​ទៀត​ ដែលវាដំណើរការលឿនជាង និងរលូនជាងប្រព័ន្ធ Quickshifter ទាំងឡើង និងចុះក្នុងប្រអប់លេខ"​(gearbox)។

ម៉ូតូ CB750 Hornet មានលក់ចែកចាញ​ទាំងមានមុខងារ​ E-Clutch ឬគ្មានមុខងារ E-Clutch ហើយវាបានបំពាក់មកពណ៌ថ្មីជាមួយគ្នាចំនួនបួនពណ៌សម្រាប់ឆ្នាំ 2026​នេះ៖​ពណ៌ទាំងនោះរួមមាន

1. Graphite Black & Matt Ballistic Black Metallic ជាមួយនឹង តួក្រហម (Red Frame)
2. Wolf Silver Metallic & Iridium Gray Metallic
3. Goldfinch Yellow & Wolf Silver Metallic
4. Matt Jeans Blue Metallic & Mat Ballistic Black Metallic

អ្វីដែលមិនថ្មីសម្រាប់ CB750​ 2026 គឺរក្សារម៉ាស៊ីនអោយនៅដដែល។ នោះមានន័យថា ម៉ូតូ CB750 Hornet នៅបន្តប្រើប្រាស់កម្លាំងថាមពល Twin-cylinder ទំហំ 755cc ដែលផលិតកម្លាំង 90.5bhp @ 9,500 rpm និងកម្លាំងបង្វិល 75 N.m @ 7250rpm។

ប្រព័ន្ធជើងក្រោមនៅលើម៉ូតូ CB750 Hornet ឆ្នាំ 2026 ត្រូវបានផលិតទាំងស្រុងដោយ​ក្រុមហ៊ុន Showa ជាមួយនឹងបូម Fork USD (Upside-down forks) ទំហំ 41mm បំពាក់នូវ Separate Fork Function Big Piston និង រ៉ឺស័របូមក្រោយ (rear shock) ដែលដំណើរការតាមរយៈប្រព័ន្ធ Pro-Link។ ប្រព័ន្ធហ្វ្រាំងមកតាមរយៈ បន្ទះឌីសភ្លោះ(Daul disc)ទំហំ 296mm ជាមួយនឹងកាលីព័រស៊ីឡាំងបួនរបស់ Nissin radial-mount នៅផ្នែកខាងមុខ ខណៈដែលផ្នែកខាងក្រោយបំពាក់មកបន្ទះឌីសទំហំ​ (Disc) 240mm ដែលត្រូវបំពាក់ជាមួយ​កាលីព័រស៊ីឡាំងតែមួយ៕