ការវិលត្រឡប់របស់រថយន្ត Honda Prelude បង្ហាញខ្លួនយ៉ាងភ្ញាក់ផ្អើលក្នុងព្រឹត្តិការណ៍ Super Street After Dark
Admin, 09 November 2025
Event on Super street After Dark at Long Beach City. USA
ថ្មីៗនេះ ព្រឹត្តិការណ៍ Super Street After Dark Lit by Sylvania ជាព្រឹត្តិការណ៏ប្រចាំឆ្នាំលើកទីពីរបានធ្វើឡើងយ៉ាងគគ្រឹកគគ្រេងនៅផ្នែកឃ្លាំងផ្ទុកទំនិញមួយនៃទីក្រុង Long Beach ក្នុងព្រឹត្តិការណ៍មួយយប់ដែលបាននាំមកនូវរចនាបថ Trend និង Caltureនៃ Super Street បានកំណត់អស់រយៈពេលជិត 30 ឆ្នាំ។
រថយន្តជិត 300 គ្រឿង និងអ្នកស្រឡាញ់ចូលចិត្តរថយន្តរាប់ពាន់នាក់បានប្រមូលផ្តុំគ្នានៅឃ្លាំង និងទីធ្លាផ្ទុកទំនិញជាប់ៗគ្នា។ ក្នុងចំណោមចំណុចសំខាន់ៗមួយគឺការដាក់បង្ហាញជាសាធារណៈលើកដំបូងនៅសហរដ្ឋអាមេរិកនូវរថយន្ត 2026 Honda Prelude ហើយវាមិនបានធ្វើឲ្យអ្នកស្រឡាញ់រថយន្តនិងអ្នកទស្សនាខកចិត្តឡើយ។ រថយន្ត Prelude ក៏ត្រូវបានដាក់ឈ្មោះជារថយន្តផ្លូវការនៃ Super Street After Dark ផងដែរ។
រថយន្ត Honda Prelude វិលត្រឡប់មកវិញបន្ទាប់ពីអវត្តមានជិត 20 ឆ្នាំ។ ម៉ូដែលជំនាន់ចុងក្រោយបានបញ្ចប់នៅឆ្នាំ 2001។ ម៉ូដែលថ្មីនេះទាញយកកេរ្តដំណែលនៃល្បឿនរួមជាមួយភាពរហ័សរហួន ហើយនោះគឺវាសម្រេចបានដោយសារប្រព័ន្ធបញ្ជូនថាមពលកូនកាត់ (hybrid powertrain) I-4 2.0 លីត្រ កម្លាំង 200 សេះ។ រថយន្តសេដាន់ 2+2 មួយនេះចូលរួមក្នុងព្រឹត្តិការណ៍នេះដោយមានតម្លៃចាប់ផ្តើម 38,000 ដុល្លារ ហើយចំណុចលេចធ្លោដ៏ធំមួយគឺប្រអប់លេខល្បឿនតែមួយ (single-speed transmission)។ របៀប S+ Shift បង្កើតការធ្លាក់កម្លាំងបង្វិល (torque dip) ដែលធ្វើត្រាប់តាមប្រអប់លេខអូតូ 8 ល្បឿន និងដំណើរការ rev-match តាមរយៈ paddle shifters។
ចំណុចសំខាន់ៗផ្សេងទៀតរួមមាន ហ្វ្រាំងមុខ Brembo, ហ្វ្រាំងក្រោយដែលកាន់តែធំ, ទទឹងផ្លូវមុខ និងក្រោយដែលបានកែតម្រូវថ្មី, និងប្រព័ន្ធជើងក្រោមខាងមុខមានអ័ក្សពីរដ៏ជំនាញ (trick dual-axis front suspension) ដែលជួយដងទប់លំនឹង torque steer។ ក្រុមហ៊ុន Honda និយាយថា កំណែ Prelude នេះមានការកែតម្រូវលក្ខណ:របស់វាបើធៀបនឹងរថយន្តសេរីខ្សែស្រឡាញបស់វាគឺ Civic Type R ដោយផ្តោតលើអារម្មណ៍បើកបរ grand touring អោយរលូនជាងមុន ដោយមិនបាត់បង់លក្ខណៈបែបប្រភេទរថយន្តស្ព័ររបស់វាឡើយ។
រថយន្តនេះត្រូវបានទទួលស្វាគមន៍យ៉ាងល្អ ខណៈដែលវាត្រូវបានចតនៅចំកណ្តាលលើទីលានឃ្លាំងទំនិញ ហ៊ុំព័ទ្ធដោយ Preludes ជំនាន់ទីបួន និងទីប្រាំ ដើម្បីបង្ហាញពីខ្សែស្រឡាយរបស់វាក្នុងរយៈពេលជាច្រើនឆ្នាំ។ Super Street ក៏បានអញ្ជើញលោក Deven Hitchens មកគូរវា ដោយផ្តល់នូវរូបភាពដ៏ល្អមួយសម្រាប់អ្នកគាំទ្រខណៈពេលដែលគាត់កំពុងធ្វើការគូសចេញជារូបរាងលើផ្ទាំងគំនូររបស់គាត់។
អ្នកទស្សនាចាប់អារម្មណ៍យ៉ាងខ្លាំងចំពោះរូបរាងស្ព័ររបស់ Prelude នៅពេលដែលវាត្រូវបានគេស្ទួចចេញពីរថយន្តដឹកជញ្ជូន។ ចំណាប់អារម្មណ៍ដំបូងរបស់យើងគឺថាវានឹងក្លាយជារថយន្តបើកបរលើទីលានប្រណាំងដ៏រីករាយ ដែលជាចំណុចមួយដែលគេត្រូវបាននិយាយថា សមត្ថភាពរបស់វាជាគូរប្រកួតប្រជែងជាមួយនឹង Porsche 718 Cayman ដែលទាក់ទងនឹងការគ្រប់គ្រងល្បឿន និងភាពរហ័សរហួន។ មតិយោបល់ពីអ្នកគាំទ្រគឺលើសលប់ ដោយមានមនោសញ្ចេតនាដូចគ្នាជុំវិញរូបរាងស្ព័រ ល្អឥតខ្ចោះនិងលក្ខណៈពិសេសដែលជំរុញដោយសមត្ថភាពរបស់វា៕
ប្រភព៖ MotorTrend
ប្រែសំរួល៖ Chea SokNang