ក្រុមហ៊ុន Hyundai និយាយថា XRT នឹងក្លាយជានិមិត្តសញ្ញា Off-Road ‘ពិតប្រាកដ’
Admin, 26 November 2025
Hyundai Concept XRT Off-Road
ក្រុមហ៊ុន Hyundai បានមើលឃើញភាពជោគជ័យរបស់ Ford Bronco, Jeep Wrangler, និង Toyota 4Runner ហើយវាក៏ចង់ក្លាយជាចំណែកខ្លះដែរសម្រាប់ទីផ្សារ Off-Road។ ក្រុមហ៊ុនផលិតរថយន្តកូរ៉េខាងត្បូងមួយនេះរៀបនឹងផ្តោតសំខាន់លើយានយន្ត body-on-frame និងសមត្ថភាពបើកបរ Off-Road។
នៅក្នុងព្រឹត្តការណ៏ពិព័រណ៍ Los Angeles Auto Show ឆ្នាំ 2025 កាលពីថ្ងៃព្រហស្បតិ៍ លោក Olabisi Boyle អនុប្រធានជាន់ខ្ពស់ផ្នែកផែនការផលិតកម្ម និងយុទ្ធសាស្ត្រទូទៅនៅក្នុង ក្រុមហ៊ុន Hyundai North America បានប្រាប់ ទស្សនាដីក្នុងស្រុកថា ម៉ូដែល XRT trim របស់ក្រុមហ៊ុន "នឹងមិនមែនគ្រាន់តែជា trim ទៀតទេ" ហើយផលិតផលដែលនឹងមកដល់ នឹងមានសមត្ថភាព "100% ច្រើនជាងអ្វីដែលមាននៅក្នុងការដាក់តាំងព្រឹត្តការណ៍ពិពណ៌ឥឡូវនេះ។ Hyundai កំពុងតែចង់បានចំណែកទីផ្សារសំរាប់រថយន្តបែបផ្សងព្រេង(Advanture) និង Off-Road។
លោក Boyle បាននិយាយថា៖ "យើងនឹងនាំមកនូវសមត្ថភាព Off-road និង Hardware ពិតប្រាកដជាក់លាក់មួយមកកាន់យានយន្តរបស់យើងនៅពេលអនាគត"។
សព្វថ្ងៃនេះ ម៉ូដែលដែលមានផ្លាកសញ្ញា XRT គឺជាម៉ូដែល trim ក្នុងខ្សែស្រឡាយរបស់ម៉ូដែលយើង។ ជាធម្មតា XRTs បន្ថែមការតុបតែងតួរថយន្តមួយចំនួន, សំបកកង់បើកបរគ្រប់ស្ថានភាពផ្លូវ all-terrain, ទំពក់ទាញ (recovery hooks) លើម៉ូដែលមួយចំនួន, ហើយប្រហែលជាមានបន្ទះការពារតួរថយន្តស្តើង (thin skid plate) មួយ ឬក៏ពីរ។ លោក Boyle បាននិយាយថា ទៅពេលអនាគត XRT "នឹងមិនមែនគ្រាន់តែជា trim ទេ វានឹងក្លាយជារថយន្តមានសមត្ថភាពដ៏អស្ចារ្យពិតប្រាកដមួយ"។
លោក Boyle បានកត់សម្គាល់ថា៖ "វានឹងក្លាយជាយានយន្តដែលមានសមត្ថភាពខ្លាំងមួយពិតប្រាកដ ហើយគាត់បានបន្ថែមទៀតថា ម៉ូដែល XRT នីមួយៗបានពង្រីកលើសមត្ថភាព និងលក្ខណៈពិសេស។ ប៉ុន្តែអី្វៗភាគច្រើននោះត្រូវបានកំណត់ដោយ platforms ដែលបានប្រើ។ លោកនៅបន្ថែមទៀតថា៖ "Platfroms ផ្សេងៗពីគ្នាដែលអាចត្រូវបានប្រើដើម្បីបង្កើតសមត្ថភាពវាអោយមានភាពរឹងមាំជាងPlatfroms លើរថយន្តដ៏ទៃ ហើយយើងកំពុងពិចារណាលើ Platforms ទាំងនោះ"។
លោក Boyle បានបកស្រាយទៀតថា៖ "យើងពិតជាបានប្រកាសរួចជាស្រាច់ហើយអំពីរថយន្តភីកអាប់ដែលមាន body-and-frame" ហើយបានលោកបន្តទៀតថា៖ "ដូច្នេះយើងមាន Platfroms ផ្សេងទៀត ដែលអ្នកអាចធ្វើវាបានជាមួយ body on frame Platforms ច្រើនជាងអ្វីដែលអ្នកអាចធ្វើបានជាមួយ unibody ឬ monocoque ។ ពេលខ្លះគេថាក្រុមហ៊ុនរបស់យើងអាចធ្វើវាបាន ហើយនោះគឺជាអ្វីដែលកំពុងតែផ្តល់នូវឱកាសដល់ពួកយើងជាច្រើន និងគឺជាអ្វីៗដែលអាចធ្វើអោយវាកើតឡើង"។
Hyundai មិនមែនតែម្នាក់ឯងទេក្នុងការចង់បានបំណែកទីផ្សារ Off-Road ក្នុងនោះក៏មាន ក្រុមហ៊ុន Honda កំពុងតាមដណ្តើមចំណែកទីផ្សាររបស់ Subaru និង Jeep ជាមួយនឹងការផ្លាស់ប្តូរទៅរកការបើកបរ Off-Road ដែលនឹងឃើញម៉ូដែល TrailSport ដែលមានសមត្ថភាពកាន់តែខ្លាំងហើយវាត្រូវបានចេញជាសាធារណៈផងដែរ។ ទន្ទឹមនឹងនេះ Nissan Xterra កំពុងតែវិលត្រឡប់មកវិញ ហើយក្រុមហ៊ុនផលិតរថយន្តថែមទាំងបង្ហាញថា Pathfinder នឹងប្តូរត្រឡប់ទៅតួ body-on-frame វិញ។
ការបកស្រាយខ្លះរបស់លោក Boyle មានន័យហាក់ដូចជាលាក់កំបាំងពី រថយន្តភីកអាប់ Hyundai body-on-frame ដែលមានគោលដៅចង់ប្រកួតប្រជែងជាមួយ Jeep Gladiator ហើយក្រុមហ៊ុនផលិតរថយន្តមួយនេះថែមទាំងអាចនឹងបង្កើតរថយន្ត SUV body-on-frame ខណៈដែលយើងរៀបនឹងទទួលបានព័ត៌មាន XRT sub brand បន្ថែមទៀត។ យើងនឹងបន្តការតាមដាននៅពេលដែលរឿងនេះត្រូវបានចាប់ផ្តើមអភិវឌ្ឍចង្វាក់ផលិតកម្ម៕
ប្រភព៖ United State News.
ប្រែសំរួល៖ Chea SokNang (AC Auto)