ក្រុមហ៊ុនJetour បាន​ប្រកាស​ជា​ផ្លូវការ​នូវ​ការ​ដាក់​លក់​រថយន្ត SUV ទំហំ​មធ្យមគឺ​ Chery 2026 X90 Pro។ ម៉ូដែល​ថ្មី​នេះ​មាន​ជម្រើស 5 សេរី ដែលមាន​តម្លៃ​ចន្លោះ​ប្រហែលពី 19,000 ទៅ 23,500 ដុល្លារ​អាមេរិក។ រថយន្ត X90 Pro ឆ្នាំ 2026 ប្រើប្រាស់​ការ​រចនា​ចុងក្រោយ​បំផុត​របស់ Jetour ដែល​មាន​ផ្ទៃខាងមុខ​ធំ​បំពាក់ដោយ​បន្ទះ​ប៉ាណាស្រោបពណ៌ក្រូមេ (chrome) បញ្ឈរ។

បើ​និយាយ​ពី​ទំហំរបស់រថយន្ត SUV មួយនេះ​មាន​បណ្តោយប្រវែង 4,858 mm, ទទឹង 1,925mm, និង​កម្ពស់ 1,780mm, ជាមួយ​គម្លាត​កង់​ធំទូលាយ (​Wheelbase) 2,850mm។ X90 Pro ឆ្នាំ 2026 បំពាក់​មក​ជា​ស្តង់ដារ​ជាមួយ​ប្លង់​កៅអីចំនួន​ 6= 2+2+2 ជាមួយ​ជម្រើស​កៅអី 5 និង 7 បន្ថែម​ទៀត។ វាមានភាព​ងាយស្រួល​ក្នុង​ការ​ប្រើប្រាស់ ចំណែកទំហំ​ឃ្លុប​ដាក់​អីវ៉ាន់​ក្នុង​ម៉ូដែល​7 កៅអី វាមានទំហំរហូត ​ដល់ 1,634 លីត្រ។

ផ្នែក​ខាងក្នុង 2026 Jetour X90 Pro ត្រូវ​បាន​បំពាក់​ដោយ​អេក្រង់កុងទ័រ Full LCD ទំហំ 10.25 អ៊ីញ និង​អេក្រង់​បញ្ជា​កណ្តាល​ដ៏​ធំទំហំ 15.6​​​ អ៊ីញ។ ប្រព័ន្ធ​ព័ត៌មាន​កម្សាន្ត​ដំណើរការ​ដោយ​បន្ទះ​ឈីប Qualcomm Snapdragon 8155។ យានយន្ត​នេះ​មាន T-BOX remote control, ប្រព័ន្ធ​បញ្ជា​សំឡេង​ 4 Zone, ប្រព័ន្ធ​កំណត់​ទីតាំង Beidou/GPS 2​ ទីតាំង, និង​ការ​អាប់ដេត​ FOTA (Firmware over-The-Air)។ យានយន្ត​នេះ​បំពាក់មកជាមួយក្បាលចង្កឹះ​លេខ​ប្រភេទគ្រីស្តាល់ និង​ដំបូល​ខាងក្នុង​ស្បែក​ក្រាស់ និង​កៅអីអាចចុច​ផ្អៀង​បាន 116 ដឺក្រេ, កៅអី​ជួរ​ទី 1 និង​ទី 2 មានមុខងារ​កម្ដៅ និង​ចរន្តខ្យល់​ចេញចូល, និង​ប្រព័ន្ធ​ម៉ាស្សា SPA មាន​10 ចំណុច​សម្រាប់​កៅអី​ជួរ​ទី 2 និង​កៅអី​អ្នកបើកបរ។

រថយន្ត Jetour X90 Pro 2026 ផ្តល់​ជម្រើស​ម៉ាស៊ីន​កម្លាំង​ខ្លាំង​ពីរ។ អ្នកទិញ​អាច​ជ្រើសរើស​ម៉ាស៊ីន Kunpeng Power 2.0T ដែល​ផ្តល់​កំលាំង​អតិបរមា 187 kW (251 សេះ) និង​កម្លាំង​បង្វិល​កំពូល 390 N·m។ ម៉ាស៊ីន 1.6T ក៏​មាន​សម្រាប់​ប្រើប្រាស់​ផង​ដែរ ដោយ​ផ្តល់​កម្លាំង​អតិបរមា 145 kW (194 សេះ)។ ម៉ាស៊ីន​ទាំងពីរ​ត្រូវ​បាន​បំពាក់មក​ជាមួយ​នឹង​ប្រអប់លេខ 7-វគ្គ​speed wet dual-clutch transmission បាន​យ៉ាង​រហ័ស៕

The 2026 Jetour X90 Pro lineup: