ត្រកូល Jetour Traveller ម៉ូដែល 2026 និងដាក់សម្ភោធ​នៅ​ប្រទេស​ចិន​នៅ​ថ្ងៃទី 17 ខែ​វិច្ឆិកា 2025​​ និង​ម៉ូដែល​ប្រើ​សាំង​ដែល​បាន​ផលិតចេញរូបរាង​ថ្មីស្រឡាង និង​រថយន្ត​កូនកាត់​ដែល​អាច​សាក​ថ្ម (plug-in hybrid) និងត្រូវ​បាន​ប្តូរ​ឈ្មោះផងដែរ។ រថយន្ត Traveller C-DM កាល​ពីមុន​គេ​ស្គាល់​ថា​ជា Shanhai T2 ដែលមាន​ប្រព័ន្ធ​កូនកាត់​ម៉ូទ័រ​បី​ដែល​មាន​ថាមពល​ខ្ពស់ និង​អាចផលិត​កម្លាំងថាមពលបាន 340 គីឡូវ៉ាត់ (kW) និង​កម្លាំង​បង្វិល 700 ញូតុន​ម៉ែត្រ (Nm) ជាមួយ​នឹងរយ:​ចម្ងាយ​ការបើកបរ​អគ្គិសនី​សុទ្ធ​រហូត​ដល់ 208 គីឡូម៉ែត្រ នេះ​បើ​យោង​តាម​ការ​រាយការណ៍​របស់ D-Auto។ ម៉ូដែល​នេះបាន​រក្សា​ការ​រចនារូបរាងប្រភេទ SUV រាងជា​ប្រអប់​ដែល​ផ្តោត​លើ​ការ​ធ្វើ​ដំណើរផ្សងព្រេង។ រថយន្តម៉ូដែលមួយនេះវាបាន​ផ្តល់​ជម្រើស​ជាច្រើន​សម្រាប់​អតិថិជន​ដែល​តម្រូវ​ទៅលើលក្ខណ:​បែបគ្រួសារ និង​លក្ខណ:ការ​ផ្សងព្រេង។

ម៉ូដែលមួយនេះ​ត្រូវបាន​អាប់ដេត​រួម​មាន Traveller ប្រើ​សាំង ដែល​បំពាក់មកជាមួយ​នឹង​ម៉ាស៊ីន 1.5 T និង 2.0 T, និង Traveller C-DM កូនកាត់​ដែល​អាច​សាក​ថ្មបាន។ នេះបើយោង​តាម​ព័ត៌មាន​របស់​ក្រសួង​ឧស្សាហកម្ម និង​បច្ចេកវិទ្យា​ព័ត៌មាន (MIIT) ម៉ូដែលC-DM មាន​ប្រវែង 4,795 mm  (4,810mm) ទទឹង 2,006 mm និង​កម្ពស់ 1,875mm ព្រមទាំង​ចន្លោះ​គម្លាតកង់មុខ​ទៅកង់ក្រោយប្រវែង​(Wheelbase) 2,800 mm ដែលមានប្រវែង​​វែង​ជាងម៉ូដែលមុខបន្តិចគឺ Shanhai T2 ​។

ផ្នែកខាងក្រៅ Traveller ម៉ូដែល 2026 វាបានរក្សា​រូបរាង​​ជារាង​បួនជ្រុង​ជាមួយ​នឹងShap-line (squared-off silhouette with sharp lines)។ ការ​អាប់ដេតបន្ថែម​រួម​មាន​ការកែប្រែ​ទៅលើអំពូល​ភ្លើងកាត់​អ័ព្ទ, ការ​ដក​បន្ទះ​តុបតែង​បញ្ឈរ​ខាងមុខ​ចេញ, និង​សម្រាប់​ម៉ូដែល​កូនកាត់ គឺ​មាន​កង់​សាគួរ​ដែល​ភ្ជាប់​នៅ​ចំហៀង, ភ្លើង​ចង្កៀងក្រោយ​បញ្ឈរ​ថ្លា, និងប្រអប់បួនជ្រុងរចនាបថ​ថ្មី​(​ new rectangular graphics) នៅ​​កាង​ខាងក្រោយ។ ចំណែកឯ​ចំណុច​លេចធ្លោ​ផ្នែក​ខាងក្នុង​ត្រូវ​បាន​គេ​រំពឹង​ថា​នឹង​មានរួម​បញ្ចូល​ជម្រើស​ដំបូល​ពណ៌​ខ្មៅ, ដំបូល​ព្រះអាទិត្យ​ប្រភេទ​Panoramic (panoramic sunroof), កញ្ចក់​ខាងក្រោយឯកជនភាព​(rear privacy glass), ដៃ​ទ្វារ​បែប​បុរាណ​(Traditional), និង​ឈ្នាន់​ជើង​ចំហៀង​Fixed ​សម្រាប់​ម៉ូដែល ​ដែល​មាន​គម្លាត​កង់​វែង​ជាង។

ប្រភេទម៉ូដែល​Traveller ដែលប្រើ​សាំង​មាន​​ម៉ាស៊ីន 1.5 T ដែល​ផលិត​កម្លាំងបាន 135 គីឡូវ៉ាត់ និង​ម៉ាស៊ីន 2.0 T ដែល​ផលិត​កម្លាំងបាន 187 គីឡូវ៉ាត់ ដោយ​ប្រភេទម៉ាស៊ីនទាំងពីរនេះ​ភ្ជាប់​ជាមួយ​ប្រអប់លេខ dual-clutch 7 ល្បឿន។ ម៉ូដែល C-DM ម៉ានស៊ីនប្រភេទកូនកូនកាត់​រួមបញ្ចូលជាមួយ​ម៉ាស៊ីន​សាំង 1.5 T ដែល​ត្រូវ​បាន​វាយតម្លៃ​អាចមានកម្លាំងថាមពល ​115 គីឡូវ៉ាត់ ជាមួយ​នឹង​ម៉ូទ័រ​មុខ​ពីរ (165 គីឡូវ៉ាត់/390 ញូតុន​ម៉ែត្រ) ឬ​​ម៉ូទ័រ​បីដែលបានបំពាក់​នៅ​លើ​ម៉ូដែល​នេះដែលមានកម្លាំងរហូតដល់ (340 គីឡូវ៉ាត់/700 ញូតុន​ម៉ែត្រ) ដោយ​ប្រើ​ប្រអប់លេខ​កូនកាត់ DHT 3 ល្បឿន និង XWD intelligent all-wheel drive។ សមត្ថភាព​អាគុយ​មាន​ចាប់ពី 26.7 kWh អាចបើកបរបាន​ចម្ងាយ EV 120 គីឡូម៉ែត្រ រហូតដល់កម្លាំង 43.24 kWh អាចបើកបរបាន​ចម្ងាយ 206-208 គីឡូម៉ែត្រ។

              រថយន្ត Traveller ប្រើ​សាំងតម្លៃ​ចាប់ផ្តើម​ពី 139,900 យន់ (ប្រហែល 19,600 ដុល្លារ​អាមេរិក) ខណៈ C-DM ដែលមានតម្លៃប្រហាក់ប្រហែល​ជិត​តម្លៃ​ម៉ូដែល​ប្រើ​សាំង សំរាប់​ Shanhai T2 មានតម្លៃ​(179,900 យន់  ប្រហែល 25,200 ដុល្លារ​អាមេរិក)។ សម្រាប់ម៉ូដែល​ប្រើ​សាំងមួយនេះគឺត្រូវបាន​ប្រកួតប្រជែង​ជាមួយនឹងរថយន្តដ៏ទៀតផ្សេងទៀតដូចជា Honda CR-V 7 កៅអី និង Nissan X-Trail ខណៈ C-DM ផ្តោត​លើ Haval Dragon PHEV និង Beijing BJ40 extended-range SUV។

ក្រុមហ៊ុន Jetour ដែល​ត្រូវ​បាន​ដាក់​ឲ្យ​ដំណើរការ​ក្រោម​ក្រុមហ៊ុន Chery ក្នុង​ឆ្នាំ 2018 ហើយបាន​បង្កើត​ម៉ាក​ជា​យីហោ​ឯករាជ្យ​នៅ​ឆ្នាំ 2021 ផ្តោត​លើ​រថយន្តប្រភេទ SUV និង​យានយន្ត​ផ្សងព្រេង។ ការ​ផ្តល់​ជូន​ទាំង​រថយន្ត​ប្រើ​សាំង និង​រថយន្ត​កូនកាត់​ដែល​អាច​សាក​ថ្មបាន​ដែល​មាន​សម្ថតភាពខ្ពស់ គឺ​ស្រប​តាម​យុទ្ធសាស្ត្រ OEM របស់​ប្រទេសចិន​ក្នុង​ការ​ប្រើប្រាស់​ប្រព័ន្ធ​បញ្ជូន​ថាមពល​ចម្រុះ​មុន​ពេល​ការ​ប្រើប្រាស់​ប្រព័ន្ធថាមពលអគ្គិសនី​ពេញលេញ។