រថយន្ត KGM Torres Hybrid គឺ​ជា​រថយន្ត​កូនកាត់​ដំបូង​ពី​យីហោ​កូរ៉េ​ដែល​ពីមុន​គេ​ស្គាល់​ថាជារថយន្តប្រភេទ SsangYong។

វា​ត្រូវបានចែកចាញតាម​ឈ្មួញ​លក់រថយន្តតាមតំបន់​(Dealerships) KGM ដែល​បាន​ចែកចាយ​ចាប់ពី​ខែ​នេះតទៅ មុនបើក​ការ​លក់​ទូទាំង​ប្រទេស​ចាប់ផ្តើម​នៅ​ថ្ងៃទី 1 ខែ​ធ្នូ ឆ្នាំ 2025ខាងមុខនេះ។

ជាមួយនឹង​តម្លៃ $45,000 បានបូកជាមួយឯកសារផ្សេងៗ(drive-away)។ នេះបើយោងតាម តម្លៃ Torres Hybrid K30 ​មាន​តម្លៃ​ទាបជាងបើធៀបនិង​​សេរី​ម៉ូដែល RAV4 Hybrid ជំនាន់​ថ្មី ដែល​មាន​តម្លៃ​ចាប់ផ្តើម​ពី $45,990 ដោយមិនទាន់​រាប់​បញ្ចូលតម្លៃឯកសារផ្សេងៗ (on-road costs)។

ម៉ូដែល Flagship Torres Hybrid K40 មាន​តម្លៃ $48,000 drive-away។ សេរីម៉ូដែល Torres ប្រើ​សាំង​បច្ចុប្បន្ន​ត្រូវ​បាន​ផ្តល់​ជូន​ក្នុង​តម្លៃ​ចន្លោះ​ពី $36,000 ទៅ $43,000 drive-away រួម​ទាំង​ការបញ្ចុះតម្លៃបន្ថែម​ពី​រោងចក្រ។

ម៉ូដែល Hybrid K40 មាន​លក្ខណៈ​ពិសេស​ដូចជា​មានប្រព័ន្ធ blind-spot monitoring និងប្រព័ន្ធ​​ជូនដំណឹង​ចរាចរណ៍​ឆ្លងកាត់​ខាងក្រោយ (rear cross-traffic alert) ប៉ុន្តែ​ប្រសិនបើ​អ្នក​ចង់បាន​របស់​ប្រណីត​មួយ​ចំនួន​ដូចជា​កៅអី​មុខ​មាន​ខ្យល់​ចេញចូល (ventilated front seats) ឬ​កម្រាល​ស្បែក​ពិតប្រាកដ អ្នក​មិន​មាន​សំណាង​ទេ – ប្រសិនជាអ្នកចង់បានមុខងារទាំងអស់​ហ្នឹអ្នកត្រូវ​តែជ្រើសរើស​ម៉ូដែល Torres Ultimate ប្រើ​សាំង​ជំនួស​វិញ។

ម៉ូដែល​កូនកាត់​នេះត្រូវ​បានគេ​សម្គាល់​ដោយ​ផ្លាក​សញ្ញា​ពិសេស និង​ការ​រចនា​កង់​អាលុយមីញ៉ូម បូក​រួម​ទាំង​ការ​តុបតែង C-pillar ពណ៌​ខ្មៅ លក្ខណ:ទាំងអស់ហ្នឹងវាមិន​ដូច​គូប្រកួតប្រជែងរបស់វាគឺរថយន្ត RAV4 និង Hyundai Tucson ទេ ដោយវាមិន​មាន​ជម្រើស​ប្រភេទប្រព័ន្ធ​បើកបរ​កង់​ទាំងអស់ AWD (all-wheel drive) សម្រាប់​ប្រើប្រាស់​ឡើយ។

តម្លៃ: 2026 KGM Torres Hybrid K30 $45,000, 2026 KGM Torres Hybrid K40 $48,000

រថយន្ត Torres Hybrid ត្រូវ​បាន​ដំណើរការ​ដោយ​ក្រុមហ៊ុន KGM ហៅថា Dual-Tech Hybrid System ដែល​បង្កើត​ឡើង​ដោយ​សហការ​ជាមួយក្រុមហ៊ុន BYD ដោយ​មាន​ម៉ូទ័រ​អគ្គិសនី​មួយ​គូរ និង​ប្រអប់លេខ​ជាក់លាក់​សម្រាប់​កូនកាត់ ​(​hybrid-specific transmission)។ វា​អាច​ដំណើរការ​​របៀប EV mode អំឡុងពេល​បើកបរ​ក្នុង​ទីក្រុង ក្នុង​ល្បឿន​រហូត​ដល់ 100 គីឡូម៉ែត្រ/ម៉ោង។ នៅពេល​ដែល​ថាមពល​អាគុយ​ធ្លាក់ទាប ម៉ាស៊ីន​ចាប់ផ្តើមដំណើរការ​ដោយ​ស្វ័យប្រវត្តិ និង​ដំណើរការ​ជា​ម៉ាស៊ីន​ភ្លើង​ដើម្បីសាក​បញ្ចូល​ថ្ម ខណៈ​ពេល​ដែល​មាន​ការ​បង្កើន​ល្បឿន​ខ្លាំង ឬ​ក្នុងអំឡុងពេល​បើកបរ​ឡើង​ចំណោត ម៉ាស៊ីន​នឹង​ផ្តល់​ថាមពល​ទៅ​កង់​ដោយ​ផ្ទាល់​ស្រប​ជាមួយ​នឹង​ម៉ូទ័រ​អគ្គិសនី។

KGM និយាយ​ថា Torres Hybrid ប្រព័ន្ធជើងក្រោមប្រើ​ឧបករណ៍ Shock Absorbers ​ថ្មី​ជាមួយ Smart Frequency Damping សម្រាប់​ការ​ធ្វើដំណើរប្រកបដោយ​ផាសុកភាព​៕