Kosmera ដែលជាម៉ាករថយន្តថ្មីរបស់ចិនស្ថិតក្នុងប្រព័ន្ធអេកូឡូស៊ីរបស់ក្រុមហ៊ុន Dreame បានបញ្ចេញរូបភាពបង្អួត (Teaser) ជាផ្លូវការនូវរថយន្តអគ្គិសនីចំនួនពីរម៉ូដែល ដែលនឹង​ត្រូវបង្ហាញខ្លួនជាលើកដំបូងនៅក្នុងពិព័រណ៍គ្រឿងអេឡិចត្រូនិកកម្រិតពិភពលោក CES 2026 នៅទីក្រុង Las Vegas ចាប់ពីថ្ងៃទី 6 ដល់ទី 9 ខែមករា 2026កន្លងទៅ។ យោងតាមគេហទំព័រ Autohome រថយន្តទាំងពីរនេះត្រូវបានបង្ហាញជារូបរាងទ្វារបួន ដែលសង្កត់​ធ្ងន់​លើសមត្ថភាព​បើកបរបែបរថយន្តស្ព័រ និងការរចនារូបរាងខាង​ក្រៅ​យ៉ាង​ទាក់ទាញបំផុត។

Kosmera’s hypercar teaser shows a low hood, a flowing roofline, and advanced aerodynamics.

ម៉ូដែលទីមួយនេះ គឺជាគំរូរថយន្តអគ្គិសនី Hypercar កម្រិតខ្ពស់ដែលមានសមាមាត្រ​រូបរាងស្រដៀងនឹង Supercar និងមានតួខ្លួនតាមលក្ខណៈ Aerodynamic។ ការបង្ហាញខ្លួនជាផ្លូវការ ម៉ាស៊ីនរបស់ Hypercar នេះមានកម្លាំងរហូតដល់ 1,903 សេះ ដោយកង់នីមួយៗត្រូវបានបញ្ជារដោយម៉ូទ័រអគ្គិសនីមួយ ដែលមានកម្លាំងប្រហែល 476 សេះ។ ការកំណត់រចនាសម្ព័ន្ធនេះត្រូវបានគេរាយការណ៍ថា វាមានគោលដៅសម្រេច​ឱ្យបាននូវសមាមាត្រកម្លាំងធៀបនឹងទម្ងន់ជិត 1:1 ដែលជាលក្ខណៈបច្ចេកទេសកម្រឃើញ មានសូម្បី តែលើរថយន្តសមត្ថភាពខ្ពស់ៗដ៏ទៃផ្សេងទៀត។

រូបភាពTeaser បានបង្ហាញពី គ្លប់ម៉ាស៊ីនខ្លី (low hoodline), Steeply raked (A-pillars) បញ្ឈរខ្លាំង និងខ្សែដំបូលមានលំហូរស្របគ្នា។ តួរថយន្តត្រូវបានគេរាយការណ៍ថាមានការ រួមបញ្ចូលនូវសម្ភារៈសមាសធាតុ (Composite) កម្រិតប្រើប្រាស់ក្នុងវិស័យអវកាស និងគ្រឿង​បង្គុំដែលផលិតដោយការព្រីនលក្ខណៈ3D ដើម្បីបង្កើនភាពរឹងមាំនៃតួខ្លួន ខណៈពេលដែល​វាអាចរក្សា​ទម្ងន់ឱ្យនៅកម្រិតស្រាលបំផុត។ Hypercar នេះក៏ត្រូវបានគេនិយាយថា វាមាន​បំពាក់​មកជាមួយប្រ​ព័ន្ធបូម Active Linear-motor Suspension ដែលអាចផ្លាស់ប្តូររវាង​ការបើកបរដែល​ផ្ត​ល់​ផាសុកភាព និងការបើកបរបែបការប្រណាំង។

បច្ចេកវិទ្យាបន្ថែមផ្សេងទៀតរួមមាន៖

• AI Driver Coaching: ប្រព័ន្ធជំនួយការបង្វឹកអ្នកបើកបរដោយប្រើបញ្ញាសិប្បនិម្មិត។
• Steer-by-wire: ប្រព័ន្ធបញ្ជាចង្កូតតាមរយៈខ្សែអេឡិចត្រូនិក។
• AR HUD: អេក្រង់ឆ្លុះលើកញ្ចក់មុខប្រភេទ Augmented-reality ដែលបង្ហាញពីគន្លង​ផ្លូវបើកបរដ៏ល្អបំផុត។

ទោះជាយ៉ាងណាលក្ខណៈបច្ចេកទេសពេញលេញមិនទាន់ត្រូវបានបញ្ជាក់ជាផ្លូវការនៅឡើយទេ។

Aggressive four-door KOSMERA sports sedan previews CES 2026.

ម៉ូដែលទីពីរដែលត្រូវបានបង្ហាញជា Teaser ផងដែរ គឺជារថយន្ត Sedan បែបស្ព័រទ្វារបួន ឬប្រភេទ Fastback។ ធាតុផ្សំនៃការរចនារួមមាន គ្លប់ម៉ាស៊ីនវែងជាងមុន, Pronounced shoulder line រថយន្តច្បាស់ៗ, សំបកកង់មានសមត្ថភាពខ្ពស់, ហ្វ្រាំងខ្នាតធំ និង ស្លាបកន្ទុយត្រី (Rear wing) បែបឌីណាមិក​(dynamic driving)។ លក្ខណៈពិសេស ទាំងនេះ បង្ហាញពីការផ្តោតលើសមត្ថភាពបើកបរដ៏រស់រវើក និងការទាក់ទាញផ្នែកចក្ខុវិស័យ។

នៅក្នុងពិព័រណ៍ CES ក្រុមហ៊ុន Kosmera ត្រូវបានរំពឹងថានឹងដាក់បង្ហាញរថយន្តទាំងពីរ ជាលក្ខណៈគំរូ (Static prototypes) ដើម្បីបង្ហាញពីការរចនាខាងក្រៅ និងខាងក្នុង ជាជាង​ការបង្ហាញមុខងារផលិតកម្មដែលរួចរាល់សម្រាប់ការលក់។ បច្ចុប្បន្ន មិនទាន់មានការ​ប្រកាសជាផ្លូវការ​ពីតម្លៃ ឬកាលវិភាគបញ្ចេញលក់រថយន្តទាំងពីរ​ម៉ូដែល​នេះនៅឡើយទេ។ ការបង្ហាញខ្លួននេះគឺជាឱកាសមួយសម្រាប់អ្នកសង្កេតការណ៍ក្នុងវិស័យឧស្សាហកម្មរថយន្ត ដើម្បីវាយតម្លៃលើការរចនា លក្ខណៈសម្បត្តិ​ និងសមត្ថភាពដែលបានរាយការណ៍​របស់រថយន្តទាំងពីរនេះ៕