ក្រុមហ៊ុន Lamborghini និយាយថា ម៉ាស៊ីន V8 កម្លាំងបង្វិល 10,000 ជុំ/នាទីរបស់ខ្លួននឹងនៅបន្តប្រើប្រាស់

Admin, 24 November 2025

រថយន្ត Lamborghini Temerario ត្រូវបានបំពាក់ប្រព័ន្ធអគ្គិសនី (electrified) ប៉ុន្តែវាមិនមែនជារថយន្តប្រភេទអគ្គិសនីសុទ្ធ (electric) នោះទេ។ ជំនួសឲ្យការបោះបង់ម៉ាស៊ីនប្រើប្រេងឥន្ធនៈសម្រាប់ថាមពលអាគុយ ក្រុមហ៊ុនផលិត Sant’Agata បានបង្កើតម៉ាស៊ីន V8 ថ្មី ដែលធ្វើការរួមគ្នាជាមួយម៉ូទ័រអគ្គិសនីដើម្បីបង្កើតកម្លាំងថាមពល 907 សេះ។ មានការជជែកវែកញែកថាសម្លេងរបស់វាមិនឮល្អដូចម៉ាស៊ីន V10 សេរីចាស់របស់ Huracan នោះទេ –ប៉ុន្តែកម្លាំងបង្វិលជុំវានៅតែអាចវិលបានដល់ 10,000 ជុំក្នុងមួយនាទី (rpm)។ ហើយនេះបើយោងតាមសម្តីលោក Paolo Racchetti ជានាយកខ្សែផលិតកម្ម Temerario ម៉ាស៊ីននេះនឹងមិនអាចបាត់បង់ឡើយក្នុងរយៈពេលដ៏យូរនោះទេ។

ទស្សនាវដ្តី ក្នុងស្រុកមួយបាននិយាយជាមួយលោក Racchetti ក្នុងព្រឹត្តិការណ៍ប្រព័ន្ធផ្សព្វផ្សាយកាលពីដើមសប្តាហ៍នេះ។ ក្នុងអំឡុងពេលសន្ទនារបស់យើង យើងបានសួរសំណួរសាមញ្ញមួយថា៖ តើអ្នកគិតយ៉ាងណាអំពីអនាគតនៃម៉ាស៊ីន V8 នេះ?

លោក Racchetti បានឆ្លើយតបថា៖ "យើងបាននិយាយអំពីវា ហើយវាជាម៉ាស៊ីនដែលត្រូវបានរចនាឡើងដើម្បីប្រើបានយ៉ាងហោចណាស់ដល់រវដ្តជីវិត (life cycles)របស់វា។ លោកបន្តទៀតថា៖ "ដោយសារយើងបានគិតយ៉ាងល្អិតល្អន់អំពីអ្វីដែលត្រូវធ្វើ ហើយយើងមានផែនការកែលម្អសម្រាប់វា។ ដូច្នេះយើងដឹងថាយើងអាចធ្វើវាបាន និងរបៀបដែលយើងអាចកែលម្អវាសម្រាប់ពេលអនាគត"។ដោយសារអាយុកាលរបស់ Huracan មានរយៈពេល 10 ឆ្នាំ អ្នកអាចធានាបានថា ម៉ាស៊ីន V8 twin-turbo 4.0 លីត្រ ដែលអាចដំណើរការបានយូរទៅក្នុងទសវត្សរ៍បន្ទាប់។ វាមិនពិបាកទេក្នុងការធ្វើឲ្យលោក Racchetti និយាយបន្ថែមទៀតអំពីម៉ាស៊ីនមួយនេះ។ គ្រប់គ្នានៅដែលបាន ផលិត Lamborghini ពិតជាមានមោទនភាពចំពោះវា ដោយសារពួកគេអាចរក្សាដែនកំណត់ការវិលជុំដ៏ខ្ពស់ខណៈពេលដែលការបញ្ចូលforced induction។ តាមពិត V8 flat-plane crank របស់ Temerario មានការវិលជុំខ្ពស់ជាង V10 ធម្មតារបស់ Huracan ទៅទៀត។

"ព្រោះវាមានលក្ខណៈពិសេស។ ហើយពិតណាស់ ការរួមបញ្ចូលគ្នានៃម៉ាស៊ីនទួរប៊ីន(Turbo engine) ជាមួយ 10,000 RPM គឺជាបញ្ហាប្រឈមមួយដែលបាននាំយើងឲ្យធ្វើការជ្រើសរើសផ្នែកបច្ចេកទេសដែលពិតជាមានឫសគល់ក្នុងបទពិសោធន៍ប្រណាំង។ ការបង្កើត flat [plane] crankshaft, ការកាត់បន្ថយនិចលភាព, ដងតភ្ជាប់ទីតានីញ៉ូម (titanium connecting rods), និងការកែច្នៃស្តុងស្រាល(machined lightweight pistons) គឺជាដំណោះស្រាយដែលចេញមកពីmotorsport ។

នេះជាភាពរំភើប និង គួរឲ្យស្រស់ស្រាយសម្រាប់អ្នកចូលចិត្តរថយន្ត Lamborghini បន្ទាប់ពីប៉ុន្មានឆ្នាំ ឮថាម៉ាស៊ីនសាំងល្អបំផុតនឹងត្រូវចាកចេញ និងជំនួសមកវិញជាមួយម៉ាស៊ីនផ្សេងទៀតត្រឹមឆ្នាំ 2035 ឬឆាប់ជាងនេះ។ ដំណើរការហាក់ដូចជា កំពុងបកត្រឡប់មកវិញ នៅសហរដ្ឋអាមេរិក យ៉ាងហោចណាស់សម្រាប់នាពេលបច្ចុប្បន្នក្រុមហ៊ុនផលិតរថយន្តជាច្រើនកំពុងទទូចប្រាប់រដ្ឋាភិបាលថា កាលកំណត់ក្នុងការលុបបំបាត់ម៉ាស៊ីនប្រើប្រាស់ប្រេងឥន្ធនៈគឺមិនទាន់ប្រាកដប្រជានោះទេ។ប៉ុន្មានមុនពេលនេះក្រុមហ៊ុនផលិតរថយន្តប្រទេសអ៊ីតាលីបានដាក់សម្ពាធលើ EU (សហគមន៏អឺរ៉ុប)ដើម្បីលើកលែង Lamborghini និង Ferrari ពីការហាមឃាត់ម៉ាស៊ីនសាំងនាពេលអនាគត – ព្រោះតែវាជាកេរដំណែលនិងអ្វីៗទាំងអស់ម៉ាកយីហោមួយនេះ។

ជាចុងក្រោយ លោក Racchetti បានអះអាងថា Lamborghini គ្រោងនឹងបំពាក់ឧបករណ៏ ការពារ ម៉ាស៊ីន V8 ពិសេសនេះសម្រាប់ Temerario។ រថយន្ត Urus SUV បច្ចុប្បន្ននេះប្រើម៉ាស៊ីន V8 4.0 លីត្រផ្សេងទៀត ហើយជាក់ស្តែងម៉ាស៊ីននេះនឹងមិនអាចបំពាក់បាននោះទេបើសិនមិនមាន ការកែប្រែចំនុចសំខាន់ៗមួយចំនួន។

លោក Racchetti បានបន្តថា៖ "ខ្ញុំពិតជាគិតថាវាជានិមិ្តសញ្ញាមួយ (signature) ដូច្នេះវាជាអ្វីដែលយើងត្រូវ [កំណត់] ធ្វើឲ្យបានច្រើនបំផុតតាមដែលអាចធ្វើទៅបានចំពោះ Temerario ពីព្រោះវានឹងធ្វើឲ្យ Temerario ក្លាយរថយន្តដែលវាមាន លក្ខណ:ដ៏ពិសេសនេះ និងបទពិសោធន៍បើកបរដ៏អស្ចារ្យមួយនេះ៕

ប្រភព៖ United State News.

ប្រែសំរួល៖ Chea SokNang (AC Auto)