Leapmotor A10 2026

         ក្រុមហ៊ុន Leapmotor របស់​ប្រទេស​ចិន​បាន​បង្ហាញ​រថយន្តម៉ូដែល A10 តូច ដែល​ជា SUV ទំហំ​តូច​ដើម្បី​ប្រកួតប្រជែង​ជាមួយ BYD Atto 2 ដែល​ត្រូវ​បានគេ​វាយតម្លៃ​ចម្ងាយ​ការបើកបរ​បានរហូតដល់ 500 គីឡូម៉ែត្រ និងតម្លៃ​ទីផ្សារ​ក្នុង​ស្រុក វាមាន​​តម្លៃ​ក្រោម $35,000។

រថយន្ត BYD Atto 2 អាច​នឹង​ជួប​ការ​ប្រកួតប្រជែង​ថ្មី​ពីរយន្ត Leapmotor ក្នុងទីផ្សារប្រទេស​ចិន​ក្នុង​សមរភូមិ​ការប្រកួតប្រជែងទីផ្សារ SUV អគ្គិសនី​ដែល​មាន​តម្លៃ​ថោក​បំផុត​នៅប្រទេស​អូស្ត្រាលី​ក្នុង​ពេល​ឆាប់ៗ​នេះ។

ក្រុមហ៊ុន Leapmotor បាន​ដាក់តាំងបង្ហាញម៉ូដែល A10 នៅ​ក្នុងព្រឹត្តការណ៏ពិព័រណ៍​រថយន្ត Guangzhou motor show ដែល​ជា​ម៉ូដែល​តូច​ជាង​ដែលស្ថិតនៅ​ក្រោម​ម៉ូដែល SUV តូចគឺម៉ូដែល B10 និង SUV ទំហំ​មធ្យមគឺម៉ូដែល C10 ដែល​បាន​ដាក់​លក់​នៅ​អូស្ត្រាលី​រួច​ហើយ។

ផែនការ​សម្រាប់ចែកចាយ A10 នៅ​អូស្ត្រាលីវិញ​មិនទាន់​ត្រូវ​បាន​បញ្ជាក់​នៅឡើយ​ទេ ប៉ុន្តែ​វា​ត្រូវ​បាន​ភ្ជាប់មក​ជាមួយ​ការ​ដាក់សម្ពោធ​នៅ​ចក្រភព​អង់គ្លេស ដែល​ជា​ទីផ្សារ​ប្រើ​ចង្កូត​ស្តាំ​ដូចគ្នា ដែល​ជាការបើក​ផ្លូវផងដែរ​សម្រាប់​ការ​លក់នៅ​ក្នុង​ស្រុក។ ប្រសិនជា​តម្លៃនៅ​ប្រទេស​អូស្ត្រាលីវិញ វា​នឹង​ត្រូវ​មាន​តម្លៃ​ក្រោមជាង $38,990 drive-away​ (តម្លៃដែលបូកបញ្ចូលការចំណាយឬ​ឯកសារផ្សេងៗរួចរាល់) របស់ម៉ូដែល B10 ហើយ​នឹង​ជាដៃគូរប្រកួតប្រជែង​ជាមួយ​តម្លៃ​​ក្រោមជាង $31,990 បូក​និងតម្លៃឯកសារផ្សេងៗ (on-road costs) របស់ Atto 2។

មិន​ដូចម៉ូដែល B10 ដែល​ត្រូវ​បានយក​រចនា​កំណែទំរង់ compact របស់ម៉ូដែល C10  រថយន្ត Leapmotor A10 ថ្មី​បង្ហាញ​ពី​រចនាបទខុសគ្នា​សម្រាប់​ម៉ាកយីហោមួយនេះ។ ជំនួស​ឲ្យ​ភ្លើង​មុខ និង​ក្រោយ​ដែល​មានទំនាក់ទំនង​គ្នា(Light motifs)។ A10 មាន​ភ្លើង​មុខ​ញ៉ែកដាច់ចេញពីគ្នា, របាំងបន្ទះផ្នែក​ខាងមុខ​(ប៉ាណា)​​មានលក្ខណៈ Smooth មិនមែនជាសន្ទះសំណាញ់ (grille), និង​ភ្លើងចង្កៀងខាងក្រោយ ​ដែល​ជាប្រភេទ LED មាន​លក្ខណៈ រាង​ដូច​មុខ​ញញឹម។

ពី​ចំហៀង A10 យក​លក្ខណៈ​ពិសេស​នៃ​ការ​រចនា​ស្រដៀង​នឹង Mini Countryman ជំនាន់​មុន ជាមួយ​នឹង​កញ្ចក់​ក្រោយ​ដែលរុំ​ព័ទ្ធ​ជុំវិញ និង​ដំបូល​អណ្ដែត​ដែល​ចុះ​ទេរទាប​នៅ​លើ​បង្អួច​ចំហៀង​ផ្នែកខាងក្រោយ​បំផុត។ រូបភាពពី Chinese-spec ដែល​បាន​ចេញ​ផ្សាយ​មកទល់​ពេលនេះ​ក៏​បង្ហាញ​ពី​ឧបករណ៍​ចាប់សញ្ញា lidar លើ​ដំបូល ដែល​ចង្អុលបង្ហាញ​ពី​លទ្ធភាព​នៃ​ការ​បើកបរ​ដោយ​ស្វ័យប្រវត្តិ​កម្រិត​ខ្ពស់ ទោះបីជា​ជម្រើស​នេះ​ប្រហែលជា​មិន​ត្រូវ​បាន​បំពាក់​នៅ​ក្រៅ​ទីផ្សារប្រទេស​ចិន​ក៏ដោយ។

ក្រុមហ៊ុន Leapmotor បាន​បញ្ជាក់​ថាម៉ូដេល A10 គេអាច​​វាយតម្លៃ​ពីចម្ងាយ​បើកបរបានរហូត​ដល់ 400 គីឡូម៉ែត្រ ឬ 500 គីឡូម៉ែត្រ ដោយ​ផ្អែក​លើ​ការ​ធ្វើតេស្ត CLTC របស់​ប្រទេសចិន ដែល​ទំនងជា​អាស្រ័យ​លើ​ទំហំ​អាគុយ, ព្រមទាំង​ពេល​វេលា​សាក​ថ្ម​ពី 30% ដល់ 80% ​ក្នុងរយៈពេល 16 នាទី។

ក្រោម​ការធ្វើ​តេស្ត WLTP ដែល​តឹងរ៉ឹង​បំផុតជាង​មុន​ដែល​មាន​ជាទូទៅ​មាននៅក្នុងប្រទេស​អូស្ត្រាលី ចម្ងាយ​បើកបរ​ដែល​គេរំពឹងអាច​វាយតម្លៃ​បាន ការបើកបរមានចម្ងាយ​ជិត 320 គីឡូម៉ែត្រ ទៅនិង 420 គីឡូម៉ែត្រ រៀងគ្នា ដែល​អាច​ប្រកួតប្រជែង​ជាមួយចម្ងាយ WLTP 345 គីឡូម៉ែត្រ​របស់ BYD Atto 2។

ប្រព័ន្ធ​ផ្សព្វផ្សាយ​ចិន​បាន​ប៉ាន់ស្មាន​ថា វាមិន​ដូចម៉ូដែល C10 និង B10 ទេ A10 ដែល​ទំហំតូច​ជាង​នឹង​ប្រើប្រាស់​ប្រព័ន្ធ​បញ្ជូន​ថាមពល​បើកបរ​កង់​មុខ​(FWD) (front-wheel drive)។ ដូចគ្នា​នេះ​ដែរ ផ្នែក​ខាងក្នុង​នៃ A10 នៅតែ​ជា​ការ​សម្ងាត់ ប៉ុន្តែ​ដោយសារម៉ូដែល B10 និង C10 ​ការ​រចនា​ឡើង​ស្អាត និង​តិចតួច​បំផុត (minimalist design) ជាមួយ​នឹងប្រព័ន្ធ​ការ​គ្រប់គ្រង​រថយន្ត​ភាគច្រើន​ត្រូវ​បាន​បញ្ចូលក្នុងការ​ប្រើ​តាមរយៈ​អេក្រង់​ថាច់ស្គ្រីនកណ្តាល វា​ទំនងជា A10 នឹង​ប្រកាន់ខ្ជាប់​នូវ​ការ​រចនា​ស្រដៀង​គ្នានេះដែរ។

ខណៈ​ដែល Leapmotor A10 ត្រូវ​បាន​កំណត់​ថា​នឹង​ក្លាយជា​ម៉ូដែល​សកល ក្រុមហ៊ុន Leapmotor Australia មិន​អាច​បញ្ជាក់​បាន​ថា​តើ SUV compact ថ្មី​នេះ​ត្រូវ​បាន​ពិចារណា​សម្រាប់​នាំចូលប្រទេសអូស្ត្រាលី​ដែលឬ​អត់​នោះ​ទេ។

ទោះបីជា​រង្វាស់ប្រវែងតួរថយន្ត​មិនទាន់​ត្រូវ​បាន​ចេញ​ផ្សាយ​ក៏ដោយ A10 អាច​នឹង​ចូល​ទៅ​ក្នុង​ផ្នែកប្រភេទថយន្ត Light SUV របស់​ប្រទេសអូស្ត្រាលី ជាមួយ​នឹង​ប្រវែង​សរុប​ប្រហែលជា 4,200-4,300mm ដែល​អនុញ្ញាត​ឲ្យ​វា​ស្ថិតនៅ​ក្រោម B10 ដែល​មាន​ប្រវែង 4,515mm។ ម៉ូដែលនេះនិង​ធ្វើ​ឲ្យ​វា​ប្រកួតប្រជែង​ជាមួយ​ម៉ូដែល​ដូចជា BYD Atto 2 និង Jeep Avenger – ដែលជា​ម៉ូដែល​ក្រោយ​ ក៏​ត្រូវ​បាន​លក់​នៅក្នុងប្រទេស​អូស្ត្រាលី​ដោយ​អ្នកតំណាង​ចែកចាយ​របស់ Leapmotor គឺ Stellantis៕