Mazda បញ្ចេញរថយន្ត SUV ម៉ូដែល 2026 Mazda CX 5 ម៉ូដែល (បន្ត CX-50)
Admin, 16 November 2025
សំរាប់ចុចអានព័ត៌មានពីមុន https://www.arenacambodiaauto.com/news/mazda-suv-2026-mazda-cx-5-13
សំរាប់ចុចអានព័ត៌មានពីមុន https://www.arenacambodiaauto.com/news/mazda-suv-2026-mazda-cx-5-cx-5-17
ក្រុមហ៊ុន Mazda បានដាក់បង្ហាញ CX-50 compact ដែលជាជម្រើសរឹងមាំជាងម៉ូដែល CX-5 កាលពីឆ្នាំ 2023។ វាទើបតែបានដាក់បង្ហាញម៉ូដែលកូនកាត់ជាមួយនឹងប្រព័ន្ធបញ្ជូនថាមពលដែលបានមកពី ក្រុមហ៊ុនToyota សម្រាប់ឆ្នាំ 2025 ដូច្នេះម៉ូដែលមួយនេះរូបរាងទាំងមូលនៅតែស្រស់ស្អាត ហើយវាមានការផ្លាស់ប្តូរតិចតួចសម្រាប់ម៉ូដែលឆ្នាំ2026។
- រថយន្ត 2026 Mazda CX-50 2.5 S Preferred ដែលជាម៉ូដែលខ្ពស់ ដំបូលប្រភេទ panoramic moonroof ជាស្តង់ដារ
- ព្រមទាំងឧបករណ៍ចាប់សញ្ញាចតរថយន្តខាងមុខ និងខាងក្រោយ។
- ម៉ូដែល 2026 Mazda CX-50 2.5 S Meridian Edition ថ្មីបានមកដល់ឆ្នាំនេះជាមួយនឹងកង់ទំហំ 18 អ៊ីញ, សំបកកង់អាចបើកបរគ្រប់ស្ថានភាពផ្លូវ (all-terrain tires), និងបន្ទះដែក (Roof Rails) សងខាងលើដំបូលពណ៌ខ្មៅ។
- នៅខាងក្នុងកន្លែងអ្នកដំណើរបំពាក់មកជាមួយ កៅអីស្បែកសិប្បនិម្មិត សំរាប់ម៉ូដែល Meridian Edition ។
- Mazda ផ្តល់ជម្រើសផ្ទៃពណ៌ខាងក្រៅ Jet Black Mica, Polymetal Gray ឬ Zircon Sand។
- ផ្លាកសញ្ញាឡូហ្គូខាងក្រៅមានពណ៌ខ្មៅរលោង។
- ម៉ូដែល Preferred មានកម្រិតស្តង់ដាខ្ពស់ជាងម៉ូដែល Meridian Edition មួយកម្រិត ទទួលបានការកំណត់រចនាសម្ព័ន្ធពីរ។
- ជម្រើសទីមួយបំពាក់កង់ខ្មៅទំហំ 20 អ៊ីញ និងកៅអីស្បែកពណ៌ខ្មៅ។
- បើអ្នកជ្រើសរើសជម្រើសផ្ទៃក្នុងពណ៌ស Mazda បំពាក់កៅអីស្បែកពណ៌ស កង់ពណ៌ទឹកប្រាក់ទំហំ 20 អ៊ីញ និងបន្ទះដែក(Roof Rails)សង្ខាងលើដំបូលពណ៌ទឹកប្រាក់។
- Mazda ក៏បំពាក់ 2026 CX-50 2.5 S Premium ជាមួយនឹងកៅអីមុខមានខ្យល់ចេញចូល (ventilated front seats) កៅអីអ្នកដំណើរដែលអាចដំណើរការដោយប្រព័ន្ធអគ្គិសនីមាន 6មុខងារ កៅអីជួរមុខមានអង្គចងចាំ និងកញ្ចក់មើលក្រោយខាងក្នុងស្វ័យប្រវត្តិជាមួយនិង App HomeLink។
- ការអាប់ដេតផ្សេងទៀតសម្រាប់ឆ្នាំ 2026 រួមមានផ្លាកសញ្ញាឡូហ្គូពណ៌ខ្មៅរលោង និងបន្ទះដែកសង្ខាងលើកដំបូលសម្រាប់ CX-50 Turbo Meridian Edition និង CX-50 Turbo Premium Plus កម្រិតស្តង់ដាខ្ពស់។
- រថយន្ត 2026 Mazda CX-50 កម្រិតចុងក្រោយក៏អាចមានជម្រើសផ្ទៃក្នុងពណ៌សជាមួយនឹងយ៉ាន់កង់ពណ៌ទឹកប្រាក់ទំហំ 20 អ៊ីញ បន្ទះដែកសង្ខាងលើដំបូលពណ៌ទឹកប្រាក់ និងផ្លាកសញ្ញាឡូហ្គូខាងក្រៅស្រោបក្រូមេផងដែរ ៕
ប្រភព៖ United State
ប្រែសំរួល៖ Huot Soknal