រថយន្ត 2026 Mitsubishi Outlander Plug-In Hybrid Electric Vehicle (PHEV)ជាប្រភេទរថយន្តអគ្គិសនីបានមកដល់​ហើយ។

ក្រុមហ៊ុន Mitsubishi Motors Australia បាន​ប្រកាស​ថា Outlander PHEV 2026 នឹង​ផ្តល់​ការ​វាយតម្លៃ​រយ:ចម្ងាយ​ក្នុងការបើកបរ​ដោយថាមពលអគ្គិសនី​សុទ្ធ 103 គីឡូម៉ែត្រ ដោយ​ផ្អែក​លើ​ការតេស្ត NEDC ម៉ូដែលចាស់ ដែល​ជា​លទ្ធផល​នៃ​អាគុយ​លីចូម-អ៊ីយ៉ុង​ទំហំ 22.7  kWh ធំ​ជាង​មុន។

ការ​វាយតម្លៃ​នេះ​ប្រៀបធៀប​ទៅ​នឹង​រយ:ចម្ងាយ NEDC 84 គីឡូម៉ែត្រ​ដែល​បាន​ដកស្រង់​សម្រាប់​ម៉ូដែលពេលបច្ចុប្បន្ន  ដែល​មាន​ទំហំអាគុយ​តូច​ជាង 20 kWh អាចបើកបរបានរយ:ចម្ងាយ​​81 គីឡូម៉ែត្រ​សម្រាប់រថយន្ត BYD Sealion 6 Premium AWD 100 គីឡូម៉ែត្រ​សម្រាប់រថយន្ត GWM Haval H6 PHEV AWD និង76 គីឡូម៉ែត្រ​សម្រាប់ រថយន្ត​ Mazda CX-60 P50e AWD។ បើយោងតាម​ស្តង់ដារ​តេស្ត​របស់មន្ទីរពិសោធន៍ WLTP ថ្មី​ៗ​នេះ កំណែ​ចុងក្រោយ​ត្រូវ​បានគេ​វាយតម្លៃ​ជាមួយ​នឹង​ចម្ងាយ​បើកបរ​អគ្គិសនី​សុទ្ធរហូតដល់ 86 គីឡូម៉ែត្រ ដែល​ឆ្លុះបញ្ចាំង​ពី​លក្ខខណ្ឌ​បើកបរ​ជាក់ស្តែង​។

ដូច​ដែលបានបញ្ជាក់ជាផ្លូវការពីការ​ដាក់សម្ពោធរថយន្ត​ប្រភេទ Outlander PHEV ដែល​បាន​អាប់ដេត​​ថ្មីៗនេះត្រូវ​បាន​គេ​រំពឹង​ថា​នឹង​ធ្វើឡើង​នៅ​ខែ មករា ឆ្នាំ 2026 បន្ទាប់ពី​វា​ត្រូវ​បាន​គេ​រំពឹង​ថា​នឹង​មកដល់​ Showroom Mitsubishi ​នៅ​ចុង​ឆ្នាំ​នេះ។

ក្រុមហ៊ុន Mitsubishi Motors Australia បាន​ប្រកាស​ថាOutlander PHEV​ 2026 នឹង​ត្រូវ​បានបំពាក់​ក្នុង​ម៉ូដែល​ដែល​ធ្លាប់បាន​ស្គាល់ដូចជា ES, Aspire, Exceed និង Exceed Tourer។ ខណៈ​ដែល Mitsubishi មិន​អាច​វាយតំលៃ​លើ​ផែនការ​របស់​ខ្លួន​សម្រាប់ Outlander PHEV អោយលើស​ពីអ្វី​ក្រៅពី​ការ​ដាក់សម្ពោធឆ្នាំ 2026 លើម៉ូដែល GSR ។​​ អ្នក​នាំពាក្យ​ក្រុមហ៊ុន Mitsubishi Motors Australia បាន​និយាយ​អំពី​ម៉ូដែល 2026 នេះថា៖ "យើង​កំពុង​ចាប់ផ្តើម​ជាមួយ​នឹង​សេរី​ម៉ូដែល​ស្រដៀង​គ្នា​ទៅ​នឹង​ពេល​ដែល​យើង​បាន​ណែនាំ PHEV ជំនាន់​បច្ចុប្បន្ន [Outlander] ត្រឡប់​ទៅ​ឆ្នាំ 2022 ។ បន្ទាប់ពីយើងបានធ្វើការ​ស្វែងរក​ការ​បន្ថែម​ម៉ូដែល​ដើម្បីទទួលការ​គាំទ្រ​ម៉ូដែលជា​ស្នូលសំខាន់ គ្រប់ពេល​ការរផ្លាស់ប្តូរ​តាមរយៈ​​ម៉ូដែលជាច្រើន ដែលក្នុងនោះមានជាសេរី  Outlander Black Edition [ម៉ូដែល​សាំង] និង PHEV GSR"។ យើងក៏បាន​​បញ្ជាក់​ផែនការផងដែរ​ជាមួយប្រភេទ PHEV ដែល​បាន​អាប់ដេត​ទាន់​ពេល​វេលាផងដែរ។

លក្ខណៈ​ពិសេស​ថ្មី​សម្រាប់ PHEV ES បំពាក់មកជាមួយអេក្រង់​ព័ត៌មាន​កម្សាន្តថាច់ស្គ្រីន​​ ​ទំហំ 12.3 អ៊ីញ ធំ​ជាងមុន ប្រព័ន្ធសម្លេងម៉ាក Yamaha ចំនួន​ 8 ​គ្រាប់, Mitsubishi Connected Services, កាមេរ៉ា​តាមដាន​អ្នកបើកបរ កញ្ចក់​មើលក្រោយ​ដែល​អាចបន្សាភាពស្រអាប់​ដោយ​ស្វ័យប្រវត្តិ​គ្មាន​ស៊ុម (frameless auto-dimming rear-view mirror) និង​កាមេរ៉ា 360 ដឺក្រេ។

ម៉ូដែល Aspire នឹង​បំពាក់បន្ថែម​កៅអីអ្នកដំណើរចំនុះបាន7​នាក់​ (5+2) – ជំនួស​ឲ្យ​កៅអី​ប្រាំ​របស់​ម៉ូដែលចាស់​ ​និង​លក្ខណៈ​ពិសេស​ដែល​ពីមុន​បាន​កំណត់​ចំពោះម៉ូដែល Exceed និង Exceed Tourer ចង្កូតមានមុខងារ​កម្ដៅ ប្រព័ន្ធជំនួយ​រក្សា​គន្លង (lane-keep assist) និង​ប្រព័ន្ធជំនួយ​ពេលការ​កកស្ទះ​ចរាចរណ៍ (traffic jam assist)។

ទន្ទឹម​នឹង​នេះ Exceed និង Exceed Tourer បំពាក់មក​កៅអី​មុខ​មានរន្ធ​ខ្យល់​ចេញចូល កញ្ចក់​មើលក្រោយ​ឌីជីថល (digital rear-view mirror) និង​​ឈ្នាន់ហ្វ្រាំង​និង​ហ្គៀរប្រភេទ​អាលុយមីញ៉ូម កៅអីបំពាក់មកជាមួយ​នឹង​ស្បែក​ពណ៌​ខ្មៅ ឬ​ពណ៌​ប្រផេះ​សម្រាប់ម៉ូដែល Exceed និង​ស្បែក semi-aniline ពណ៌ 'brick brown' សម្រាប់ Exceed Tourer។

ម៉ូដែល Exceed Tourer បំពាក់ជាមួយប្រព័ន្ធសម្លេង Yamaha Ultimate 12គ្រាប់ ​ផង​ដែរ ដោយ​ជំនួស​លើផលិតផលម៉ាក Bose 9​គ្រាប់ដែលមានស្រាប់នៅ​លើ​ម៉ូដែលនាពេល​បច្ចុប្បន្ននេះ៕