​​        ប្រភេទម៉ូតូបែបផ្សងព្រេងរបស់ Morbidelli នៅតែបន្តរីកចម្រើន ដោយក្រុមហ៊ុនដែល​គ្រប់គ្រងដោយជនជាតិចិនមួយនេះបានដាក់បង្ហាញម៉ូតូ T502 XR ថ្មីរបស់ខ្លួននៅក្នុងព្រឹត្តការណ៏ពិព័រណ៍ EICMA 2025។

ម៉ូតូ T502 XR ថ្មីនេះត្រូវបានកំណត់ថា នឹងដាក់ទីតាំងនៅក្នុងប្រទេសអ៊ីតាលី និងអេស្ប៉ាញ​នៅក្នុងឆមាសទីមួយនៃឆ្នាំ 2026 មុនពេលទៅដល់តំបន់អឺរ៉ុបមួយចំនួនផ្សេងទៀត និង​ទីផ្សារសកលផ្សេងទៀតឆាប់ៗបន្ទាប់ពីតំបន់អឺរ៉ុប។

ម៉ូតូ T502​ XR ប្រើប្រាស់ម៉ាស៊ីនពីរស៊ីឡាំង ដោយប្រព័ន្ធទឹកស្អំត្រជាក់ ទំហំកម្លាំងម៉ាស៊ីន 486cc ដែលផ្តល់កម្លាំង 46.3 bhp @8,500rpm និងកម្លាំងបង្វិល 44.8 Nm @6,750 rpm។ ថាមពលនេះត្រូវបានបំពាក់ជាមួយប្រអប់លេខ 6 វគ្គ និងចង្កឹះលេខ (slipper clutch) ខណៈដែលទម្ងន់ (curb weight) របស់ម៉ូតូនេះគឺ 198kg ។​ម៉ូដែលថ្មីនេះប្រភេទម៉ូតូធ្វើដំណើរឆ្ពោះ បែប Enduro និងបែបផ្សងព្រេងគ្មានដែនកំណត់ ដែលរចនាឡើងសម្រាប់តុល្យភាព 50 ភាគរយ ជិះលើផ្លូវ និង 50 ភាគរយ ជិះOff-road នេះបើយោងតាមអ្នកនាំពាក្យក្រុមហ៊ុន Morbidelli។ ទោះជាយ៉ាងណាក៏ដោយ កង់មុខវាមាន ទំហំ ​21អ៊ីញ និងកង់ក្រោយមានទំហំ​18អ៊ីញ របស់វា អាចបង្ហាញថាវាកាន់តែពេញចិត្តចំពោះការជិះបែប​ Off-road បន្តិច។ ប្រភេទកង់ (spoked wheels) មិនប្រើពោះវៀន ត្រូវបានបំពាក់មក​ជាមួយសំបកកង់ CST ដែលមានសំបកកង់ក្រាស់សម្រាប់កម្លាំងអូសទាញខ្លាំងលើផ្លូវដី។

សម្រាប់ប្រព័ន្ធជើងក្រោម (Suspension) គឺបំពាក់ជាមួយឧបករណ៏បូម (forks) និង​តេឡេស្កូបបត់ត្រឡប់ (upside-down telescopic forks) ទំហំ 41mm មុខកាត់ 200 mm នៃការធ្វើដំណើរ ដែលធំជាងម៉ូដែល T502​ X ទំហំ20mm។ នៅខាងក្រោយ គឺបំពាក់មកជាមួយប្រព័ន្ធ Pro-link mono-shock ដែលមានទំហំ 69mm នៃការធ្វើដំណើរ។ កម្ពស់ពីដីមកបាតក្រោម (Ground clearance) មានកម្ពស់​ 230 mm ខណៈដែលកម្ពស់មកដល់កៅអីត្រូវបានកំណត់ត្រឹម 860mm ដែលក៏ខ្ពស់ជាងម៉ូដែល T502X ដែលមានកម្ពស់ត្រឹមតែ​ 830mm។​

ប្រព័ន្ធហ្វ្រាំងត្រូវបានផលិតដោយក្រុមហ៊ុន J.Juan ជាមួយនឹង floating disc ទំហំ 320mm ដែលបំពាក់ដោយកាលីព័រស៊ីឡាំង​ចំនួន-4 (4-piston calipers)នៅខាងមុខ។ ផ្នែកខាងក្រោយទទួលបានហ្វ្រាំងឌីសតែមួយទំហំ 240mm ដែលត្រូវបានបំពាក់ជាមួយ​នឹងកាលីព័រស៊ីឡាំងតែមួយរបស់ J.Juan។ ម៉ូតូ T502 XR ក៏ទទួលបានប្រព័ន្ធហ្វ្រាំង Bosch ABS ដែលអាចត្រូវបានបិទដំណើរការនៅខាងក្រោយ ឬបិទទាំងស្រុង។ អេក្រង់ប្រភេទ TFT ទំហំ 7​អ៊ីញ  អាចប្រព័ន្ធភ្ជាប់ទំនាក់ទំនង និងប្រព័ន្ធរុករក(ប្រព័ន្ធប្រាប់ទិសដៅ) ខណៈដែលម៉ូតូនេះភ្ជាប់មកជាមួយមុខងារកម្តៅនឹងដៃចង្កូតស្តង់ដារ (heated grips) និងកៅអីក៏មានមុខងារកម្តៅ (heated seat)ផងដែរ។

ម៉ូតូ T502XR ក៏ណែនាំប្រព័ន្ធ Electronic Throttle Control (ETC) ផងដែរ ហើយមានមុខងារការបើកបរមានចំនួន 4ប្រភេទ (Standard, Rainy, Sport, Off-Road)។^​របៀប Off-Road គឺ "បង្កើនប្រសិទ្ធភាពនៃការបញ្ជូនថាមពលសម្រាប់ផ្ទៃរអិល និងអនុញ្ញាតឱ្យមានការគ្រប់គ្រងយ៉ាងជាក់លាក់លើជំនួយអ្នកធ្វើដំណើរ" នេះបើយោងតាមអ្នកនាំពាក្យ​ក្រុមហ៊ុន Morbidelli។

ម៉ូដែល T502XR ថ្មីនេះរបស់ក្រុមហ៊ុន Morbidelli ទំនងជាគូប្រកួត​ប្រជែងផ្ទាល់ទៅ​នឹងម៉ូតូដូចជា Voge DS525X និង QJMotor SRT 600 S។

Morbidelli T502XR Specs