ក្រុមហ៊ុន Moto Morini ត្រូវបានដាក់បង្ហាញម៉ូដែល Rumble bobber
Admin, 20 November 2025
កាលពីឆ្នាំ 1965 អ្នកស្រី Jackie DeShannon បានច្រៀងបត់ចំរៀងមួយដែលទាក់ទងនិងប្រភេទ Moto Morini ថា៖ "អ្វីដែលពិភពលោកត្រូវការឥឡូវនេះគឺ... ម៉ូតូ bobber ទំហំ 350cc ដែលផលិតនៅប្រទេសចិនកាន់តែច្រើន"។ នោះមិនមែនជាអ្វីដែលអ្នកស្រីច្រៀងពិតប្រាកដនោះទេ ប៉ុន្តែប្រសិនបើអ្នកស្រីច្រៀងមែន ម៉ាកយីហោអ៊ីតាលី Moto Morini ដែលជាកម្មសិទ្ធិរបស់ចិននឹងបំពេញបំណងប្រាថ្នារបស់អ្នកស្រីជាមួយនឹងម៉ូតូ V-twin តូចនេះ គឺម៉ូដែល Rumble ថ្មី។
ម៉ូតូ Rumble ត្រូវបានក្រុមហ៊ុន Moto Morini ពណ៌នាថាជា "ផ្នែកតិចតួចបំផុតដែលបានរក្សាបែបសម័យមុន ហើយឥឡូវវាត្រូវបានគេរចនាឡើងវិញជាមួយនឹងភាពទំនើប" វាដំណើរការដោយម៉ាស៊ីន V-twin 60 ដឺក្រេ ជាមួយទឹកស្អំត្រជាក់(liquid-cool) កំលាំង 350cc ដែលយើងសន្មត់ថាជាម៉ាស៊ីនដូចគ្នាដែលមានក្នុង Moto Morini 3 ½ Sport ដែលត្រូវបានប្រកាសថ្មីៗនេះ។
ក្នុងការប្រើប្រាស់នេះ ម៉ាស៊ីនបំពាក់មកជាមួយថាមពលកំពូល 32 សេះ @ 8,500rpm និងកម្លាំងបង្វិល 29 N.m @ 5,500 rpm ដែលជាតួលេខដូចគ្នាទៅនិង Motor Morini 3 ½ Sport ផងដែរ។ តាមការផ្សព្វផ្សាយព័ត៌មានដែលបានផ្សាយថា វាមានលក្ខណ:ស៊ីជម្រៅបន្តិចដែលថា៖ "គំនិតភាពច្នៃប្រឌិតសោភ័ណភាពរបស់វាគឺរំលឹកទៅដើមសតវត្សរ៍ទី 20 [Rumble] ត្រូវបានបង្កើនដោយជាលក្ខណ:រូបរាងធំ និងបែបបុរាណ ដែលជារចនាបទសំរាប់ការថតខ្សែភាពយន្តបែបAction។ ដូចទៅនឹងម៉ូដែល Moto Morini ផ្សេងទៀតមួយចំនួនផងដែរ Rumble អះអាងថាវាមានបំពាក់មកជាមួយ "ប្រព័ន្ធរុករករួមបញ្ចូលគ្នា" ដែលវាអាចធ្វើឲ្យយើងមានការភាន់ច្រឡំបន្តិចវាជាប្រព័ន្ធដែលដំណើរការចេញពីទូរស័ព្ទរបស់អ្នកតាមរយៈកម្មវិធី ឬជា GPS ឯករាជ្យដែលអ្នកធ្លាប់ឃើញវានៅក្នុងម៉ូដែលកម្រិតខ្ពស់ដូចជាក្រុមហ៊ុន BMW និង Harley-Davidson ជាដើម នោះមិនទាន់ត្រូវបានគេដឹងថា ប្រព័ន្ធដំណើរការរបស់វាអាចជាការតភ្ជាប់ជាមួយ Bluetooth និង turn-by-turn តាមរយៈស្មាតហ្វូនរបស់អ្នកឬទេ?។
Moto Morini បាននិយាយថា៖ "Rumble គឺជាដៃគូដ៏ល្អសម្រាប់អ្នកដែលចង់ធ្វើដំណើរជុំវិញទីក្រុង និងរីករាយជាមួយការធ្វើដំណើរលើដងផ្លូវដែលមានទេសភាពស្រស់ស្អាតបំផុត"។ "ក្នុងយុគសម័យដែលម៉ូតូតំណាងឲ្យសេរីភាព Rumble ក្លាយជារូបតំណាងនៃយុគសម័យថ្មី៖ មិនមែនត្រឹមតែជាមធ្យោបាយធ្វើដំណើរនោះទេ ប៉ុន្តែជាបទពិសោធន៍ពិតនៃរចនាប័ទ និងការផ្សងព្រេង"។
វាមិនច្បាស់ថាតើ Rumble នឹងមកដល់ចក្រភពអង់គ្លេសនៅពេលណា ឬអត់នោះទេ។ យីហោនេះបានជួបការរអាក់រអួលបន្តិចថ្មីៗនេះនៅពេលដែលខ្លួនបាន បាត់បង់អ្នកចែកចាយ របស់ខ្លួននៅចក្រភពអង់គ្លេស អៀរឡង់ បែលហ្ស៊ិក ហូឡង់ លុចសំបួរ អាល្លឺម៉ង់ និងអូទ្រីស។ យើងសន្មត់ថាអ្នកនាំចូល/អ្នកចែកចាយផ្សេងទៀតនឹងបន្តកាន់បដា Moto Morini ទៅមុខនៅឆ្នាំ 2026 ប៉ុន្តែបច្ចុប្បន្ននេះមិនទាន់ច្បាស់ថាជាអ្នកណានៅឡើយទេ។
2026 Moto Morini Rumble specs
ENGINE | 50.3cc liquid-cooled 60-degree V-twin |
POWER | 32 bhp @ 8500 rpm |
TORQUE | 22 lb-ft (29 N.m) @ 5500 rpm |
TOP SPEED | 87 mph |
SEAT HEIGHT | 740 mm |
DRY WEIGHT | 177 kg |
FUEL CAPACITY | 14.5 litres |
ប្រភព៖ UK. News
ប្រែសំរួល៖ AC Motors