រថយន្តភីកអាប់ថ្មីរបស់ Nissan មានលក្ខណៈពិសេសតាំងពីទសវត្សរ៍ ៨០ នៅក្នុង…..
Admin, 22 November 2025
នៅសហរដ្ឋអាមេរិក រថយន្តភីកអាប់ទំហំមធ្យមដូចជា Ford Ranger និង Toyota Hilux បានគ្រប់គ្រងទីផ្សាររថយន្តភីកអាប់។ នៅអឺរ៉ុប និងអូស្ត្រាលី រថយន្តភីកអាប់វាមានទំហំតូចជាង ពួកវាស័ក្តិសមជាងសម្រាប់ផ្លូវតូចចង្អៀត និងនៅទីក្រុងដែលមានមនុស្សកកកុញ។ លើសពីនេះ យានយន្តទាំងនេះនៅតែមានសមត្ថភាពផ្ទុកឬដឹកទំនិញ និងអូសសណ្តោងបានច្រើនដើម្បីបំពេញការងារ។
ឥឡូវនេះ ក្រុមហ៊ុន Nissan កំពុងដាក់លក់រថយន្តភីកអាប់ទំហំមធ្យម Navara ជំនាន់ចុងក្រោយរបស់ខ្លួននៅទីផ្សារអូស្ត្រាលី។រថយន្តមួយនេះមានប្រវត្តិយូរអង្វែងនៅទីនោះ តាំងពីទសវត្សរ៍ឆ្នាំ1980 ជាមួយ Local version នៃរថយន្តភីកអាប់ D21-series និងដែលគេស្គាល់ថា Hardbody នៅសហរដ្ឋអាមេរិក។ នៅពេលដែលម៉ូដែលថ្មីនេះដាក់លក់នៅទីផ្សារអូស្ត្រាលីក្នុងត្រីមាសទីមួយឆ្នាំ 2026 វាត្រូវនឹងខួប 40 ឆ្នាំនៃម៉ូដែលនេះក្នុងប្រទេសមួយនេះ។
រថយន្ត Navara មានតែជាមួយសេរីម៉ាស៊ីនម៉ាស៊ូតទួរប៊ីន 2.4លីត្រ បួនស៊ីឡាំង (2.4liter four- cylinder turbodiesel) ដែលផលិតកម្លាំងបាន 201 សេះ និងកម្លាំងបង្វិល 470Nm ។ វាភ្ជាប់ទៅនឹងប្រអប់លេខអូតូ ៦ វគ្គល្បឿន។ Nissan និយាយថារថយន្តនេះមានប្រព័ន្ធ "Easy 4WD" ដែលប្តូរដោយស្វ័យប្រវត្តិរវាងការបើកបរកង់ក្រោយ (RWD) និងកង់បួន (4WD) អាស្រ័យលើលក្ខខណ្ឌ។ ឌីផេរ៉ង់ស្យែលក្រោយចាក់សោអេឡិចត្រូនិចក៏ជាស្តង់ដារផងដែរ។ ម៉ូដែល ST-X និង Pro4-X ទទួលបានប្រព័ន្ធ "Super 4WD" ដែលមានប្រព័ន្ធបើកបរកង់បួនជួរខ្ពស់ពេញ (full-time high-range four-wheel drive) និងឌីផេរ៉ង់ស្យែល Torsen limited-slip។ រថយន្តភីកអាប់ឥឡូវនេះមានចង្កូតអគ្គិសនី (electric power steering) ជំនួសឲ្យការរៀបចំ hydraulically assisted setup បែបបុរាណ។ គ្រប់ម៉ូដែលទាំងអស់នៃរថយន្តថ្មីនេះផ្តល់សមត្ថភាពបន្ទុកសណ្តោង 3,499kg ដែលដូចគ្នាទៅនឹងម៉ូដែលបច្ចុប្បន្នដែរ។
Navara ថ្មីនេះប្រើRenault-Nissan-Mitsubishi Alliance ដែលចែករំលែកជាមួយ Mitsubishi Triton L200 រថយន្តភីកអាប់នេះទទួលបានការជឿជាក់សម្រាប់ទីផ្សារអូស្ត្រាលី។ ក្រុមហ៊ុនវិស្វកម្ម Premcar បានអភិវឌ្ឍប្រព័ន្ធជើងក្រោមឲ្យសមនឹងលក្ខខណ្ឌក្នុងស្រុក។ ការងារនេះរួមបញ្ចូលការអភិវឌ្ឍលើផ្លូវប្រហែល 18,024km។ លោក Andrew Humberstone នាយកគ្រប់គ្រងក្រុមហ៊ុន Nissan Oceania និយាយថាកម្មវិធីអភិវឌ្ឍន៍ប្រព័ន្ធជើងក្រោម"តំណាងឲ្យគម្រោងវិស្វកម្មដ៏ទូលំទូលាយបំផុតមួយដែលបានអនុវត្តដោយ Nissan នៅទីនេះក្នុងប្រទេសអូស្ត្រាលី"។
រថយន្ត Navara ថ្មីនេះមើលទៅមិនខុសគ្នាខ្លាំងពីម៉ូដែលមុនៗទេ។ វាមានរបាំងមុខ(បន្ទះប៉ាណា)ដែលបានរចនាឡើងវិញជាមួយនឹងរន្ធចូលរាងចតុកោណតូចចង្អៀត ស្រដៀងទៅនឹងរថយន្តភីកអាប់ Hardbody ទសវត្សរ៍ 1980។ ឥឡូវនេះមានភ្លើងមុខចែកជាផ្នែក រវាង Head light ជាមួយនឹង narrow running light នៅក្រោមគម្របមុខ ជាមួយនឹង main units នៅខាងក្រោមពួកវា។ ផ្នែកការពារកង់ (fender flares) រាងបួនជ្រុងផ្តល់ឲ្យរថយន្តមានរូបរាងរឹងមាំ។ ម៉ូដែល Pro-4X សេរីខ្ពស់ ទទួលបានការតុបតែងជាពិសេស រួមមាន Lava Red accents, របារស្ព័រពណ៌ខ្មៅរវាងកាប៊ីន និងឃ្លុបផ្ទុកទំនិញ, កង់ទំហំ 17 អ៊ីញ, សំបកកង់គ្រប់ស្ថានភាពផ្លូវ, និងទំពក់សំរាប់អូសសណ្តោង។
ក្រុមហ៊ុន Nissan ធ្លាប់ផ្តល់ជម្រើសសេរី Navara ជាច្រើនប្រភេទ ទោះជាយ៉ាងណា ក្រុមហ៊ុនបានរកឃើញថា 90% នៃអតិថិជនបានទិញជំនាន់មុនជាមួយនឹងតួ double-cab និងប្រអប់លេខអូតូ។ ដូចនេះក្រុមហ៊ុនបានសម្រេចចិត្តកំណត់បំពាក់ការរចនាទាំងនេះសម្រាប់ម៉ូដែលថ្មីមួយនេះ។
នៅផ្នែកខាងក្នុង Navara ថ្មីមួយនេះមានអេក្រង់តាប្លូទំហំ 7.0 អ៊ីញ (ផ្ទាំងកុងទ័រ) និងអេក្រង់ ព័ត៌មានកម្សាន្តទំហំ 9.0 អ៊ីញ ដែលមានបំពាក់ជាមួយ Android Auto និង Apple CarPlay។ ម៉ូដែល ST-X និង Pro-4X ក៏ទទួលបានបន្ទះសាកថ្មទូរស័ព្ទផងដែរ។ បច្ចេកវិទ្យាសុវត្ថិភាពរួមមាន ប្រព័ន្ធជំនួយគន្លងសង្គ្រោះបន្ទាន់ (emergency lane assist), ប្រព័ន្ធកំណត់ការសម្គាល់សញ្ញាចរាចរណ៍, ប្រព័ន្ធការព្រមានចាកចេញពីគន្លង, blind spot warning, ការជូនដំណឹងចរាចរណ៍ឆ្លងកាត់ខាងមុខ និងខាងក្រោយ, និងhigh beam assist។ Nissan ក៏នឹងផ្តល់គ្រឿងបន្លាស់ឬគ្រឿងតុបតែងរថយន្តយ៉ាងទូលំទូលាយសម្រាប់អតិថិជនដែលចង់កែច្នៃរតាមបំណង Navara ម៉ូដែលថ្មីរបស់ពួកគេ។ ពួកវារួមមានគ្រឿងបំពាក់លេងដើម្បីការពារតួរថយន្តពេលបើកបរOff-road, ប្រអប់បន្ទះការពារនិងគ្រប់គ្រងទំនិញសម្រាប់ឃ្លុបផ្ទុកទំនិញ, និងគ្រឿងបន្លាស់ផ្សេងទៀតជាច្រើន។
ក្រុមហ៊ុន Nissan មិនទាន់ប្រកាសព័ត៌មានលម្អិតអំពីតម្លៃពេញលេញ ឬលក្ខណៈពិសេសតាមម៉ូដែលសម្រាប់រថយន្តនេះនៅឡើយទេ។ ក្រុមហ៊ុនគ្រោងនឹងចេញផ្សាយព័ត៌មាននេះនៅពេលដែលរថយន្តជិតដាក់លក់ក្នុងត្រីមាសទីមួយឆ្នាំ 2026ខាងមុខនេះ៕
ប្រភព៖ United State News.
ប្រែសំរួល៖ Chea SokNang (AC Auto)