ក្រៅពីការដាក់បង្ហាញម៉ូតូស៊េរីថ្មីរបស់ខ្លួននៅចក្រភពអង់គ្លេសក្នុងពិព័រណ៍ MCL ក្រុមហ៊ុន Norton បានបញ្ជាក់ពីការផ្តល់ជូននូវ ការធានាថ្មីរយៈពេលបីឆ្នាំដោយគ្មានកំណត់គីឡូម៉ែត្រ (unlimited mileage warranty)។

ម៉ូតូរបស់ក្រុមហ៊ុន Norton ដែលត្រូវបានគេឃើញជាលើកដំបូងនៅព្រឹត្តការណ៏ EICMA ហើយឥឡូវនេះនៅវានៅក្នុងព្រឹត្តការណ៏ MCL វិញម្តង​ ការរស់ឡើងវិញរបស់ Norton បានផ្តល់ឱ្យយើងនូវម៉ូដែលថ្មីចំនួនបួន ក្នុងនោះរួមមានម៉ូតូ Norton Manx R superbike ដែលបំពាក់មកជាមួយម៉ាស៊ីន​ V4 កម្លាំង1,200cc  និងកម្លាំងថាមពល 206​hp របស់វា។ Norton ក៏បានបង្ហាញម៉ូដែល Manx super naked រួមជាមួយនឹងម៉ូដែលផ្សងព្រេង Atlas និង Atlas GT ផងដែរ។

គ្មាននរណាម្នាក់អាចបដិសេធបានទេថា ការរស់ឡើងវិញរបស់ Norton ត្រូវបានស្វាគមន៍​ដោយម​នុស្សជាច្រើន ប៉ុន្តែឥឡូវនេះ អតិថិជនជាច្រើនដែលចង់ជិះម៉ូតូទាំងនេះ​នៅពេលដែល​ពួ​​ក​វាត្រូវបានចែកចាយជាផ្លូវការនៅតាមហាងលក់នានា ទាំងអស់​នេះនឹងអាចធ្វើអោយ​អតិថិជន មាន ភាពស្ងប់ចិត្តកាន់តែខ្លាំងឡើង។ នោះគឺសេចក្តីប្រកាស់​ដោយក្រុមហ៊ុន TVS ម្ចាស់ម៉ាកយីហោនេះផ្ទាល់ បានប្រកាសពីការធានារយៈពេល 36-ខែ (បីឆ្នាំ) ដោយ គ្មានកំណត់​​​គីឡូម៉ែត្រ នៅក្នុង​ព្រឹត្តការណ៏ MCL ។ បន្ថែមពីលើការធានាស្តង់ដារ អតិថិជនក៏អាចជ្រើសរើសកញ្ចប់សេវា​ធានាបន្ថែមផងដែរ។ សេវាកម្ម ជួសជុល​ជំនួយនៅតាមដងផ្លូវដ៏ងាយស្រួល (Roadside Assistance - RSA) របស់ Norton គឺមានសម្រាប់អតិថិជនក្នុងអំឡុងពេលធានារយៈពេលបីឆ្នាំ រួមបញ្ចូលទាំងការចូលទទួល​សេវាកម្ម នៅតាមដងផ្លូ​វដែលមានសេវាលើ ​24ម៉ោង/1សប្តាហ៍។

ក្រុមហ៊ុន Norton ក៏បាននិយាយផងដែរថា ខ្លួននឹងផ្តល់សេវាកម្មរបស់ខ្លួនដែលត្រូវបានរៀបចំ​ឡើងតាមទម្រង់តំរូវការរបស់អតិថិជន និងប្រភេទម៉ូដែល ហើយនឹងមាន "ការប្រាស្រ័យទាក់ទងគ្នាប្រកបដោយតម្លាភាព និងការអាប់ដេតតាមពេលវេលាជាក់ស្តែង"។ អ្នកជិះក៏អាចស្នើសុំជំនួយ រួមទាំងលទ្ធភាពចូលប្រើសេវាកម្មតាមដាន និងគ្រប់គ្រងផែនការ​តាមរយៈ Norton app។

លោក Mainak Nandi ជា​Global Director នៃផ្នែក Aftersales Ownership Experience នៅ Norton បាននិយាយអំពីគម្រោងធានាគ្មានដែនកំណត់គីឡូម៉ែត្រថ្មីនេះថា៖

"សេវាកម្ម និង dedication គឺជាបទពិសោធន៍ភាពជាម្ចាស់ ដែលស្ថិតនៅកណ្តាលនៃ​យុទ្ធសាស្ត្រ​​ការរស់ឡើងវិញរបស់យើង។ ខណៈដែលផលិតផលថ្មី និងយុទ្ធសាស្ត្រថ្មី​នៃម៉ាកយីហោមួយនេះ និងអាជីវកម្មដែលបានអាប់ដេតជំរុញអោយមានការរស់ឡើងវិញ វាគឺជាបទពិសោធន៍ និងសេវាកម្មដែលនឹងត្រូវតែបន្តដំណើរ សម្រាប់អតិថិជន​របស់យើង។

"ការងាររបស់យើងគឺក្រើនរំលឹកដល់ម្ចាស់ម៉ូតូ Norton​ទាំងអស់ នៅគ្រប់កន្លែងទាំងអស់ថា នេះគឺជាអ្វីដែល​លើសពី​អាជីវកម្ម ឬសូម្បីតែម៉ាកយីហោ យើងគឺជាដៃគូ​ពិសេសនៅក្នុង​បទពិសោធន៍​ ​ក្នុ​ង​​ភាពជាអ្នកទទួលខុសត្រូវ។ យើងនៅទីនេះដើម្បីលើកកម្ពស់ បណ្តុះបណ្តាល និងរកដោះស្រាយគ្រប់​ទិដ្ឋភាពទាំងអស់ក្នុងបទពិសោធន៍​ភាពជាម្ចាស់ផលិត និងតាមរយៈសេវាកម្មដោយមិនអាចមានភាពរង្គោះរង្គើ ដែលយើងបានប្តេជ្ញាចិត្ត តែមួយគត់​នៅក្នុងឧស្សាហកម្មនេះ។ យើងរីករាយក្នុងការចែករំលែករឿងនេះនៅទីនេះក្នុងព្រឹត្តការណ៏ពិព័រណ៍ MCL – ដែលជាការតាំងបង្ហាញម៉ូតូដ៏ល្អបំផុតរបស់ចក្រភពអង់គ្លេស។"

ក្រៅពីការធានារយៈពេល 36-ខែជាស្តង់ដា ដែលចំពោះបាននៅលើតែម៉ូតូ Norton ថ្មីទាំងអស់ ហើយក៏មានការ​ធានា 24-ខែ សម្រាប់គ្រឿងបន្លាស់ និងសម្ភារៈពិតប្រាកដរបស់ Norton ផងដែរ៕