ការប្រកួតប្រជែងសមត្ថភាពរថយន្ត Off-Road ៖ 2026 Jeep Wrangler Moab 392 Vs 2026 Ford Bronco Raptor
Admin, 29 November 2025
ក្រុមហ៊ុន Jeep បានដាក់ផែនការក្នុង airdrop ចំពោះម៉ូដែល 2026 Wrangler ថ្មីមួយរៀងរាល់ខែក្នុងឆ្នាំនេះ ដើម្បីអបអរសាទរខួបទី 85 ឆ្នាំរបស់ខ្លួន។ ក្នុង airdrop លើកទីមួយគឺ៖ Jeep Wrangler Moab 392។ លេខ “392” តំណាងឲ្យទំហំ cubic inch displacement នៃម៉ាស៊ីន Hemi V8 6.4 លីត្រ របស់ Stellantis។
ការដាក់បង្ហាញ Jeep Wrangler Moab 392 បានបញ្ជាក់ថា Hemi V8 នឹងត្រឡប់មកក្នុងខ្សែស្រឡាយម៉ូដែល Wrangler វិញសម្រាប់ម៉ូដែល ឆ្នាំ2026។ផែនការដំបូងកាលពីឆ្នាំ 2024 Wrangler មិនត្រូវបានបំពាក់ម៉ាស៊ីន Hemi V8 ទោះបីជា Jeep បានអនុញ្ញាតឲ្យម៉ូដែល Wrangler Rubicon 392 ចុងក្រោយនៅតែបន្តរហូតដល់ម៉ូដែល ឆ្នាំ2025 ។ នៅក្នុងរដ្ឋបាលលោក Trump បាន លុបចោលការពិន័យយ៉ាងមានប្រសិទ្ធភាព សម្រាប់ក្រុមហ៊ុនផលិតរថយន្តដែលបរាជ័យក្នុងការបំពាក់ស្តង់ដារ CAFE (Corporate Average Fuel Economy) របស់សហរដ្ឋអាមេរិក – ដែលជាច្បាប់បង្ខំឲ្យ Stellantis ត្រូវបោះបង់ម៉ាស៊ីន Hemi V8។ វាមិនគួរឲ្យភ្ញាក់ផ្អើលទេ ដែលក្រុមហ៊ុន Ram, Jeep, និង Dodge កំពុង នាំយកម៉ាស៊ីន V8 ដ៏ពេញនិយមនេះត្រឡប់មកវិញ។
ការវិលត្រឡប់មកវិញនៃ Wrangler Moab 392 ក៏មានន័យថា Jeep នឹងមិនចុះចាញ់តំណែងរថយន្តOff-road កំពូលទៅឲ្យ Ford Bronco Raptor ដោយគ្មានការប្រកួតប្រជែងឡើយ។ Jeep Wrangler Moab 392 គឺជាគូប្រជែងដែលមានសមត្ថភាព Off-road ពេញលេញ និងមានកម្លាំងខ្លាំងមិនគួរឲ្យជឿ។ ហើយដោយសារ Bronco កំពុងតាមពីក្រោយចំនួនការលក់របស់ Wrangler វាជារឿងសំខាន់សម្រាប់ Jeep ដែលមិនត្រូវចុះចាញ់ក្នុងសមរភូមិណាមួយនេះឡើយ។ នេះជាអ្វីដែលអ្នកត្រូវដឹងអំពីភាពស្រដៀងគ្នា និងភាពខុសគ្នារវាងយានយន្តទាំងពីរ។
កម្លាំងថាមពល(Powertrains)
| ម៉ូដែល | Jeep Wrangler Moab 392 | Ford Bronco Raptor |
| ម៉ាស៊ីន | 6.4-liter V8 | Twin-turbocharged 3.0-liter V6 |
| ប្រអប់លេខ | 8-speed automatic | 10-speed automatic |
| កម្លាំងសេះ | 470 hp | 418 hp |
| កម្លាំងបង្វិល | 470 lb-ft (637 N.m) | 440 lb-ft (596 N.m) |
| 0–60 ម៉ាយល៍/ម៉ោង | 4.5 វិនាទី (Jeep) | 5.6 វិនាទី (Car and Driver) |
| សមត្ថភាពអូស | 1,587Kg | 2,041Kg |
Jeep Wrangler Moab 392 និង Ford Bronco Raptor ប្រើប្រាស់វិធីសាស្ត្រខុសគ្នាក្នុងការបង្កើតកម្លាំងថាមពលលើសពី 400 សេះ។
- Wrangler Moab 392 គឺជារថយន្តដែលមានកម្លាំងខ្លាំងជាង។ វាប្រើម៉ាស៊ីន Hemi V8 6.4 លីត្រដែលបឺតខ្យល់ដោយធម្មជាតិជាមួយប្រអប់លេខអូតូ 8 វគ្គល្បឿន។ ដែលអាចបង្កើតកម្លាំងថាមពល470 សេះ (កម្លាំងលើស 95 សេះ ពីលើម៉ូដែលWrangler 4xe PHEV) និងកម្លាំងបង្វិល 470 ផោន-ហ្វីត (637 N.m) (ដូចគ្នានឹង Wrangler 4xe)។
- ផ្ទុយទៅវិញ Ford ពឹងផ្អែកលើម៉ាស៊ីនទួរប៊ីនសាកថ្ម (Turbochargers) ដោយប្រើម៉ាស៊ីន V6 twin-turbo 3.0លីត្រ – តូចជាងពាក់កណ្តាលនៃទំហំម៉ាស៊ីន Jeep – ជាមួយប្រអប់លេខអូតូ 10 វគ្គល្បឿន ដើម្បីបង្កើតកម្លាំង 418 សេះ និងកម្លាំងបង្វិល 440ផោន-ហ្វីត( 596 N.m)។ ហើយនេះ Ford Brono Raptor V6 twin-turbo 3.0 មានកម្លាំងថាមពលលើសដល់ 88 សេះ និងកម្លាំងបង្វិល 25 ផោន-ហ្វីត(33 N.m) ច្រើនជាង Bronco Raptor ម៉ាស៊ីនV6 2.7 លីត្រធម្មតា។
Jeep Wrangler Moab 392 លឿនជាង Ford Bronco Raptor។ Jeep អាចកំណត់ពេលវេលាក្នុងការបង្កើនល្បឿនចាប់ពី 0-96 Km ក្នុងមួយម៉ោងជាផ្លូវការប្រើរយ:ត្រឹមតែ 4.5 វិនាទី។ Ford មិនផ្តល់ពេលវេលាសម្រាប់ Bronco Raptor ទេ ប៉ុន្តែ Car and Driver បានវាស់វាត្រឹមរយ:ពេល 5.6 វិនាទី។ ទោះជាយ៉ាងណា Bronco Raptor មានភាពលេចធ្លោជាង Wrangler ក្នុងសមត្ថភាពអូសណ្តោង។ វាអាចអូសបានរហូតដល់ទម្ងន់ 2,041kg ខណៈដែល Jeep Wrangler Moab 392 អាចអូសបានទម្ងន់ត្រឹមតែ 1,587kg។
រង្វាស់ប្រវែងរថយន្ត
| ម៉ូដែល (Model) | Jeep Wrangler Moab 392 | Ford Bronco Raptor |
| ប្រវែង (Length) | 4,889.5mm | 4851.4mm |
| ទទឹង (Width) | 2,014.22mm | 2,176.78mm |
| កម្ពស់ (Height) | 1,917.7mm | 1,976.12mm |
| គម្លាតកង់ (Wheelbase) | 3,007.36mm | 2,959.1mm |
| ទម្ងន់ទប់ស្កាត់ (Curb Weight) | 2,389kg | 2,614kg |
- Ford Bronco Raptor វាមានទទឹង វែងជាង Wrangler Moab 392ដល់ 162.56mm (2,176.78mm ទល់នឹង 2014.22mm)។ Bronco Raptor ក៏ខ្ពស់ជាង 58.42mm ផងដែរ (1976.12mm ទល់នឹង 1917.7mm) និងធ្ងន់ជាង 225kg (2,614kg ទល់នឹង 2,389kg)។
- Jeep Wrangler Moab 392 បណ្តោយ វែងជាងបន្តិច៖ វាមានប្រវែងសរុបវែងជាង Bronco Raptor បន្តិច ដោយប្រវែង 4,889.5mm ទល់នឹង 4,851.4mm។ Jeep ក៏មានគម្លាតកង់វែងជាងផងដែរ (3,007.36 mm ទល់នឹង 2,959.1mm)។
Jeep Wrangler Moab 392 និង Ford Bronco Raptor ក៏ប្រើប្រាស់វិធីសាស្ត្រខុសគ្នាក្នុងការរៀបចំប្រព័ន្ធជើងក្រោមរបស់ពួកគេ។ Wrangler Moab 392 ប្រើ solid front axle បែបបុរាណជាង ខណៈដែល Bronco Raptor ប្រើ independent front suspension ដែលវាមានសមត្ថភាពសំរាប់ Off-road មួយចំនួនដើម្បីការបើកបរលើផ្លូវ Off-orad កាន់តែរលូន។
សមត្ថភាពOff-Road (Off-Road Geometry)
- Ford Bronco Raptor គម្លាតពីដី (ground clearance) 332.74mm ខ្ពស់ជាង Wrangler Moab 392 មានកម្ពស់ត្រឹមតែ 281.94mm។ ភាពខុសគ្នានេះភាគច្រើនកើតចេញពី Ford Bronco Raptor ដែលប្រើសំបកកង់ស្តង់ដារទំហំ 37 អ៊ីញខណៈដែល Jeep Wrangler Moab 392 មានសំបកកង់ទំហំ 35 អ៊ីញ។ វាអាចទៅរួចដែល Jeep នឹងអាច អោយWrangler 392 បំពាក់មកជាមួយសំបកកង់ 37 អ៊ីញក្នុងផែនការ airdrops ក្រោយៗទៀតក្នុងឆ្នាំនេះ ឬក្នុងឆ្នាំ 2026។
- Bronco Raptor មានមុំល្អជាងសម្រាប់ approach (47.2°ដឺក្រេ ទល់នឹង 46.7°ដឺក្រេ), breakover (30.8°ដឺក្រេ ទល់នឹង 24.5°ដឺក្រេ) និង departure (40.5°ដឺក្រេ ទល់នឹង 39.8°ដឺក្រេ) ល្អជាង Wrangler Moab 392។
- Bronco Raptor ក៏ត្រូវបានវាយតម្លៃថាមានសមត្ថភាព ឆ្លងទឹក (water fording) កម្ពស់ល្អជាង គឺ 939.8mm ធៀបនឹង Wrangler Moab 392 ត្រឹម 863.6mm។
- Bronco Raptor មានសមាមាត្រអ័ក្ស (axle ratio) 4.7:1 បើធៀបនឹង Wrangler Moab 392 គឺ 4.56:1។
តម្លៃ
| យានយន្ត (Vehicle) | eep Wrangler Moab 392 | Ford Bronco Raptor |
| តម្លៃ MSRP ចាប់ផ្តើម (Starting MSRP) | $79,995 | $79,995 |
| តម្លៃចាប់ផ្តើម (រួមទាំងថ្លៃសេវា) (Starting Price (w/fees)) | $81,990 | $82,685 |
ដូចដែលយើងសង្ស័យថាវាជាការចៃដន្យដែល Jeep បានដាក់តម្លៃ Wrangler Moab 392 ចាប់ផ្តើមពី $79,995 MSRP(Manufacturer's Suggested Retail Price - តម្លៃលក់រាយដែលបានណែនាំដោយក្រុមហ៊ុនផលិត)។ នោះគឺជា MSRP ចាប់ផ្តើមពិតប្រាកដដូច Ford Bronco Raptor។ នេះជាដំណឹងល្អសម្រាប់អ្នកគាំទ្រ Jeep ព្រោះ Hemi V8 6.4 លីត្រឥឡូវនេះមានក្នុងតម្លៃទាបជាងគួរឲ្យកត់សម្គាល់។ MSRP ចាប់ផ្តើមសម្រាប់ 2025 Wrangler Rubicon 392 ដែលអាចមានតម្លៃឡើងបានដល់ជាង $100,000 (Wrangler Jeep តម្លៃ 6 ខ្ទង់ពីរោងចក្រ)។
ការមាន MSRP ចាប់ផ្តើមដូចគ្នាមិនមែនមានន័យថាយានយន្តនឹងមានតម្លៃដូចគ្នានោះទេ។ ទាំង Ford Bronco Raptor និង Jeep Wrangler Moab 392 ក៏មានថ្លៃបន្ថែមលើកដឹកជញ្ជូនចាំបាច់ $1,995 ផងដែរ។ Ford ក៏បន្ថែមថ្លៃសេវាទិញចាំបាច់ $695 ដែលនាំឲ្យតម្លៃចាប់ផ្តើមពិតប្រាកដសម្រាប់ Ford Bronco Raptor ដល់ $82,685។
Ford Bronco Raptor បំពាក់មកជាមួយឧបករណ៍តុបតែងពេញអស់ហើយ(Well-equipped with amentities)។ ទោះបីជាអ្នកទិញនៅតែអាចបន្ថែមលុយរាប់ពាន់ដុល្លារលើការតុបតែងក៏ដោយ ហើយបើចង់ជ្រើសរើសពណ៌ណាក៏ដោយក្រៅពីពណ៌ស ឬខ្មៅគឺត្រូវបង់ថ្លៃបន្ថែម។ មកទល់នឹងពេលនេះ Jeep មិនទាន់បានដាក់ 2026 Wrangler Moab 392 នៅលើកម្មវិធី configurator របស់ខ្លួននៅឡើយទេ។
កំរិតស៊ីប្រេងឥន្ធន:
| ម៉ូដែល (Model) | Jeep Wrangler Moab 392 | Ford Bronco Raptor |
| MPG ក្នុងទីក្រុង (City MPG) | 18 L/100km | 15.68L/100km |
| MPG លើផ្លូវហាយវ៉េ (Highway MPG) | 14.70L/100km | 14.70L/100km |
រថយន្តទាំងពីរនេះជា SUV រាងប្រអប់ធំ ដែលមានម៉ាស៊ីនកម្លាំងខ្លាំងដែលមិនមានជំនួយប្រព័ន្ធអគ្គិសនីទាល់តែសោះ។ ដូច្នេះ វាមិនមានអ្វីគួរឲ្យភ្ញាក់ផ្អើលទេដែលរថយន្តទាំងពីរប្រើប្រាស់ប្រេងឥន្ធនៈច្រើនហួសហេតុ (abysmal fuel economy)។
- Ford Bronco Raptor មានភាពលេចធ្លោជាង Wrangler Moab 392 ក្នុងការបើកបរក្នុងទីក្រុង ដោយស៊ីប្រេង 15L/100km ធៀបនឹង Jeep ស៊ីប្រេងតែ 18L/100km ។
- ទីភ្នាក់ងារ EPA (Environmental Protection Agency) បានវាយតម្លៃរថយន្ត Bronco Raptor និង Wrangler Moab 392 សម្រាប់ការបើកបរលើផ្លូវហាយវ៉េស៊ីប្រេងត្រឹមតែ 14.70L/100km ៕
ប្រភព៖ United State News.
ប្រែសំរួល៖ Chea SokNang (AC Auto)