រថយន្ត Porsche Cayenne Electric 2026 អាចសាកថ្មឥតខ្សែ តម្លៃត្រឹមតែ $11ម៉ឺនជាង
Admin, 23 November 2025
Mystic Green, seen here on the Cayenne Turbo Electric, is a fantastic color. Pors
រថយន្ត EV ទីបីរបស់ Porsche បានមកដល់ហើយ ហើយវាបានចំណាយពេលយូរក្នុងការមកដល់។ សូមស្វាគមន៍ចំពោះ Cayenne Electric។ វាមិនត្រឹមតែជាប្រភេទរថយន្ត EV ដ៏ធំបំផុតរបស់ Porsche ប៉ុណ្ណោះទេ ប៉ុន្តែក៏ជារថយន្ត ដែលមានកម្លាំងខ្លាំងបំផុតរបស់ខ្លួនវាផងដែរ ដោយម៉ូដែល Cayenne Turbo Electric កម្រិតកំពូល កម្លាំងអតិបរមា 1,139 សេះ ជាប្រភេទរថយន្តបើកបរដោយកង់ទាំងបួន(AWD) ។ ហើយវាថែមទាំងអាចសាកថ្មឥតខ្សែបានទៀតផង។
មានរឿងជាច្រើនដែលត្រូវពិពណ៌វានានៅទីនេះ វាពិបាកនឹងដឹងថាត្រូវចាប់ផ្តើមនិយាយពីត្រឹមណាទៅ។ តោះយើងចាប់ផ្តើមជាមួយអាគុយមុន ព្រោះ Porsche ចាត់ទុកវាជា "បេះដូង" របស់ Cayenne Electric ហើយវាមាននៅក្នុងគ្រប់ម៉ូដែលទាំងអស់។ នេះគឺជាអាគុយថ្មីកម្លាំង 113 kWh ជាប្រភេទអាគុយត្រជាក់ (double-sided cooling) សម្រាប់ការគ្រប់គ្រងស៊ីតណ្ហភាពកម្ដៅកាន់តែប្រសើរ និងល្បឿនសាកថ្ម DC រហូតដល់ 400 kW។ ក្នុង "លក្ខខណ្ឌដ៏ល្អ" វាអាចសាកពី 10% ដល់ 80% ក្នុងរយៈពេលតិចជាង 16នាទី។ នេះជាតួលេខផ្លូវការ គឺមិនមែន 15 ឬ 16 នាទីទេ ក្នុងភាពជាក់លាក់ពិតប្រាកដរបស់ Porsche។
Cayenne Electric នឹងមកជាមួយរន្ធសាកថ្មពីរ – រន្ធ NACS សម្រាប់ការសាកថ្ម DC តែប៉ុណ្ណោះនៅផ្នែកខាងក្រោយអ្នកបើកបរ និងរន្ធ J1772 សម្រាប់ការសាកថ្ម AC តែប៉ុណ្ណោះនៅផ្នែកខាងអ្នកដំណើរ។ ទោះជាយ៉ាងណា ប្រសិនបើអ្នកចង់ សាកថ្មឥតខ្សែ អ្នកពិតជាត្រូវការបន្ទះកម្រាលដែលត្រឹមត្រូវ។ Porsche មិនបានចែករំលែកព័ត៌មានលម្អិតច្រើនអំពីប្រព័ន្ធសាកថ្មឥតខ្សែរបស់ខ្លួនទេ ដូចជារបៀបទិញ ឬតម្លៃប៉ុន្មាននោះទេ ប៉ុន្តែក្រុមហ៊ុនផលិតរថយន្តបាននិយាយថាវាសាកក្នុងកម្រិតកំពូល 11 kW ហើយអ្វីដែលអ្នកត្រូវធ្វើ គឺគ្រាន់តែចតរថយន្តពីលើវាដើម្បីចាប់ផ្តើមដំណើរការសាកថ្មបាន។
ជាធម្មតាម៉ូដែល Cayenne Electricនឹងផ្តល់ថាមពលកម្លាំង 402 សេះ ក្នុងអំឡុងពេលបើកបរធម្មតា និង 435 សេះ ជាមួយកម្លាំងបង្វិល 833 N.m នៅពេល Launch Control ត្រូវបានដំណើរការ។ ម៉ូដែល Turbo មានកម្លាំងលើសវាពីទ្វេដងកម្លាំងរហូតដល់ 844 សេះ ក្នុងអំឡុងពេលប្រតិបត្តិការធម្មតា និង1,017 សេះ រយៈពេល 10 វិនាទីនៅពេល Push-to-Pass ត្រូវបានប្រើ និងកម្លាំងពេញ 1,139 សេះ និងកម្លាំងបង្វិល 1499 N.m សម្រាប់ Launch Control។ ជាទូទៅពួកវាទាំងពីរដំណើរការដោយប្រព័ន្ធបើកបរកង់ទាំងអស់(AWD) (all-wheel drive) និងមានប្រព័ន្ធជើងក្រោមជាប្រភេទ Adaptive Air (adaptive air suspension) ជាមួយប្រព័ន្ធគ្រប់គ្រង Pursche’s traction និងប្រព័ន្ធក្រោម Active របស់ Porsche ដែលជារឿងល្អ អ្នកប្រាកដជាចង់បានវានៅលើម៉ូដែល Turbo។
អ្វីដែលប្រហែលជាគួរឲ្យចាប់អារម្មណ៍ជាងកម្លាំងថាមពលគឺ Cayenne Electric អាចប្រមូលថាមពលបានច្រើនក្នុងអំឡុងពេលជាន់ហ្វ្រាំង។ Porsche ប្រៀបធៀបថាមពលស្តារឡើងវិញ (recuperative power) 600 kW របស់ខ្លួនទៅនឹងប្រភេទរថយន្តប្រណាំង Formula E ហើយនិយាយថា 97% នៃការជាន់ហ្វ្រាំងទាំងអស់ក្នុងអំឡុងពេលបើកបរធម្មតាអាចត្រូវបានគ្រប់គ្រងដោយម៉ូទ័រអគ្គិសនីតែប៉ុណ្ណោះ ដោយមិនប្រើហ្វ្រាំងមេកានិក។ ពិតណាស់ ហ្វ្រាំង ceramic composite នៅតែមានសម្រាប់ម៉ូដែល Turbo។
ដល់ចំណុចនេះ ខ្ញុំសន្មត់ថាដល់ពេលត្រូវកត់សម្គាល់ការរចនារបស់ Cayenne Electric ហើយ ខ្ញុំពិតជាមិនមានអ្វីច្រើនដែលត្រូវបរិយាយអំពីវាទេ។ ការរៀបចំរបាំងមុខខាងក្រោមពិតជាគួរឲ្យចាប់អារម្មណ៍ ជាមួយនឹងបន្ទះខាក្រោម(Active flaps)ទាំងអស់នោះ។ Porsche បានធ្វើ បានល្អក្នុងការទាក់ទាញការយកចិត្តទុកដាក់ទៅលើទិដ្ឋភាពនៃការរចនា និងបច្ចេកវិទ្យារបស់យានយន្តនោះដោយមិនធ្វើឲ្យទាស់ចិត្តដល់អ្នកបើកបរ។ ម៉ូដែល Turbo ជាទូទៅវាខ្លាំងជាងជាមួយនឹងការកែច្នៃតាមបែប aero ដោយបន្ថែមស្លាបដែលអាចចល័តបាននៅក្នុងថ្ពាល់នៃកាងខាងក្រោយរបស់វា។ វាគួរនិយាយថាសមាសធាតុទាំងអស់នេះ បូកនឹងតួរថយន្តកោង អនុញ្ញាតឲ្យ Cayenne Electric សម្រេចបាននូវ drag coefficient ត្រឹមតែ 0.25 Cd។ នោះគឺទាបណាស់សម្រាប់ SUV។ Tesla Model X គឺជារថយន្តមួយក្នុងចំណោមរថយន្តមួយចំនួនដែលទាបជាងបន្តិចគឺ 0.24 Cd ទោះបីជាខ្ញុំគិតថានេះមើលទៅវាល្អជាងនៃការប៉ះពាល់តិចតួចដល់ប្រសិទ្ធភាព aero ក៏ដោយ។
Cayenne Electric មានប្រវែងវែងជាងម៉ូដែលប្រើសាំងប្រហែល 53.34mm ប៉ុន្តែមានគម្លាតកង់វែងជាង 127mm ដែលកែលម្អកន្លែងដាក់ជើងខាងក្រោយយ៉ាងសំខាន់។ នៅផ្ទៃខាងក្នុងផ្នែកខាងមុខ មានអេក្រង់ជាច្រើន ដែលអេក្រង់ទាំងអស់នោះប្រភេទអេក្រង់ OLED អ្វីដែលផ្ទាំងអេក្រង់ Cayenne Electric ខុសគ្នាបន្តិចគឺថា បន្ទះអេក្រង់ព័ត៌មានកម្សាន្តកណ្តាល(Information panel display) គឺមានរាងកោងទៅផ្នែកខាងក្រោម។
Porsche រំពឹងថានឹងចាប់ផ្តើមចែកចាញម៉ូដែល Cayenne Electric នៅសហរដ្ឋអាមេរិកនៅរដូវក្តៅក្រោយ។ ទោះជាមានរយ:ពេលនៅយូរខាងមុខទៀត ក៏ក្រុមហ៊ុន មិនបាននិយាយអំពីតម្លៃជាក់លាក់ទេរហូតដល់ថ្ងៃនេះ៕
The standard Cayenne Electric, non-Turbo. Porsche
ប្រភព៖ United State News.
ប្រែសំរួល៖ Chea SokNang (AC Auto)