គូប្រជែង Rolls-Royce គឺToyota ទើបតែទទួលបានការអាប់ដេតសម្រាប់ឆ្នាំ 2026
Admin, 07 December 2025
ប្រសិនបើអ្នកមិនធ្លាប់ស្គាល់រថយន្ត Toyota Century sedan ទេ នោះអ្នកនឹងមិនបានដឹងអ្វីដែលពិសេសអំពីវានោះឡើយ។ វាជារថយន្តប្រណីតមួយក្នុងទីផ្សារប្រទេសជប៉ុន (JDM) របស់ក្រុមហ៊ុន Toyota ដែលរចនាឡើងសម្រាប់ប្រមុខរដ្ឋ និងនាយកប្រតិបត្តិក្រុមហ៊ុនមួយចំនួន ហើយភាពប្រណីតរបស់វាគឺជាបែបប្រពៃណ៍ជប៉ុនយ៉ាងច្បាស់លាស់ –រថយន្តប្រភេទនេះផ្តោតទៅលើគុណភាព, ផាសុកភាព, ភាពងាយស្រួល, និងរចនាបែបសិល្បៈមួយចំនួន។ ក្រុមហ៊ុន Toyota ផលិតរថយន្តមួយនេះច្រើនបំផុតត្រឹមតែ ៥០ គ្រឿងក្នុងមួយខែ ហើយភាគច្រើនត្រូវបានផលិតដោយដៃ ដូច្នេះការអាប់ដេតមិនងាយកើតឡើងជាញឹកញាប់ពេកនោះទេ។ ឈ្មោះ Century រៀបនឹងក្លាយជាម៉ាកយីហោមួយដែលមានប្រណីតភាពកម្រិតខ្ពស់ពិតប្រាកដមួយដែលនឹងចេញទៅទីផ្សារសកល ប៉ុន្តែមុននឹងកើតឡើងដូច្នេះបានលុះត្រាតែ Toyota ផ្តល់ការអាប់ដេតថ្មីដល់ Century Sedan (OG) ក្នុងឆ្នាំ 2026នេះសិន។
អេក្រង់ព័ត៌មានកម្សាន្តថ្មីសម្រាប់ផ្នែកខាងមុខគឺមានទំហំ 8 អ៊ីញ ប៉ុន្តែភាពអស្ចារ្យនៅខាងក្នុងនោះគឺវាមានការអាប់ដេតតែប្រព័ន្ធ pre-crash។ នេះ វាជាហេតុផលមួយសម្រាប់អេក្រង់ព័ត៌មានកម្សាន្តដែលមិនសូវទាក់ទាញនៅផ្នែខាងមុខអ្នកបើកបរ។
ការអាប់ដេតសុវត្ថិភាពកែលម្អកញ្ចប់ដែលល្អរួចទៅហើយ
ការបន្ថែមទាំងនោះសុទ្ធតែជាការអភិវឌ្ឍន៍ចុងក្រោយបំផុតក្នុង ប្រព័ន្ធសុវត្ថិភាព pre-crash ដ៏ល្អឥតខ្ចោះរបស់ Toyota ដែលត្រូវបានអភិវឌ្ឍតាំងពីឆ្នាំ 2002។ កំណែចុងក្រោយបំផុតគឺប្រើរ៉ាដា និងកាមេរ៉ាសម្រាប់ចាប់យកទិដ្ឋភាពបានមុំធំ បន្ទាប់មកឧបករណ៍ចាប់សញ្ញារ៉ាដា millimeter-wave មានភាពជាក់លាក់។ សម្រាប់ Century នេះមានន័យថា ការចាប់អ្នកជិះកង់ និងអ្នកថ្មើរជើងកាន់តែប្រសើរមុនពេលប៉ះទង្គិច និងការជៀសវាង ព្រោះថាគ្មានអ្វីដែលបំផ្លាញថ្ងៃរបស់ឥស្សរជនដូចជាការបើកបុកអ្នកណាម្នាក់ឡើយ ព្រមទាំងអាចចាប់ម៉ូតូពេលបើកបរផងដែរ។ និយាយឲ្យកាន់តែច្បាស់ ប្រព័ន្ធនេះឥឡូវត្រូវបានដោះស្រាយជាមួយផ្លូវប្រសព្វស្មុគស្មាញបានល្អជាងមុន ហើយមានការបន្ថយល្បឿន និងជំនួយចង្កូតសង្គ្រោះបន្ទាន់(emergency steering support)កាន់តែប្រសើរសម្រាប់អ្នកបើកបរ។
នេះបើយោងតាមប្រសាសន៍របស់ក្រុមហ៊ុន Toyota ជាក់លាក់ថា៖ នៅពេលនិយាយដល់ផ្លូវប្រសព្វ ប្រព័ន្ធនេះចាប់យានយន្តដែលមកពីទិសផ្ទុយគ្នាដែលទៅត្រង់នៅពេលរថយន្តកំពុងបត់ស្តាំ (ប្រទេសជប៉ុនជាប្រទេសមួយក្នុងចំណោមប្រទេសតិចតួចដែលបើកបរប្រកាន់ខាងឆ្វេងផ្លូវ) និងអ្នកថ្មើរជើង និងអ្នកជិះកង់ដែលឆ្លងកាត់ពេលបត់ស្តាំ និងឆ្វេង។ វាបានផ្តល់សញ្ញាដាស់តឿនដំបូងដល់អ្នកបើកបរអោយបានឮ បន្ទាប់មកហ្វ្រាំង pre-crash និងចង្កូតក៏ចាប់ផ្តើមដំណើរការជាមួយដើម្បី "ជៀសវាងការប៉ះទង្គិច ឬការកាត់បន្ថយការខូចខាត"។
សញ្ញាល្អសម្រាប់ Century Sedan
ដោយសារមានការនិយាយជាច្រើនអំពីក្រុមហ៊ុន Toyota ដែលនឹងបំបែក Century ទៅជា ម៉ាកយីហោមានប្រណីតភាពកម្រិតខ្ពស់ ដើម្បីប្រកួតប្រជែងជាមួយ Rolls-Royce វាជាសញ្ញាល្អដែល Toyota កំពុងអាប់ដេតម៉ូដែលបុរាណនេះ។ ទោះបីជាវាជា JDM តែប៉ុណ្ណោះក៏ដោយ វាជារឿងដ៏អស្ចារ្យដែលវាមានវត្តមាន ដោយបង្ហាញពិភពលោកថា រូបរាងក្លាហាន, ស្បែក, អេក្រង់យក្ស, និងភ្លើងខាងក្នុងរថយន្ត (nightclub) មិនមែនមានន័យថាវាជារថយន្តប្រណីតភាពកម្រិតខ្ពស់នោះទេ។ ដំណឹងល្អគឺថា បើ Century ឈានទៅមុខជាម៉ាកយីហោ ដែលវាអាចនឹងនាំយក Century SUV ទៅកាន់ទីផ្សារពិភពលោកមួយចំនួន រួមទាំងសហរដ្ឋអាមេរិកផងដែរ។
ការយល់ដឹងពីកន្លែងរបស់ Toyota Century Sedan ក្នុងពិភពលោក
រថយន្ត Toyota Century sedan ត្រូវបានរចនាឡើងសម្រាប់អ្នកបើកបរផ្ទាល់ក្នុងគោលដៅផ្តោតលើផាសុកភាព និងភាពងាយស្រួលរបស់អ្នកដំណើរផ្នែកខាងក្រោយ និងដោយគិតគូរដល់រាជវង្សសានុវង្សជប៉ុន។ មិនមានអេក្រង់ភ្លឺធំនៅខាងមុខទេ ព្រោះអ្នកបើកបរគ្រាន់តែត្រូវការអេក្រង់សមរម្យជាមួយការនាំផ្លូវតែប៉ុណ្ណោះ។ អ្នកដំណើរខាងក្រោយទទួលបានអេក្រង់ 20 អ៊ីញ ដើម្បីគ្រប់គ្រងបរិយាកាសរបស់ពួកគេ ដែលរួមបញ្ចូលប្រព័ន្ធសំឡេងគុណភាពខ្ពស់, កៅអីផ្អៀងនិងម៉ាស្សាបំពាក់ដោយរោមចៀម 100% និងប្រសិនបើមានជម្រើស វាំងននឯកជនភាពដែលមានលំនាំស្មុគស្មាញដំណើរការដោយម៉ូទ័រ។
នៅក្រោមរថយន្ត Century sedan ជំនាន់បច្ចុប្បន្ននេះ បំពាក់មកបច្ចេកវិទ្យាលាយឡំជាមួយភាពបុរាណ និងទំនើប។ ម៉ាស៊ីន V8 5.0 លីត្រ Super smooth បំផុតរបស់ Toyota ដែលអាចផលិតកម្លាំង 425 សេះ ថាមពលភាគច្រើនដែលបានផ្តល់អោយគឺជាផ្នែកមួយនៃប្រព័ន្ធ Hybrid Energy Drive ដែលមានប្រសិទ្ធភាពដែលអាចកាត់បន្ថយការស៊ីប្រេងឥន្ធនៈធ្លាក់ចុះដល់ 7.35L/100km។ ហើយគ្មានអ្វីអាចប្រៀបធៀបនឹងប្រព័ន្ធជើងក្រោមជាប្រភេទair suspension ដែលគ្រប់គ្រងដោយប្រព័ន្ធអគ្គិសនីទំនើប(modern electrically controlled) ដែលអាចរគ្រប់គ្រងសំឡេងបាន(active noise control)។ សុវត្ថិភាពអ្នកដំណើរគឺជាគន្លឹះសំខាន់ ដូច្នេះដើម្បីជៀសវាងការប៉ះទង្គិចប្រព័ន្ធ Toyota Safety Sense P-series គឺជាផ្នែកមួយនៃ Century sedan ពេលបច្ចុប្បន្ននេះ៕
ប្រភព៖ United State News.
ប្រែសំរួល៖ Chea SokNang (AC Auto)