ក្រុមហ៊ុន Smart ដែល​ជា​ការ​បណ្តាក់ទុន​រួមគ្នា​រវាង Mercedes-Benz និង Geely បាន​សម្ពោធ​រថយន្ត Smart No.5 EHD នៅ​ប្រទេស​ចិន ដែល​ជា​ម៉ូដែល​កូនកាត់ (hybrid) ដំបូង​របស់​យីហោ​នេះ។

ក្រុមហ៊ុន Smart បាន​ដាក់​បង្ហាញ​ជា​ផ្លូវការ​នូវ​រថយន្ត SUV Smart No.5 EHD ក្នុង​ព្រឹត្តិការណ៍​មួយ​នៅ​ទីក្រុង Hangzhou កាលពី​ម្សិលមិញ ដោយ​មាន​តម្លៃ​ចាប់ផ្តើម​បញ្ចុះ​តម្លៃ 169,900 យន់ (23,930 ដុល្លា)។

តម្លៃ​នេះ​បាន​ការ​កាត់បន្ថយ 20,000 យន់( 2,812 ដុល្លា ) ឬ 10.35% ពី​តម្លៃ​លក់​មុន (pre-sales price) 189,900 យន់ ($26,742)ដែល​បាន​ប្រកាស​កាលពី​មួយ​ខែ​មុន។ ជាក់ស្តែង ក្រុមហ៊ុន Smart ផ្តល់​នូវ​ជម្រើស​បួន​ប្រភេទ​នៃ​រថយន្ត​អគ្គិសនី​កូនកាត់​ដែល​អាច​ដោត​សាក​ថ្ម (PHEV) នេះ ដោយ​មាន​តម្លៃ​ ​ចាប់ផ្តើម​ពី 189,900 យន់ (26,742ដុល្លា), 199,900 យន់​ (28112 ដុល្លា), 219,900 យន់​ (30,925​ ដុល្លា), និង 239,900 យន់ (33,738 ដុល្លា)។

ក្រុមហ៊ុន​កំពុង​ផ្តល់​ការ​បញ្ចុះ​តម្លៃ20,000 យន់( 2,812 ដុល្លា ) សម្រាប់​រយៈពេល​កំណត់​លើ Smart No.5 EHD ដែល​ធ្វើ​ឲ្យ​តម្លៃ​ចាប់ផ្តើម​ពិតប្រាកដ​របស់​វាគឺ 169,900 យន់ (23,930ដុល្លា)ទៅ។

រថយន្ត Smart No.5 EHD គឺ​ជា​ម៉ូដែល PHEV ដំបូង​របស់ Smart ដែល​មាន​ប្រវែង 4,705mm ទទឹង 1,920mm, និង​កម្ពស់ 1,705mm ព្រមទាំង​មាន​គម្លាត​កង់ (wheelbase) 2,900mm។

វា​បំពាក់​ដោយ​បច្ចេកវិទ្យា PHEV របស់​ប្រព័ន្ធ EHD Super Hybrid System របស់ Smart ដោយ​ប្រើប្រាស់​វេទិកា (platform) Leishen Hybrid 2.0 របស់ Geely។

ប្រព័ន្ធ​បញ្ជូន​ថាមពល​នេះ​រួមបញ្ចូល​ម៉ាស៊ីន 1.5លីត្រ ដែល​ផលិត​កម្លាំង 120 គីឡូវ៉ាត់ (kW) ជាមួយនឹង​ម៉ូទ័រ​អគ្គិសនី​ដែល​បាន​ដំឡើង​នៅ​ខាងមុខ​ផ្តល់​កម្លាំង 200 គីឡូវ៉ាត់។

រថយន្ត Smart No.5 EHD អាច​បង្កើន​ល្បឿន​ពី 0 ដល់ 100 គីឡូម៉ែត្រ​ក្នុង​មួយ​ម៉ោង​ក្នុង​រយៈពេល 7.2 វិនាទី ឬ 6.9វិនាទី។

វា​ផ្តល់​ជម្រើស​អាគុយ​ទំហំ 20 គីឡូវ៉ាត់​ម៉ោង (kWh) និង 41.46 គីឡូវ៉ាត់​ម៉ោង ដោយ​ផ្តល់​ចម្ងាយ​បើកបរ​ដោយ​ប្រើ​អាគុយ (CLTC battery ranges) 120 គីឡូម៉ែត្រ និង 252 គីឡូម៉ែត្រ​រៀងគ្នា។ ជាមួយនឹង​ធុង​ប្រេង​ពេញ និង​អាគុយ​សាក​ពេញ ចម្ងាយ​បើកបរ​រួម​បញ្ចូល​គ្នា​របស់​វា​ឈាន​ដល់ 1,483 គីឡូម៉ែត្រ និង 1,615 គីឡូម៉ែត្រ។

រថយន្ត Smart No.5 EHD បំពាក់​ដោយ​ប្រព័ន្ធ​ជំនួយ​ការ​បើកបរ​ឆ្លាតវៃ Pilot Assist ដែល​មាន​បន្ទះ​ឈីប​បើកបរ​ឆ្លាតវៃ Nvidia Drive Orin X ចំនួនពីរ និង​ឧបករណ៍​ចាប់សញ្ញា LiDAR មួយ។

ម៉ូដែល​នេះ​គាំទ្រ​លក្ខណៈ​ពិសេស​នានា រួម​មាន​ជំនួយ​ការ​បើកបរ​ដោយ​ផ្អែក​លើ​ប្រព័ន្ធការ​រុករក (navigation-based pilot assist) ដែល​មិន​អាស្រ័យ​លើ​ផែនទី​និយមន័យ​ខ្ពស់ (high-definition maps) និង​ការ​ចូលចត​យានយន្ត​តាម​ការ​ចងចាំ (memory parking)។

យីហោ Smart ដែល​បាន​ចាប់ផ្តើម​នៅ​ឆ្នាំ 1998 ផ្តោត​លើ​ទីផ្សារ​រថយន្ត​តូច​ប្រណីត ដោយ​ត្រូវ​បាន​រចនា​ដោយ Mercedes-Benz ជា​ដំណោះស្រាយ​សម្រាប់​ការ​បើកបរ​ក្នុង​ទីក្រុង​ធំៗ។

នៅ​ថ្ងៃទី 8 ខែ​មករា ឆ្នាំ 2020 ក្រុមហ៊ុន Mercedes-Benz និង Geely បាន​បង្កើត​ក្រុមហ៊ុន​បណ្តាក់ទុន​រួមគ្នា​ថ្មី​ក្រោម​យីហោ Smart ដែល​មាន​ទីស្នាក់ការ​កណ្តាល​នៅ​ទីក្រុង Ningbo ខេត្ត Zhejiang ដើម្បី​ជំរុញ​ការ​ផ្លាស់ប្តូរ​រថយន្ត​អគ្គិសនី​របស់​ពួកគេ។

បច្ចុប្បន្ន ក្រុម​អ្នក​រចនា​របស់ Mercedes-Benz រចនា​យានយន្ត Smart ខណៈ​ដែល Geely គ្រប់គ្រង​ផ្នែក​វិស្វកម្ម​របស់​ពួកគេ។

ក្រៅពី Smart No.5 ក្រុមហ៊ុន​កំពុង​លក់​ម៉ូដែល Smart No.1 និង Smart No.3 នៅ​ប្រទេស​ចិន។

កាលពី​ដើម​ខែ​កញ្ញា ក្រុមហ៊ុន Smart បាន​ប្រកាស​ផែនការ​នឹង​សម្ពោធ​រថយន្ត mini EV ពីរ​កៅអី Smart No.2 នៅ​ឆ្នាំ​ក្រោយ​ជា​ម៉ូដែល​បន្ត​ពី ForTwo របស់​ខ្លួន៕