ក្រុមហ៊ុន Toyota និយាយថា អតិថិជនរបស់ Hi-Lux មិនចាំបាច់មានកម្លាំងខ្លាំងទេ ទោះបីជាពួកគេចង់បានក៏ដោយ
Admin, 27 November 2025
ក្រុមហ៊ុន Toyota អះអាងថា កម្លាំងដែលផ្តល់ដោយម៉ាស៊ីន V6 របស់ Ford ឬក៏រថយន្តកូនកាត់( plug-in hybrid)ដែលអាចសាកថ្មបានរបស់ BYD គឺមិនចាំបាច់សម្រាប់អតិថិជនរបស់ Hi-Lux ដែលប្រើម៉ាស៊ីនម៉ាស៊ូតទួរប៊ីន (turbo-diesel engine)កម្លាំង150 kWនិងកម្លាំងបង្វិល 500 Nm ដែលត្រូវបានរក្សាទុកសម្រាប់ HiLux នោះទេ។
ក្រុមហ៊ុន Toyota បានចោទសួរថាតើអតិថិជន HiLux ថាដែល "ចង់បានកម្លាំងខ្លាំងជាង" ពិតជាត្រូវការវាមែនឬអត់? ហើយវាបានការពារនិងការបំពាក់ម៉ាស៊ីនម៉ាស៊ូតទួរប៊ីន(turbo-diesel engine) 2.8 លីត្រ កម្លាំង 150 kW ដែលត្រូវបានរក្សាទុកទៅក្នុងរថយន្តភីកអាប់ជំនាន់ថ្មីរបស់ខ្លួន។
ក្រុមហ៊ុនរថយន្តយក្សរបស់ជប៉ុនមួយនេះនិយាយទៀតថា "អតិថិជនជាច្រើន" នៃអ្នកទិញប្រើប្រាស់ "សប្បាយចិត្តណាស់" ជាមួយនឹងសមត្ថភាពនៃរថយន្តភីកអាប់បច្ចុប្បន្នរបស់ពួកគេ ហើយក្រុមហ៊ុនក៏មិនបានពិចារណាដល់លើការបង្កើនកម្លាំងបន្ថែមសម្រាប់ HiLux 2026 ផងដែរ ដែលវាបានបង្ហាញក្នុងសប្តាហ៍នេះមុនពេលវាមកដល់ និងមានការដាក់តាំងបង្ហាញ នៅក្នុង showroom នៅខែក្រោយ។
នៅពេលដែលប្រព័ន្ធផ្សព្វផ្សាយក្នុងស្រុកចោទសួរទៅក្រុមហ៊ុន Toyota Autralia “ នៅពេលដែលមានការស្វែងរក ឬ មតិយោបល់ ពីអតិថិជនណាមួយដែលមានតម្រូវការចង់បានកម្លាំងម៉ាស៊ីនខ្លាំងជាងនេះ” លោក Rodney Lyons ដែលជាអ្នកជំនាញជាន់ខ្ពស់នៃផ្នែកផែនការផលិតកម្មរបស់ Toyota Australia បានប្រាប់ប្រព័ន្ធផ្សព្វផ្សាយនៅក្នុងស្រុកនូវប្រភេទរថយន្តភីកអាប់ "ថ្មី" ថា៖ "និយាយតាមត្រង់ គឺមិនមានទេ"។ លោកបន្តទៀតថា៖ "អតិថិជនជាច្រើនពិតជាសប្បាយចិត្តជាមួយនឹងសមត្ថភាពបច្ចុប្បន្នរបស់ HiLux ហើយ វាអាច សម្រេចការងារបានច្រើន"។ ហើយលោកក៏បានចោទសួរវិញថា "ហើយពិតទេ អ្នកប្រាកដជាដឹងហើយ មនុស្សជាច្រើនចង់បានកម្លាំងខ្លាំងជាង ប៉ុន្តែតើពួកគេត្រូវការវាមែនទេ? វាប្រហែលជារឿងត្រូវគិតខុសគ្នា"។
ម៉ូដែល HiLux GR Sport ដែលបានដំណើរការដោយម៉ាស៊ីនម៉ាស៊ូតទួរប៊ីនបួនស៊ីឡាំង 2.8 លីត្រ(2.8 Litres,4 cylcined turbo-diesel) ដែលកំណត់កម្លាំងបាន 165 kWនិងកម្លាំងបង្វិល 550 Nm – បើធៀបនឹង 150 kWនិងកម្លាំងបង្វិល 500 Nm ក្នុង HiLux លេខអូតូ – ដែលវានឹងមិនមែនជាការពិបាកបំផុតក្នុងការបំពាក់ទៅក្នុង HiLux 2026 នោះទេ ដោយសារវាស្ថិតនៅលើមូលដ្ឋាន underpinnings ដែលត្រូវបានរក្សាទុក។
លោក Lyons បាននិយាយថា៖ "ខ្ញុំមិនហ៊ាននិយាយថាវាងាយស្រួលក្នុងការធ្វើទេ" "ប៉ុន្តែនៅពេលនេះ យើងកំពុងប្រកាន់ខ្ជាប់នូវ កម្លាំង 150 kW នៅគ្រប់ម៉ូដែល"។
កម្លាំង165 kW មិនមែនប្រើប្រាស់សម្រាប់ជាមួយនឹងម៉ាស៊ីនអគ្គិសនី ‘V-Active’ 48 វ៉ុល ដែលបានបំពាក់លើរថយន្ត HiLux កម្រិតខ្ពស់ភាគច្រើននោះទេ។ លោក Sean Hanley ប្រធានផ្នែកលក់ និងទីផ្សាររបស់ Toyota Australia បានប្រាប់ ទស្សនាដី្តក្នុងស្រុកថា៖ " អតិថិជន HiLux ចង់បានសមត្ថភាព និង ភាពជឿជាក់ ហើយពួកគេចង់ដឹងថានៅពេលពួកគេចេញទៅកោះ ឬពួកគេចេញទៅតំបន់ដាច់ស្រយាល (outback) ឬពួកគេឆ្លងកាត់ឆ្នេរ និងវាលខ្សាច់ នោះរថយន្តនឹងឡើងភ្នំ, ចុះភ្នំ ហើយពួកគេនឹងត្រឡប់ដល់ផ្ទះវិញដែលឬទេ?"។ "ហើយប្រសិនបើពួកគេមានបញ្ហា ពួកគេចង់ដឹងថាមានអ្នក Deal Close ពីក្រុមហ៊ុន Toyota នៅក្បែរដែលអាចជួយពួកគេបានឬអត់?។ លោក Hanley បន្ថែមទៀតថា យើងមានសមាជិកភ្នាក់ងារ 283 នាក់ក្នុងចំណោមពួកគេ នៅទូទាំងប្រទេសអូស្ត្រាលី – “នោះជាអ្វីដែលពួកគេចង់ដឹង"។
រួមជាមួយនឹងកម្លាំងម៉ាស៊ីន 150 kW ដែលត្រូវបានរក្សាទុក HiLux ថ្មី និង ប្រអប់លេខអូតូ 6 វគ្គល្បឿន និងប្រព័ន្ធបើកបរកង់បួន(4WD) ដែលអាចផ្តល់ថាមពលដល់កង់ទាំងបួនបានតែលើLoose surfaces។ នេះគឺផ្ទុយពីប្រអប់លេខអូតូ 8 វគ្គល្បឿនក្នុង Toyota Prado ថ្មីជាមួយនឹងម៉ាស៊ីន 2.8 លីត្រ និងប្រព័ន្ធអគ្គិសនី 48 វ៉ុលដូចគ្នា ហើយគូប្រជែងសំខាន់ៗរបស់វាគឺក្រុមហ៊ុន Ford, Mitsubishi, Kia, និងរថយន្តផ្សេងទៀតដែលផ្តល់សមត្ថភាព 4x4 លើផ្លូវកៅស៊ូ (bitumen) សម្រាប់សុវត្ថិភាពបន្ថែមក្នុងអាកាសធាតុសើម ឬ មានភ្លៀង។ លោក Lyons បាននិយាយថា៖ "ខ្ញុំមិនចាំថារឿងនេះទេថាជាអ្វីដែលត្រូវបានគិតគូរខ្លាំងបំផុតពីអត្តចរិករបស់អតិថិជនរបស់យើងក្នុងរយៈពេលប៉ុន្មានឆ្នាំចុងក្រោយនេះទេ"។
ម៉ាស៊ីន 2.8 លីត្រឥឡូវនេះជាជម្រើសស្តង់ដារទូទាំងម៉ូដែលខ្សែរស្រឡាយរបស់វា ដោយសារជម្រើសម៉ាស៊ីនសាំង 2.7 លីត្រ និងម៉ាស៊ូតទួរប៊ីន(Turbo-diesel engien) 2.8 លីត្រដែលធ្លាប់ផ្តល់ជូនក្នុងម៉ូដែល WorkMate កម្រិតមូលដ្ឋានត្រូវបានលុបចោល។ ទោះជាយ៉ាងណា ការផ្លាស់ប្តូរមួយចំនួនចំពោះម៉ាស៊ីនម៉ាស៊ូត 2.8 លីត្រត្រូវបានធ្វើឡើងបន្ទាប់ពីទទួលបានមតិយោបល់ពីអតិថិជន។ នាយកប្រតិបត្តិផលិតកម្ម Toyota បាននិយាយថា៖ "យើងបានជួសជុលបញ្ហាមួយចំនួនដែលយើងបានជួបជាមួយបញ្ហាប្រព៏ន្ធ V-Active 48 វ៉ុលក្នុងខ្សែស្រឡាយម៉ូដែលរបស់វា៕
ប្រភព៖ Australia Auto News
ប្រែសំរួល៖ Chea SokNang (AC Auto)