ជាទូទៅ ក្រុមហ៊ុនផលិតរថយន្តតែងតែផ្លាស់ប្តូរខ្សែសង្វាក់ផលិតកម្មពីស៊េរីឆ្នាំ 2025 ទៅ 2026 មុនថ្ងៃចូលឆ្នាំសកលមកដល់ ប៉ុន្តែការឆ្លងចូលឆ្នាំថ្មីតាមប្រតិទិនអាចបញ្ហា ដល់ភ្នាក់ងារលក់​ដែល​មានរថយន្តស៊េរីឆ្នាំ 2025 (MY2025) នៅសល់ច្រើនក្នុងឃ្លាំង។ គិតត្រឹមថ្ងៃស្អែកម៉ូដែល​ទាំងនោះនឹងក្លាយជា រថយន្តថ្មីដែល "សល់ពីឆ្នាំមុន" ជាផ្លូវការ ដែលវារារាំងដល់ភ្នាក់ងារ លក់ក្នុង​ការនាំចូលរថយន្តស៊េរីឆ្នាំ 2026 ដែលមើលទៅវាមានភាពទាក់ទាញជាង សម្រាប់អ្នក ទិញ។ អ្វីដែលគួរឱ្យភ្ញាក់ផ្អើលនោះគឺ រថយន្តទាំងនោះភាគច្រើនហាក់ដូចជាផលិតផលដែល មានការឱ្យភ្ញាក់ផ្អើលបំផុតរបស់ក្រុមហ៊ុន Toyota។

យោងតាមការសិក្សាថ្មីមួយពី iSeeCars បានឱ្យដឹងថា មានម៉ូដែលរថយន្ត Toyota និង Lexus ចំនួន 5 ផ្សេងគ្នាដែលផ្តោតលើអ្នកចូលចិត្តរថយន្ត (Enthusiast-focused) ស្ថិតក្នុងចំណោមរថយន្តកំពូលទាំង 10 ដែលមានស្តុកឆ្នាំ 2025 នៅសល់ច្រើនបំផុត ក្នុងឃ្លាំង។ រថយន្ត Lexus GX 550 ឈរនៅលេខរៀងទី 2 ក្នុងបញ្ជី ដោយមានស្តុកនៅសល់ 87.8%, បន្ទាប់មកគឺ Lexus LX 600 នៅសល់ 83.9%, GR Corolla នៅសល់ 83.2% និងរថយន្ត 4Runner ទាំងប្រភេទ Hybrid និងម៉ាស៊ីនសាំងធម្មតា នៅសល់ 80.4% និង 78.5% ជួរម៉ូដែលរៀងៗខ្លួន។ ម៉ូដែលមួយទៀតដែលពាក់ព័ន្ធនឹង Toyota គឺ Subaru BRZ ឈរនៅលេខរៀងទី 3 ដែលមានស្តុកនៅសល់ 87.1%។

ទោះជាយ៉ាងណា គ្រួសារក្រុមហ៊ុន Toyota មិនមែនមានវត្តមានលើគ្រប់រថយន្តក្នុងបញ្ជី នោះទេ។ BMW i4 ជាប់ចំណាត់ថ្នាក់លេខ 1 ដែលមានស្តុកនៅសល់ 89.2%, Kia Niro លេខ 6 នៅសល់ 80.8%, VW Taos លេខ 7 នៅសល់ 80.6% និង Ford Maverick លេខ 9 នៅសល់ 78.9%។

សម្រាប់រថយន្ត SUV របស់ Toyota/Lexus ទាំង 4 ម៉ូដែលក្នុងបញ្ជី បញ្ហាផ្នែកខ្លះអាចមក ពីជម្រើសដ៏ច្រើនដែលផ្តល់ជូនលើគ្រោងឆ្អឹង TNGA-F តែមួយនាពេលបច្ចុប្បន្ន។ ម៉ូដែល GX និង 4Runner មានទំហំប្រហាក់ប្រហែលគ្នា និងផ្តោតលើក្រុមអ្នកទិញតែមួយដូចទៅ នឹង ម៉ូដែល Land Cruiser (ដែលមិនមានក្នុងបញ្ជី iSeeCars) ខណៈដែល SUV ទាំងអស់ នោះមានតម្លៃទាបជាងឆ្ងាយបើធៀបនឹងម៉ូដែល LX ដែលមានទំហំធំជាង។ ជាមួយនឹងជម្រើសដ៏ច្រើនដែលនៅក្រោមដំបូលតែមួយ ម៉ូដែលនីមួយៗកំពុងប្រកួតប្រជែងគ្នា​ឯងដើម្បីដណ្តើមអតិថិជនរថយន្ត Off-road របស់ Toyota តែមួយ។

ជាអកុសល ការនៅទ្រឹងនៃលក់រថយន្ត GR Corolla និង Subaru BRZ ទំនងជា​អាចសន្និដ្ឋាន​បានថា ដោយសារតែវាជារថយន្តស្ព័រដែលមានតម្លៃសមរម្យ ប៉ុន្តែមានទីផ្សារចង្អៀត (Niche appeal)។ ជាពិសេស Corolla គឺមិនដូចរថយន្តប្រភេទ Hot Hatchback ផ្សេងទៀតនៅលើ​ទីផ្សារ​សព្វថ្ងៃនេះទេ ហើយវានឹងទាក់ទាញតែក្រុមអតិថិជនមួយផ្នែកតូចប៉ុណ្ណោះ។

ខណៈពេលដែល Toyota និង Lexus ប្រហែលជាមានបញ្ហាជាមួយនឹងរថយន្ត Off-road និងម៉ូដែលស្ព័រដែលនៅសល់ក្នុងឃ្លាំង ប៉ុន្តែម៉ាកយីហោទាំងពីរនេះមិនមានបញ្ហាជា​មួយ​ម៉ូដែល​ ដែលលក់ដាច់ខ្លាំង (Wider-volume models) នោះទេ។ រថយន្តតែមួយគត់ផ្សេងទៀតក្នុងចំណោមម៉ាកទាំងពីរដែលជាប់ក្នុងបញ្ជីរថយន្តសល់ស្តុកឆ្នាំ 2024 ឬ 2025 គឺ Tacoma ដែលជារថយន្ត Off-road មួយទៀតដែលមានស្ថានភាពល្អ​ជាង​បងប្អូន SUV របស់វាបន្តិច ដោយមានស្តុកឆ្នាំ 2025 នៅសល់ 72.5%៕