​​​​​​​​​         Vespa បានបង្ហាញនូវសមិទ្ធផលម៉ូតូស្កូតឺ 946 ចុងក្រោយបង្អស់របស់ខ្លួន ដែលមកក្នុងទម្រង់ ជាម៉ូដែលផលិតក្នុងចំនួនកំណត់ 946 Horse ដើម្បី "អបអរសាទរស្មារតីសេរីភាពនៃឆ្នាំមមី​ជាឆ្នាំសេះ ក្នុងតារានិករចិន"។

កាលពីអំឡុងពេលនេះកាលពីឆ្នាំមុន Vespa បានដាក់បង្ហាញម៉ូតូស្កូតឺ 946 Snake (ឆ្នាំពស់) ក្នុងចំនួនកំណត់ ដើម្បីផ្តល់កិត្តិយសដល់ការអបអរសាទរឆ្នាំម្សាញ់នៃប្រតិទិនច័ន្ទគតិ។ ឈានចូលមកដល់ឆ្នាំនេះ Vespa កំពុងអបអរសាទរឆ្នាំមមីវិញម្តង។ សម្រាប់អ្នកដែលមិនទាន់ជ្រាប ឆ្នាំមមីគឺជាសញ្ញាតំណាងទី ៧ នៅក្នុងតារានិករចិន ដែលបន្តបន្ទាប់ពីឆ្នាំម្សាញ់។

The new Vespa 946 Horse

យោងតាមការបញ្ជាក់ផ្ទាល់ពីក្រុមហ៊ុន Vespa បានឱ្យដឹងថា ម៉ូដែល 946 Horse ថ្មីនេះ "កើតចេញពីថាមពលនៃឆ្នាំសត្វសេះ។ សត្វជានិមិត្តរូបមួយនេះ បង្កប់នូវភាពរឹងមាំដោយ​ស្ងប់ស្ងាត់ និងមានពន្លឺដ៏ខ្លាំងក្លា។ Vespa 946 Horse រួមបញ្ចូលនូវស្មារតីនោះ នៅក្នុងម៉ូដែល​ផលិតមានកំណត់ដែលមានចុះលេខរៀងត្រឹមត្រូវ៖ វាគឺជាវត្ថុដ៏ពិតប្រាកដសម្រាប់​អ្នកចូលចិត្ត​សន្សំទុក ដែលជាកន្លែងសិល្បៈនៃការផលិតជួបជាមួយនឹងចក្ខុវិស័យសម័យទំនើប"។ នេះគឺជាម៉ូដែលទី 4 នៃស្រឡាយ 946 ដែលផ្តល់កិត្តិយសដល់ប្រតិទិនច័ន្ទគតិ បន្ទាប់ពី Vespa បានបង្ហាញម៉ូដែល Bunny (ឆ្នាំថោះ) និង Dragon (ឆ្នាំរោង) កាលពីពេលមុន។

លក្ខណៈបច្ចេកទេសនៃម៉ូដែល 946 Horse ថ្មីនេះ រួមមាន៖

• ម៉ាស៊ីនស៊ីឡាំងតែមួយកម្លាំង 125 ស៊ីស៊ី
• ប្រព័ន្ធហ្វ្រាំង ABS ពីរប៉ុស្តិ៍ (Dual-channel)
• បូមក្រោយដែលអាចលៃតម្រូវកម្រិតភាពតឹង (Preload) បាន 5 កម្រិត

Vespa 946 Horse scooter

ក្រៅពីម៉ូដែលថ្មីនេះ Vespa ក៏បានបង្ហាញផលិតផលថ្មីៗដែលជាផ្នែកនៃ In Sella ដែលជាស៊េរីទី 3 នៅក្នុងបណ្តុំសម្លៀកបំពាក់ Al Vento ផងដែរ។ សម្រាប់ឆ្នាំ 2026 នេះ វាមានរចនាបថពណ៌ខៀវក្រម៉ៅ (navy blue) ដែលរួមមានសម្លៀកបំពាក់ប្រភេទចាក់ (knitwear) ជាច្រើនដូចជា អាវយឺតចាក់, អាវវ៉េស្ដ (vests) និងអាវកាតឌីហ្គែន (cardigans)។ លើសពីនេះ មួកសុវត្ថិភាពដែលមានពណ៌ត្នោតចាស់រលោងដូចទៅនឹងម៉ូតូ 946 Horse ក៏ត្រូវបានក្រុមហ៊ុនអ៊ីតាលីមួយនេះដាក់បង្ហាញផងដែរ។

ម៉ូដែលថ្មីនេះ ត្រូវបានរំពឹងថានឹងមកដល់នៅអំឡុងខែ ឧសភា ឆ្នាំ 2026 ខាងមុខនេះ៕