​​​​​​​​​​​​​​          ផែនការរបស់ក្រុមហ៊ុន Vespa សម្រាប់ឆ្នាំ 2026 ត្រូវបានបង្ហាញនៅក្នុងពិព័រណ៍ EICMA កាលពីសប្តាហ៍មុន ដែលបានផ្តល់ឱ្យយើងនូវការអាប់ដេតដ៏គួរឱ្យចាប់អារម្មណ៍ចំពោះម៉ូដែល Primavera និង Sprint S។ ដំណឹងនេះត្រូវបានផ្គូផ្គងជាមួយនឹងការប្រារព្ធខួបលើកទី 80 របស់ខ្លួននាពេលខាងមុខ តាមរយៈម៉ូដែលស៊េរីពិសេសនេះ។

2026 Vespa sprint S  

Vespa មិនដែលធ្វើអោយអតិថិជនរបស់ខ្លួនខកចិត្តចំពោះការខ្វះខាតរឿងស្ទីល និងភាពឆើតឆាយនោះទេ។ តាមពិតទៅ ទាំងនេះប្រហែលជាអ្វីដែលម៉ាកយីហោអ៊ីតាលី​មួយនេះធ្វើបានល្អជាងអ្វីៗទាំងអស់។ ពាក្យពីរម៉ាត់នេះពិតជាសង្ខេបបានល្អសម្រាប់ម៉ូដែលឆ្នាំ 2026 របស់ក្រុមហ៊ុន ដែលបានប្រើលើម៉ូដែល Primavera និង Sprint S។ សម្រាប់ម៉ូដែលទាំងពីរនេះ វ៉េស្ប៉ា (Vespa) ឆ្នាំ 2026​បានបំពាក់មកម៉ាស៊ីនចំហេះ មាន 3 ទំហំរួមមាន 50cc, 125cc, និង 150cc ជាមួយនឹងការអាប់ដេតលើលក្ខណៈបច្ចេកទេស មុខងារ និងការរចនាជាដើម។​​ ការផ្លាស់ប្តូរដ៏ធំគឺការដាក់បញ្ចូលនូវឌីសហ្វ្រាំងដែកទំហំ 220mm ថ្មីនៅផ្នែកខាងក្រោយ ជាមួយនឹងកាលីព័រភ្លោះ(Twin-piston caliper) ដែលបានជំនួសហ្វ្រាំdrum (drum brake) បែបសាមញ្ញនៅខាងក្រោយ។ លើសពីនេះ កង់ទំហំ 12 អ៊ីញ ថ្មី ក៏ត្រូវបានណែនាំផងដែរ ខណៈដែលបន្ទះកាង (grille) ថ្មីដែលមានរន្ធ 5 ត្រូវបានរកឃើញនៅបន្ទះខាងឆ្វេង ដែលជាលក្ខណៈផ្តាច់មុខសម្រាប់ Vespa Sprint S។ គែមនៅលើរបាំងកង់ (mudguard crest) ផ្នែកខាងមុខនៅលើ Vespa Primavera ក៏ត្រូវបានរចនា និងកែលម្អឡើងវិញផងដែរ។

2026 Vespa Primavera S

រាល់ម៉ូដែល Primavera និង Sprint S ទាំងអស់នៅតែបំពាក់នូវទំពក់ព្យួរកាបូបដែលអាចបត់ចូលបានរបស់ម៉ាកយីហោនេះ ដែលស្ថិតនៅក្រោមដៃចង្កូត ដែលក្រុមហ៊ុន Vespa និយាយថាវា "ល្អឥតខ្ចោះសម្រាប់ការយួរកាបូប ឬឥវ៉ាន់តូចៗ និងបង្កើនភាពងាយស្រួលក្នុងការប្រើប្រាស់ ប្រចាំថ្ងៃ"។

ការផ្លាស់ប្តូរមួយទៀតដែលប្រាកដជាត្រូវបានស្វាគមន៍នៅលើម៉ូដែល Primavera និង Sprint S ទាំងអស់ដែលមានចាប់ពីកម្លាមង 50cc ឡើងទៅ គឺ មានប្រព័ន្ធសោរ Keyless ថ្មី របស់វា។ ផ្ទាំងតាប្លូ (dashboard) ថ្មីទាំងស្រុងត្រូវបានដាក់បង្ហាញនៅលើអេក្រង់ទាំងពីរ ដែលមានបច្ចេកវិទ្យា LCD ពេញតែម្តង។ ម៉ូដែលទាំងពីរនេះក៏មាននៅក្នុងទម្រង់ប្រភេទប្រព័ន្ធអគ្គិសនីផងដែរ ហើយពួកវាភ្ជាប់មកជាមួយអាគុយដែលអាចដោះចេញបាន។

ក្រៅពីម៉ូតូស្កូតឺ (Scooter)ក្រុមហ៊ុន Vespa បានបង្ហាញ នូវពណ៌ថ្មីមួយចំនួន យ៉ាងស្អាតសម្រាប់មុខបើក (​open-face) ទៅលើម៉ូដែល Argentario helmet របស់ខ្លួន ដែលបានផ្តល់នូវពណ៌ដែលស្ទើរតែដូចគ្នាយ៉ាងដិតទៅនឹងពណ៌ដែលបានរកឃើញនៅលើម៉ូដែល Sprint S និង Primavera។

Vespa 80th anniversary GTS scooter

ពណ៌ថ្មី ខៀវ, បៃតង លឿង ក្រហម (cinnabar green) និង ពណ៌ត្នោតរលោង (glossy beige) ទាំងអស់ត្រូវបានដាក់បង្ហាញ ដែលមានន័យថាអ្នកអាចបញ្ចូលពណ៌គ្នាស្ទើរតែទាំងស្រុង​ជាមួយ​នឹងម៉ូតូស្កូតឺតាំងពីក្បាលដល់ចុងជើង ប្រសិនបើអ្នកចាប់អារម្មណ៍រឿងបែបនេះ។

ជាចុងក្រោយ ក្រុមហ៊ុន Vepsa រហូតមកដល់ពេលនេះមានអាយុកាលជិត 80 ឆ្នាំ នៅក្នុងឆ្នាំ 2026 ហើយក្រុមហ៊ុននិងរៀបចំពិធីអបអរសាទរដ៏ធំនៅទីក្រុងរ៉ូម ចាប់ពីថ្ងៃទី 25 ដល់ថ្ងៃទី 28 ខែមិថុនា ឆ្នាំ 2026​ខាងមុខនេះ។ ផ្នែកមួយនៃការប្រារព្ធពិធីទាំងនោះ ឥឡូវនេះរួមបញ្ចូលទាំងស៊េរីពិសេសខួបទី 80 ថ្មី (ការរចនាពិសេសក្នុងន័យផ្សេង) ដែលនឹងត្រូវបានផ្តល់ជូននៅលើម៉ូដែល Primavera និង GTS។ ការរចនាថ្មីគឺដូចគ្នាសម្រាប់ទាំង Primavera និង GTS ដោយមានពណ៌ Verde Pastello (បៃតងខ្ចី) ថ្មីត្រូវបានដាក់បង្ហាញ។ ការតុបតែងលំអរខួបលើកនេះក៏មានការរចនា លើតួទាំងមូលនៃម៉ូតូស្កូតឺ​(Scooter) ទាំងពីរ ខណៈដែលចាប់ពីលើដល់ក្រោមនិងចាប់ពី មុខដល់​ក្រោយ ផងដែរ៕