បើតាមភ្នាក់ងារអង្គភាពរថយន្តអគ្គិសនី (EV) របស់ក្រុមហ៊ុន Xiaomi (HKG: 1810) គឺ រថយន្តអគ្គិសនី​ Xiaomi EV បាន​នាំចេញ​រថយន្តរបស់ខ្លួន​បាន​លើសបន្ថែមរហូតទៅដល់ចំនួន ៤០,០០០ គ្រឿង​ម្តង​ទៀត​ក្នុង​ខែ​តុលានេះ ដែល​ជា​ការ​សម្គាល់ពី​ខែ​ជាប់ៗ​គ្នា​ដែល​លើស​ពី​ចំនួនចាស់ដែលបានព្យាករណ៏កន្លងមក​នេះ។ក្រុមហ៊ុន Xiaomi EV បាន​លើកឡើង​អំពី​រឿង​នេះ​នៅ​លើ គេហទំព័រWeibo នា​ថ្ងៃនេះ ដោយ​មិន​បាន​បញ្ជាក់​ពី​តួលេខ​ពិតប្រាកដ​ទេ ដែល​ស្រប​តាម​ការ​អនុវត្ត​កន្លង​មក។

ក្រុមហ៊ុន​បាន​នាំចេញ​រថយន្តរបស់ខ្លួនចំនួន ៤១,៩៤៨ គ្រឿង​ក្នុង​ខែ​កញ្ញា ដែល​ជា​លើក​ដំបូង​ដែល​លើស​ពី​ចំនួន ៤០,០០០ គ្រឿង និង​បាន​បង្កើត​កំណត់ត្រា​ប្រចាំខែ​ថ្មី​ជា​ខែ​ទីបី​ជាប់ៗ​គ្នា នេះ​បើ​យោង​តាម​ទិន្នន័យ​ដែល​ចងក្រង​ដោយ CnEVPost។ ចំនួន​នេះ​មាន​ការ​កើនឡើង ២០៩.៣៧ ភាគរយ ចំនួននេះកើនឡើងពី ១៣,៥៥៩ គ្រឿង​ដែល​បាន​ធ្វើការនាំចេញ​ក្នុង​រយៈពេល​ដូចគ្នា​កាលពី​ឆ្នាំ​មុន។ និងការ​កើនឡើង ១៥.២៥ ភាគរយ ពីចំនួន ៣៦,៣៩៦ គ្រឿង​ ​ក្នុង​ខែ​សីហាកន្លងទៅនេះ។

ក្រុមហ៊ុន Xiaomi បាន​ដាក់សម្ពោធ​រថយន្ត​សេដាន់(US7 Electric Sedan)​អគ្គិសនី SU7 ជា​ផ្លូវការ​នៅ​ថ្ងៃទី ២៨ ខែ​មីនា ឆ្នាំ ២០២៤ ដោយ​ដាក់​វា​ជា​គូប្រជែង​ជាមួយ Model 3 របស់ Tesla (NASDAQ: TSLA)។

នេះ​ជា​ការ​សម្គាល់​ខែ​ទីពីរ​ជាប់ៗ​គ្នា​ដែល​ការ​ដឹកជញ្ជូន​រថយន្ត EV របស់ Xiaomi បាន​លើស​ពី​ចំនួន ៤០,០០០ គ្រឿង។

ក្រុមហ៊ុន Xiaomi EV បាន​ដឹកជញ្ជូន​រថយន្ត ៤១,៩៤៨ គ្រឿង​ក្នុង​ខែ​កញ្ញា ដែល​បាន​បង្កើត​កំណត់ត្រា​ថ្មី​ជា​ខែ​ទីបី​ជាប់ៗ​គ្នា។

នៅ​ថ្ងៃទី ២៧ ខែ​កុម្ភៈ ក្រុមហ៊ុន Xiaomi បាន​សម្ពោធ SU7 Ultra ដែល​ជា​រថយន្ត​សេដាន់ (SU7 ultra electic)Sedan )​អគ្គិសនី​ដែល​បង្កើន​សមត្ថភាព​ដោយ​ផ្អែក​លើ​ម៉ូដែល SU7 ស្តង់ដារ។

នៅ​ថ្ងៃទី ២៦ ខែ​មិថុនា ក្រុមហ៊ុន Xiaomi បាន​សម្ពោធ YU7 ដែល​ជា​រថយន្ត SUV (sport utility vehicle) អគ្គិសនី​ដំបូង​របស់​ខ្លួន និង​ជា​គូប្រជែង​ជាមួយ Tesla Model Y។

កាលពី​ខែ​មុន រថយន្ត Xiaomi SU7 មួយ​គ្រឿង​បាន​ឆាបឆេះ​បន្ទាប់ពី​ការ​បុកប៉ះទង្គិច​ធ្ងន់ធ្ងរ ដែល​បណ្តាល​ឲ្យ​អ្នកបើកបរ​ស្លាប់ និង​បង្កើន​ក្តី​បារម្ភ​អំពី​សុវត្ថិភាព​យានយន្ត។

ក្រុមហ៊ុន Xiaomi EV បាន​បង្កើត​នាយកដ្ឋាន​ថ្មី​មួយ​ដើម្បី​ស្វែងយល់​ពី​មូលដ្ឋាន​បច្ចេកវិទ្យា​សម្រាប់​ផលិតផល​ជំនាន់​ក្រោយ នេះ​បើ​យោង​តាម​របាយការណ៍​របស់​ប្រព័ន្ធ​ផ្សព្វផ្សាយ​ក្នុង​ស្រុក នៅ​ថ្ងៃទី ២៨ ខែ​តុលា។ ក្រុម​នេះ​រួមមាន​ប្រធាន​នាយកដ្ឋាន R&D (ស្រាវជ្រាវ និង​អភិវឌ្ឍន៍) មួយចំនួន ហើយ​ត្រូវ​រាយការណ៍​ដោយ​ផ្ទាល់​ទៅ​កាន់ស្ថាបនិក ប្រធាន និង​នាយក​ប្រតិបត្តិ​ក្រុមហ៊ុន Xiaomi គឺ​លោក Lei Jun។