ការប្រារព្ធខួបលើកទី 70​ ឆ្នាំរបស់ក្រុមហ៊ុន Yamaha បានធ្វើការផ្លាស់ប្តូររូបរាងដ៏​ស្រស់ស្អាតតែម្តងទៅលើកំពូលជើងឯកជាច្រើនក្នុងឆ្នាំ 2025។ ប៉ុន្តែសម្រាប់ឆ្នាំ 2026គ្រប់ ម៉ូដែលអធិរាជដងផ្លូវ​ចំនួនបួននេះអាចមានពណ៌ដូចគ្នានោះពេញមួយឆ្នាំ។

ម៉ូដែលទាំងនោះរួមមានម៉ូតូស្ព័រកម្រិតដំបូងរបស់ Yamaha គឺ R125, R3, R7 និង R9 ដែលបានទទួលជ័យជម្នះក្នុងការប្រកួត World Supersport Championship ក្នុងឆ្នាំ 2025​នេះ។ រូបរាងថ្មីនេះគឺមានការរួមបញ្ចូលគ្នារវាងពណ៌ ស និង ពណ៌ក្រហម ដ៏ស្រស់ស្អាត ដែលត្រូវបាន​បំផុស​​គំនិតរូបរាងដ៏ល្បីល្បាញដែលធ្លាប់ត្រូវបានប្រើប្រាស់ក្នុងការប្រកួត ប្រណាំង R7 ក្នុងឆ្នាំ 1999។

The Factory Yamaha Suzuka 8 Hour R1

ក្រុមហ៊ុន Yamaha បានបង្ហាញពណ៌នេះដើម្បីប្រារព្ធពិធីជាលើកដំបូងនៅលើម៉ូតូ M1 MotoGP ពីរោងចក្ររបស់ខ្លួននៅឯ Dutch Grand Prix ក្នុងទីក្រុង Assen កាលពីដើមឆ្នាំ​កន្លងទៅនេះ។ ពណ៌ដូចគ្នានោះ ទោះបីជាមានការកែប្រែបន្តិចបន្តួចក៏ដោយ ក៏ត្រូវបានអនុវត្ត​ទៅលើម៉ូតូ R1 របស់ក្រុមហ៊ុន ដែលបានប្រណាំងនៅព្រឹត្តិការណ៍ Suzuka 8 Hours ដែលជា​ផ្នែក​មួយនៃ FIM Endurance World Championship។ បន្ទាប់មក វាជាវេនរបស់ក្រុម World​SBK របស់ Yamaha នៅវគ្គផ្តាច់ព្រ័ត្ររដូវកាលនៅ Jerez ដោយទាំងម៉ូតូ R9 និង R1 ទទួលបានការរចនាពណ៌ក្នុងការប្រារព្ធពិធីនេះផងដែរ។

ទោះជាយ៉ាងណាក៏ដោយ មានរឿងសំខាន់ៗមួយចំនួនដែលត្រូវកត់សម្គាល់អំពីម៉ូដែល R125, R3, R7 និង R9 ដែលមានរូបរាងពិសេសសម្រាប់ឆ្នាំ 2026 គឺម៉ូតូទាំងបួននេះមាន តម្លៃខុសគ្នាបន្តិចបន្តួច បើប្រៀបធៀបទៅនឹងកំណែពណ៌ស្តង់ដារ។

Yamaha's all-new R7 on a rear stand

• ជាឧទាហរណ៍ ប្រសិនម៉ូតូ R125 មានតម្លៃ $7,256 ទាំងក្នុងការកំណត់រចនាពណ៌ខៀវ ឬខ្មៅស្តង់ដារ ប៉ុន្តែប្រសិនបើអ្នកជ្រើសរើសពណ៌ខួបកំណើត នោះតម្លៃកើនឡើងដល់ $7,454។
• ម៉ូតូ R3 ក៏មានការកើនឡើងតម្លៃរហូតដល់ $198 ជាមួយនឹងការរចនាពណ៌ពិសេស ដោយតម្លៃកើនឡើងពី $8,776ដល់ $8,974។
• ប្រសិនបើអ្នកចូលចិត្តពណ៌ខួបកំណើតនៅលើម៉ូតូ R9 អ្នកនឹងត្រូវបន្ថែមការកើនឡើង​រហូតដល់ $330 លើសពីតម្លៃពណ៌ស្តង់ដារ។

ភាពខុសគ្នានៃតម្លៃរវាងពណ៌ស្តង់ដារ និងពណ៌ខួបកំណើតមិនទាន់ត្រូវបានបញ្ជាក់ដោយ Yamaha សម្រាប់ម៉ូតូ R7 នៅឡើយទេ។ ហើយក៏មិនមានការបញ្ជាក់ពី​ RRP នៃតម្លៃលក់​ជាទូទៅ របស់ម៉ូតូនេះនៅពេលនេះផងដែរ ដែលវាបានឆ្លងកាត់ការផ្លាស់ប្តូរដ៏ធំសម្រាប់ឆ្នាំ 2026​ខាងមុខនេះ៕